...::!:: الاجــازآآت ::!::...

[الحلوو]

السلام عليكم ورحمة الله وبركاته
اهـــ،ـــلـــ،ـــيـــ،ـــن كـــ،ـــيــــ،ـــفـــ،ـــكـــ،ـــم ؟!؟!


تدرون أن اليابانيين أكثر شعوب العالم المتقدم حرماناً من العطلات ..
لدرجة انه ما تعدى إجازاتهم تسعة أيام في العام

مساكين يا اليابانيين
صدق أنكم شعب محروم من الراحهتدهرون بهالدنيا لا راحه ولا نوم ولا سعة صدر
علشان تقدمون إختراعات تفيد الإنسانيه
همن بتموتون واللي ما اسلم منكم بيخلد في النار
وخلوا الإنسانيه وسوني ومتسوبيشي وتويوتا تنفعكم
اقول خلوكم مثلنا بس
والله يا الإنسانيه ما قامت ولا قعدت عندنا
فالين ام الحياة.. إجازات ونوم وتسدح وتبطح ولله الحمد والمنـّه
شوفونا أيام السنه 365 وإجازتنا 355 يوم

الموظفين ..شهر أجازه نظاميه و10 أيام إضطراريه

و3 شهور تروح ما بين إجازاة وفاة والديه وعمانه وعماته وخواله وخالاته
وامهاته من الرضاع وابوانه من الرضاعه وأصدقاه من الرضاع
الموظف السعودي هو الوحيد في العالم اللي تتوفى له 12 جده و12 جد في السنه..

ومنها شهرين إستئذانات من المدير علشان يجدد الرخصه والإستماره
ويضيف ولده في دفتر العائله ويسجل ولده الثاني في المدرسه
ويطلع ولده الثالث من مرور ااصفراء..

و55 يوم يطلع من الدوام عشان يبلغ الشرطه عن شغالته اللي هجت

و3 شهور إجازات مرضيه منها شهر ونص في السنه

إجازات قلع أسنان .. تماسيح مهوب موظفين
وبعدين مدري وش ذا الأسنان اللي يقلعونه و تطلع ..
تصدقون يا جماعه ان بعضهم يكون باقي عليه ويتقاعد سنتين
ويجيب إجازه مرضيه بسبب فلع ضرس عقل

واللي موقع الإجازه طبيب نساء وولاده

والطلاب والطالبات إجازات الصيف 3 شهور
ومعها مكرمه من أهالي الطلاب او من انفسهم بالاصح نص شهر

وإجازة حج 20 يوم
معها مكرمه 10 أيام من الاهالي

و10 أيام إجازة نص سنه
ومعها 15 يوم مكرمه من الاهالي

وإجازة ربيع ومعها 15 يوم مكرمه من الاهالي

وإجازات أمطار وإجازات غبار
وغيابات بسبب الأنفلونزات

((الــطــلاب))
وغيابات للطلاب بسبب هزايم فرقهم ..
واللي مسكوه المرور وخلوه يفك أنوار الزينون
وعلم ابوه ولعن جدفه ..وتعبت نفسيته

((الـطـالـبـات))
وغيابات للطالبات بسبب ان بطونهم توجعهم <<< مدري وش هم ياكلون
وغياب لأن نفسياتهم تعبانهم ..
وأسباب تعب نفسيات البنات متعدده :
اللي قصت شعرها وطلع وع
واللي محد عطاها وجه على البي بي
واللي طلعت لها حبة شباب في خشمها
وقاعده طول الليل تراقب ذا الحبه لين تعبت نفسيتها ..

الزبده أن الطلاب ما يصفى لهم من دراسة الـ8 شهور إلا 18 يوم

>> الـمـوظـفـات <<
اما المدرسات والموظفات فحدث ولا حرج
إجازات مثل الإجازات الرسميه للطلاب والطالبات
وزيدو بعدإجازات مرضيه أثناء الحمل
وإجازات نفاس ممكن توصل لـ 3 شهور
عشان كذا ذا المدرسات هم أكثر من يحمل ويولد
تحسب انه بتكثر أمة الإسلام وهي تبي تتبطح وتتسدّح
طبعاً إضافه للإجازات المرضيه بأنواعه
المدرسه تراجع كل التخصصات الطبيه علشان تجيب منهم إجازه
أسنان وخشم وأذن وباطنيه وجلديه ونساء وولاده وعظام
وإجازه علشان فيها ضيقه وشاكه إنها منحوته
على طاري الضيقه ..
قسم لو للرقاة الشرعيين صلاحيات منح إجازات مرضيه
ان ما تلقون مداوم في مدارس البنات إلا البواب والفرّاشه و5 طالبات مصريات
نرجع اكلامنا ...

وغياب بعض أيام الأربعاء لإنها بتروح لزواج
ولازم تمسك سرا عند الكوافيره من الضحى
وإجازه مرضيه بعض أيام السبت لأنها كانت عازمتن حمولتها وتعبت
مع ان حمولتها كانوا عندها يوم الأربعاء ..
الحين الشغاله هي اللي تتعب والموظفه هي اللي تاخذ إجازه!!!

>>> انا اقترح إقتراح بيفيد الإنسانيه <<<
وهو اننا نتناسب إحنا واليابانيين
نتزوج منهم ويتزوجون منا

نعطيهم مما أعطانا الله من زود العيون
ويعطونا مما أعطاهم الله من زود العقول

نعطيهم مما أعطانا الله من الحرص على المظهر
ويعطونا مما أعطاهم الله من الحرص على الجوهر

وبكذا بننتج للإنسانيه نسل خوورآآفي
والله يا إنها بتستانس بنا ذا الإنسانيه

هاه !!

لا لا

هونت عن إقتراحي

اخاف ان تأثيرنا يكون اقوى
بالفهاوه والدلاخه والرفاله

وتأثيرهم يكون أقوى في صغر العيون
ويطلع عندنا جيل يحوم التسبد

همن عاد تقعد به هالإنسانيه ..

دلاخه وعيونن بقط ..
ولا مظهر ولا جوهر ولا سوني ولا متسوبيشي
ولا حتى تويوتا يارس قيير عادي

وسووري ان كنت طولت عليكم