غباء بعض الرجاااااااااال .

[هلاوين]

السلام عليكم ورحمة الله وبركاته

اسعد ربي مساكم وطابت ايامك

هذا وحد من الاصدقاء متزوج ومرتاح مع زوجته ولاقصرت معه وكان كثير مايثني عليها عندي

فاقول بارك الله لك فيها واقر عينك بطاعتها .

المهم جلست مرة اسولف معه ومن السوالف

قلت له فيه قريبة للي كانت في قمة الجمال والدين والادب طلقت وهي الم تتجاوز العشرين سنه .
قال وش تقول

قلت اقول للي سمعت

قال ابيها

قالت سيارة تحكم انك تبيها من جلسه رح فكررررر وستخر وشاور وبعدين تعال اعطيك رقم ابوها

قال خلاص بعد يومين اتصل على

قال جزمت عطن الرقم

قلت هذا رقم ابوها بعد يومين شفته

قلت وش صار عليك

قال والله ماتصلت

قلت موفق بعد شهر اتصل

قال ابي رقم ابو البنت للي تقرب لك

قلت هذا رقمه بعد كم يوم سالته اتصلت

قال لا قلت وراه مرتين تاخذه ولاتتصل

قال افكرررر بزوجتي واهوووون

قلت على راحتك يوم صار بعد كم شهر ويتصل

قال ابي رقم ابو البنت

قلت شف يالحبيب البنت معززه ومكرمة عند اهلها عطيتك رقمة اعتقدت انك صادق مادريت انك تبي تادب بها زوجتك .

واقول لك بصراحة للي تاخذه بدون ماتحسب له رايح تخليه بدون ماتفكر له .

النتيجه

اقول بعض الرجال يخطب ويتزوج عند ادنى خلاف مع زوجته الاولى

وعندما ينتهي الخلاف تكون الثانية هي الضحية بطلاق او اهمال .

[عاشق الخير]

اقتباس: كون الثانية هي الضحية بطلاق او اهمال .

قد تكون بنظرتنا هي الضحية !
لكنها حتما ستكون الفائزه يوما ما ..
فعلا دنائة بعض الرجال وعجزهم عن ادارة حياتهم الزوجية بنجاح او عجزه عن ترويض زوجته تحت يديه بإرادتها ورغبتها و تكرمها عليه جزاء على اغراقه لها بافعاله واقواله الصحيحه التي تجد من خلالها ان تمتلك زوجا ورجلا لا يسعها الاستغناء عنه ..
فان فقد الرجل الافعال التي تحبب الزوجه له فحتما سيبحث عن حلول تعوض النقص فيه وقد يفكر بتلك الدنائة وكانها حل لضعفه و قلة دبرته ..

والنهاية ستكون على راسه

[SAGA]

مهب غباء إلا عديم إحساس بيعاقب زوجته الأولى بزوجة ثانية,,

وإذا تأدبت الأولى طلق الثانية بأسهل ماعنده.

[نجداوي]

بنظري اللي يسئ للانثى او يغتصب حقها الزوجي وخاصه باسلوب التسلط

انسان اقرب مايكون صاحب انتماءت حيوانية

شكرآ بو ميار

[نبض قلب]

خله يتردد بالاتصال
ولا انه اذا شافها وطلع ,, دق على ابوها بعد يومين
وقال هاه ,,
ماشفتها زين بشوفها مره ثانيه
وبعد تردد ورحمه للزوجة الاولى تطلع النتيجه ..

برسالة على جوال ابوها مفادها :
الله يوفقها ويسعدها مع واحد غيري
وهنا فقط
تشعر الانثى وخاصة اذا كانت مطلّقه بأنها
سلعه كل يويق بوجهه

مايستفاد من ردي
اذا كنت متردد وشخصيتك مهزوزه
وتخاف من الاولى ,,
انتبه تتقدم خطوه واااااااااااااحده للثانيه
لانك برساله سوف تهدم كيان انثى وتقضي على ثقتها بنفسها 0

طبعا كلامي السابق ناتج من معاناة
شاهدتها بنفسي لانسانه مالها ذنب سوى انها (( مطلقه ))

[انـωـہ ωـآﺂلي♠]

والله عديييم احساس..باللاه عليه مايفكر بالزوجه الثانيه وكيف الظلم اللي يبي يجيه..
وين العدل؟؟
يعني يبي يربي زوجته الثانيه الظاهر لك لسان تقدر تادبه فيه مو بالزواج..
بصراحه النوعيه ذولا عديمين الاحساس ..وغباء بعد..
مايستاهل يتزوج ..

نم وانت مظلوم ولاتنام وانت ظالم..

يعطيك العافيه اوبو ميار موضوع بالفعل رائع وجميل يعطيك العافيه ماقصرت

مبدع ابدعت بالطرح والموضوع..

ننتظر ابداعك..

