بسم الله الرحمن الرحيم
الله يسامح غيبتك ويش سوّت
عقبك حياتي مع مماتي تساوت
أضعف همومي في غيابك تقوّت
وأصغر جروحي بالحشا ما تداوت
ودارٍ بها بسمة محيّاك ضوّت
أركانها عقب انقطاعك تهاوت
وذيك الورود اللي بحبّك تروّت
سقّايها من غاب قامت تماوت
وقصيدي اللي بالدفاتر تنوّت
وزنه تكسّر .. والمعاني تلاوت
وصفحات فرْحي يا حبيبي تطوّت
كن السعاده مع كفوفك .. تخاوت
يا من غيابك داخل القلب موّت
نور الشموع اللي بقربك تضاوت
إسمع صدى صوتٍ مع الليل صوّت
وين أنت يا خلٍ له الروح هاوت
فك الحبال اللي عليّه تلوّت
وأشفْ النفوس اللي بعد ما تشاوت
رَآقـتْ لِـيْ.. 
العرض الشجري