بسم الله عليكم وعلى من يجاوب
طفو بعض الشباب بتربية الحمام ,,
ذاك الوقت ماهنا شي للترفية
اطلق محل شارع العصارات والجبل المخروق
الشوارع شهب والماء بالزير
والمروحة مهفة والحمور والبيوض
مابعد جن والشلاح بالطريق والديرمان
هوا الروج والكحل تسثح والسحاب حرام
والهاي لكس التسع وسبعين والقعية هن اطلق السيارات
وقتها صارن بعض الطوايا "السطوح"
وكل عصرية ماتشوف الا عسيب
براسوه قطعة خرتدزة للتلويح للحمام
وفرتز الحمام يحوم فوق البيت
باللبة مغيم فوووووق يالله يشاف
ومع المغرب ينزل وراع الحمام انواع
الوناسة متشقق يحس انه اسعد انسان
ماتقبل شهادته بالمحكمة ؟؟ليشش ؟؟
لانه يعتبر سفية فالفعل هذا من السفه,,,
طيب سؤال يبطح نفسة اللي يشجع
فريق كورة ويطاير وراه ويخلي اشغاله
ومشاغله واهله ويصير ياكل ويشرب معه
وهي سالفته بكل مجلس ولا يعرف يحتسي بغيره ,,
بعضهم حفيان منتف جواله الكشاف
شاريه مستعمل وثوبه صيني ابو ثلاثطعش
وشماغ العقل من الحراج والنعال قاطعن
وكسرة سيارة ماتشتغل الا بدف
بالعربي طفران مصرانوه سود من الفقر,,
تشوفه متكي بمجلس ويقول :-
هاه يافلان شرينا كارلوس بعشرين مليون
وبعنا جون كندي بسبعة ملايين
وجبنا المدرب فرانسوا بخمسين مليون
ونبي نوريكم بالدوري الجاي تبي تشوف
ونبي ونبي << من المتحدث سموه على غفلة ؟؟
وكل سواليفه عن هالفريق لو ولده او مرته
بين الحياة والموت وفيه مباراة صارت اهم عنده..!!
هل تقبل شهادته اولا ؟؟ وهل هذا من السفه ؟؟
او" الناس فيما يعشقون مذاهب "
مجرد طاري طرالي تراي اشجع الرايد
:: سؤال ::
العرض الشجري