[طقاقة بدون مايك]

وش عاد المطلقات تحسبونهن ع خبركن >سموهن مطلقات لانهن ينطلقن لل الحياة من جديد
اجل للحين به ي نبض قلب اللي لا تطلقن يتقوقعن ع نفسهن و يبتسن و م عندهن هم الا يستنون الرجل الي عندوه مرة اوله وذالن ع بقايا الحنكة والمرجلة عندوه لا تضيع ويقوم يهدد به ويتوعد به ه المطلقة .&


صرآحة اللي يسوي هكآ قسم انه جبان و م يحوف ب الدبرة هبد
يهدد المرة ب مرة ...لا و مطلقة بعد يعني عشان تحتر زيادة



لكن انا م اقول الا ي‘رب اصلح عقولنا وكبر مقآمتنا به العقل


بب ميا‘ار ششششششكرن لك..وشنوحك تعطيهـ الرقم يعني انت تشجع الواحد يعرس ع مرتوهـ ..ورآك هكآ


موقف به آستنقاص للمطلقات من قبل صديقك الي مدري وش اقول عنهـ...آجل م خذن رقم ابوهـ يهدد به الاولية ..شو هيدآ العالم !

[هلاوين]

اقتباس:  المشاركة الأصلية كتبت بواسطة عاشق الخير     قد تكون بنظرتنا هي الضحية ! لكنها حتما ستكون الفائزه يوما ما .. فعلا دنائة بعض الرجال وعجزهم عن ادارة حياتهم الزوجية بنجاح او عجزه عن ترويض زوجته تحت يديه بإرادتها ورغبتها و تكرمها عليه جزاء على اغراقه لها بافعاله واقواله الصحيحه التي تجد من خلالها ان تمتلك زوجا ورجلا لا يسعها الاستغناء عنه .. فان فقد الرجل الافعال التي تحبب الزوجه له فحتما سيبحث عن حلول تعوض النقص فيه وقد يفكر بتلك الدنائة وكانها حل لضعفه و قلة دبرته .. والنهاية ستكون على راسه

صحيح كلامك .

وان خسر الرجل يبقى الخاسررررررر

الاكثر هي الزوجة التى وقعت في فخ من

لايخاف الله فيها .

الله يوفقهن ويرزقهن خير ممافقدن .


تشكراتي لك عاشق

[هلاوين]

اقتباس:  المشاركة الأصلية كتبت بواسطة saga     مهب غباء إلا عديم إحساس بيعاقب زوجته الأولى بزوجة ثانية,, وإذا تأدبت الأولى طلق الثانية بأسهل ماعنده.

اذا لم تمنعك مرؤتك فنتظر البلوى

للهم اغنهن عنهم كما اغنيتهم عنهن .

تشكراتي لك سجن>> صرتي نجلينزي تطورتي هههه

[بسومة بريده]

اقتباس: اقول بعض الرجال يخطب ويتزوج عند ادنى خلاف مع زوجته الاولى وعندما ينتهي الخلاف تكون الثانية هي الضحية بطلاق او اهمال .

،
،

[انتظرتك]

اقتباس: قال خلاص بعد يومين اتصل على قال جزمت عطن الرقم

يومين يفكر ..!
مايبغالها تفكير ...




أمر محزن عندما ينظر للعلاقات المقدسة
بتلك النظرة ...

[JησÖ̤̇ση4E̳̐√ΈЯ̤̈̇]

حسب الزوجه الثانيه اذا حلوه وعرفت كيف توقعه راح العكس يصير ويمكن يسحب على ام الاولى هههههههههه !

[ShmOoOo5]

وانت يابو ميار عسى مانب قايله ليه اصلا تتكلم بالبنت
وتمدح شكلها عند رجل متزوج .. ترا ذنبها برقبتك
لو يتزوجها خويك ويطلقها بعد مايتصالح مع ام عياله ..

وتبي الصراحه انا اشوف المطلقات اللي حولي اذا كانوا مزيونات مايبون الا عزابي سواء مطلق او ارمل رافضين فكرة الزوجه الثانيه
بتاتا وماشالله بعضهم رزقهم ربي ماتمنواا .. الله يسعدهم

[سيناتور]

بغض النظر عن الموضوع نفسه لاكن ملاحظ كثير مشاكل ومو عارفين يحلوها

اذا صار بين الزوج والزوجه مشكله اياً كانت واستعصى حلها .

فيه استشارات ومراكز ومتخصصين بهذي الاشياء

الاجتماعيه ..

دور اسهل الطرق للعلاج وآخر العلاج الكي

[زمن الغرباء]

اعرف انا واحد كذا
كل ماطخ عود عود قال زاد انا وراي ماأعرس الحمدلله مغنيني الله

والمشكلة انه احيانا هو الغلطان على زوجته !!!!!

بس الاشكال انه اذا تزوج الرابعة وشلون يأدبها

ياربي حمدا ليس غيرك يحمد

شكري الجزييل