لورنس العرب يظهر اخيرآ ( صور + فيديو )

[نجداوي]

الكل يعرف لورنس البالتوك وطريقه انجراف الشعب خلفه
بدآيه من انتاج فلم كرتوني رمضان الماضي الى أن احتضنته قنوات روتانا اخيرآ بالملايين ولكن على ماذآ !!

لورنس اصبح قوميآ سعوديآ بسبب قذفه للمرأة السعوديه وطريقه دمج الضحك باللعان والشتيمه !

من يكون لورنس بعد ظهوره اامام الجميع وهو ليس اهلأ للفن حتى ؟!




فيديو قبل ظهوره الصريح


[youtube]

[نجداوي]

لورنس .

[Miss_Autumn]

كل رجائي ان الله لا يكثر من امثاله هالآدمي ..مير البلا من اللي يزاعقون وراه
بس تدري نجداوي مره حبيت موضوعك ! لانها اول مرة اشوف خبر عالانترنت ويكون مابعد وصل لاصحاب ال bb*

[Al O3jObA]

الظآهر انه قديم هـ المقطع .. !! ..

الحمد لله الذي عآفآنآ مما ابتلى به كثير(ن) من خلقه


تقبل مروووري

[صيـدلآنــي]

أنسآن مريض ,
هذآ محله أعزكم الله الزبآله

لآزلت أذكر تعليقآت مُتآبعيه باليوتيوب
الى الأمآم , وأستمر ومدري أيش , والمشكله كل كلآمه نِتن

لأول مره أكره بني شعبي


لآشُكراً يآ أخ نجدآوي على أحظآر صورة هذآ الحشرة ,
مع كآمل أحترآمي للحشرآت

[بنت العاصي]

داخل مزاجي وعاجبني
احب هياطه وحلوه لهجته مخلوطه
ليته استمر مخفي علشان يطلع الهيط اللي على كيف الكيف
ملينا ياناس من الجد وثقل البراطم
ومهما يقول هو او غيره ماراح يطولوا الانثى السعوديه ولا مكانتها
وشفيكم انتم خلونا نستانس
من جد ليته مافك لطمته ماحبيته ..

[قروي فاهم]

حتى في المقابله قبل ان يظهر شخصيته امام الاعلام استفاد من الظهور الاعلامي
وبدأ يستخف دمه في قصص خياليه ومثاليه زائده وبنفس الوقت زائفه !!

[بريداويهـ]

تبون الصراحه !!!

ما اعرفه ولا عمري سمعت فيه

والي فاجأن انكم تقولون مشهور !!!!

لكن الغريب كلكم تعيبون فيه
وانا صراحه ماشفت بالمقطع شي يعيب

يمكن يبيلي اسير على اليوتيب وادور شي عنه

لي باك باذن الله بعد الفرفره باليوتيب

تحياتي

[نـدى الـورد]

بريداويه هو الي طلع في مسلسل لورانس برمضان

*

لايشرفني ان اتتبع اخباره وسيرته

.

[زين نجد]

اقتباس:  المشاركة الأصلية كتبت بواسطة بريداويهـ     تبون الصراحه !!! ما اعرفه ولا عمري سمعت فيه والي فاجأن انكم تقولون مشهور !!!! لكن الغريب كلكم تعيبون فيه وانا صراحه ماشفت بالمقطع شي يعيب يمكن يبيلي اسير على اليوتيب وادور شي عنه لي باك باذن الله بعد الفرفره باليوتيب تحياتي

أخت بريدايهـ

أولاً: أهنئك على هذا الكلام ( أنكِ لا تعرفينه ولا قد سمعتي فيه )
وهذا يدل على أنك لا تتبعين سفاسف الأمور.

ثانياً :أختي بريداويهـ
هل سمعت بمقال السيخ عائض القرني " الفارغون أكثر ضجيجاً ".
الشيخ قوقل ما يقصر ياليت تقرأيه لتعلمي أنه هو ومن يستمع له ويهتم به أنهم أكثر ضجيجاً.

هذا بعض ما قاله الدكتور عائض القرني: "إذا مرَّ القطار وسمعت جلبة لإحدى عرباته فاعلم أنها فارغة، وإذا سمعت تاجراً يحرّج على بضاعته وينادي عليها فاعلم أنها كاسدة، فكل فارغ من البشر والأشياء له جلبة وصوت وصراخ".
أتمنى ألا تتحمسي لهذا الفارغ..

أنا لا أريد الكلام عنه وعن أمثاله لأنني سأقع في أمر عظيم ألا وهو الغيبة.

تقديري لك ولأخي نجداوي،،،

[بريداويهـ]

ندى الورد

اممممممم ما اتذكر برمضان تابعت شي
واذا تبين الصراحه
التلفزيون مطلقته من حوالي سبع سنوات او يزيد
ما اقول لك اني ما اشوف بتاتاً !!!
لا اشوف اذا احد فتحه عندي (عموماً احسه مزعج)
وودي يكون عدم شوفي له طوع (لكن الصراحه ما احب اتابع برامج ومسلسلات وخلافه, المتابعه هذي بحد ذاته اكرهه)
فيه ببيتي رسيفر جامع كل القنوات سواء مشفره او ماشفرت
وماعمره انفتح الا اذا بغى رجلي يشوف مباراة
بس

برمضان اتذكر الشيء الوحيد الي تابعته "برنامج خواطر" وتابعته عن طريق النت , يعني متى ماكنت فاضيه حملت المقطع وشفته


لرجعنا لموضوعنا و(لورنس العرب)

دورت باليوتيب عنه ولقيت مقاطع
وايضاً دخلت منتداه
وبصراحه اذا المقصد استهبال وفقره كوميديه (فاتوقع سامجين لاخر حد وثقيلين دم)

واذا مقصدهم بالطرح تثقيف
فللاسف مافيه اسلوب طرح

عموماً فيه افكار يمكن يطلع منهن وفيه اشياء ماله داعي

هذا باكي بعد مابصبصت هنا وهناك


تحياتي

[بريداويهـ]

عذراً منك اخونا نجداوي
على الرد مرتين متتاليتين
بس كنت مسويه رد "لندى الورد" وراده عليه من زمان وما ارسلت الرد الا بعد ما كملت اطلاعي عن لورانس العرب
وبعد مارديت قريت رد اخونا زين نجد وحبيت ارد عليه
<-- طراه اكره ماعلي الي يسولفون بالامواضيع ومخلينه مسنجر

اقتباس:  المشاركة الأصلية كتبت بواسطة زين نجد     أخت بريدايهـ أولاً: أهنئك على هذا الكلام ( أنكِ لا تعرفينه ولا قد سمعتي فيه ) وهذا يدل على أنك لا تتبعين سفاسف الأمور. ثانياً :أختي بريداويهـ هل سمعت بمقال السيخ عائض القرني " الفارغون أكثر ضجيجاً ". الشيخ قوقل ما يقصر ياليت تقرأيه لتعلمي أنه هو ومن يستمع له ويهتم به أنهم أكثر ضجيجاً. هذا بعض ما قاله الدكتور عائض القرني: "إذا مرَّ القطار وسمعت جلبة لإحدى عرباته فاعلم أنها فارغة، وإذا سمعت تاجراً يحرّج على بضاعته وينادي عليها فاعلم أنها كاسدة، فكل فارغ من البشر والأشياء له جلبة وصوت وصراخ". أتمنى ألا تتحمسي لهذا الفارغ.. أنا لا أريد الكلام عنه وعن أمثاله لأنني سأقع في أمر عظيم ألا وهو الغيبة. تقديري لك ولأخي نجداوي،،،

تصدق عاد الي استغربته اني شفت لقائات معه بقنوات
و الادهى والامر قناة مسوين له برنامج اتوقع هو وشله على نفس الشكليه , لان مكتوب على لمقطع الحلقه الاولى !!!!


الحمد لله على سالفة الضجيج
ماوصلن خبره الا منكم واتوقع ماوصل الكثير غيري
لاني اول مره اسمع فيه وماعمري سمعته من اقاربي ولا من صديقاتي


وعلى الحماسه :
اتوقع هي مجرد شرافه اكثر من ماهي حماسه
وحلو الواحد يطلع على العالم ومايكون نايم على ودانه

تحياتي لك ولاخونا نجداوي

[Qassimy]

شخصية كوميدية نمبر 1

[شميساوي]

مآآآش ...

عجزت أبلعه لورنس هذا...

و لا بـ فلاش ..


.

[ShmOoOo5]

وع الله لايكثر جنسه

صدقوا يوم قالوا مايتطنز بالناس الا ارداهم