عاداتنا المتخلفة..!!!

[ناقه فسفوريه]

مساءكم /صباحكم

سعاده ورضا وخير

سؤال دايم يدور في بالي من وين طلعت العادات والتقاليد"الي ماأنزل الله بها من سلطان والتي لاتمت للدين بأي صله بالعكس بعضها مخالف تماما للدين بس علشانها من العادات صارت حلال سبحان الله

ووش سر تمسك الناس الفظيع فيها "لوالواحد يسوي شي يخالف هالتقاليد أعوذ بالله كأنه كفر او جريمه

نمااااااااااااااذج من الواقع على التقاليد المتخلفه:

1/سواقة المرأه للسيارة لو تطري هالموضوع نطو بوجهك..بس عاااادي تركب مع السواق بلحالها

2/الرجل عادي يتزوج اجنبيه بس البنت اعوذ بالله جريمه..مع انه كلهم مسلمين

3/الرجل اذا راح بزوجته او اخته للمستشفى يهبل بهم لين مايجيبون له طبيبه بس لو زوجته او اخته بتصير طبيبه مارضى طبعا"

4/عادي الوحده تلبس عبايه ضييقه ومبينه كل جسمه ومزخرفه بس أهم شي على الراس..ويقطعونه لو لبست على الكتف ووسيعه وساااتره مرررره

5/اذا أخطأ الولد عاادي زله- بكرى يعقل- الولد عيبه بجيبه-
بس لو البنت أخطأت تقوم القيامه مع ان الدين وااحد والحلال والحرام للولد والبنت وعذرهم العادات..

6/فلان مو من قبيلتنا ولا من مستوانا مستحيل نزوجه!!

7/اذا صرح الرجل بحبه لزوجته قدام الناس صااااار قليل أدب ومايستحي "مع ان الرسول صلى الله عليه وسلم كان يفخر بحبه لخديجه وصرح بحبه لعائشه في أحاديث كثيره..

8/البنت اذا جت تتزوج لازم تختفي شهر قبل العرس وجريمه لو أحد شافه "الحمدلله والشكر بس اهل العقول براحه
المصيبه انه تسوي زفه وتطلع للناس بيوم الزواج

9/الشخص الكبير بالسن سواء"شايب والا عجوز"ياويل أحد يناقشهم او يبين لهم شي خطأ سووه يعتبرونك قليل ادب وماتحترم الكبير

10/ناااس مغطين شغالاتهم وملبسينهم عبايات وهن موب مسلمات أصلا"قمة العجب

و.....و.......و.........الخ

وهذا غيض من فيض مدري متى تنمسح هالعادات الي ماانزل الله بها من سلطان ونعيش بسلاااااااام بدون كلمة عيب هذي عاداتنا -تقاليدنا تقول كذا-هااااو وش يقولون عنا النااااس...

تحياتي

ناقه فسفورية

[انتظرتك]

فعلاً أمور تدعو للتعجب ,,

اقتباس: ناااس مغطين شغالاتهم وملبسينهم عبايات وهن موب مسلمات أصلا"قمة العجب

يغطونهن علشان مايشوفونهن الافغانيه والا البنقاليه وينطون على البيت ,,,

اقتباس: البنت اذا جت تتزوج لازم تختفي شهر قبل العرس وجريمه لو أحد شافه "الحمدلله والشكر بس اهل العقول براحه المصيبه انه تسوي زفه وتطلع للناس بيوم الزواج

هذا مافهمته شلون تختفي !!

[التنين الصيني]

مثل ما قلتي بـ عنوانك " المتخلفة " ....

هذولا ربعنا .... بس وش نسوي !

[t u l i p | n]

إيه يصير خير بعد!

[ناقه فسفوريه]

اقتباس:  المشاركة الأصلية كتبت بواسطة انتظرتك     فعلاً أمور تدعو للتعجب ,, يغطونهن علشان مايشوفونهن الافغانيه والا البنقاليه وينطون على البيت ,,, وييين ينطون وين عايشين حنا "الا والله تخلف ورجعيه ادعوها للاسلام أول بعدين يصير خير هذا مافهمته شلون تختفي !!

يعني الله يسلمك ماتطلع للناس ولاتروح للعزايم والمناسبات ولا أحد يشوفه من جماعته

[ناقه فسفوريه]

اقتباس:  المشاركة الأصلية كتبت بواسطة التنين الصيني     مثل ما قلتي بـ عنوانك " المتخلفة " .... هذولا ربعنا .... بس وش نسوي !

طيب الى متى ؟؟؟ متى نتطور المشكله ان أغلب الناس يسوونه وهم موب مقتنعين

[ناقه فسفوريه]

اقتباس:  المشاركة الأصلية كتبت بواسطة آنسه توليب     إيه يصير خير بعد!

ويجيب الله مطر بعد

[التنين الصيني]

اقتباس:  المشاركة الأصلية كتبت بواسطة ناقه فسفوريه     طيب الى متى ؟؟؟ متى نتطور المشكله ان أغلب الناس يسوونه وهم موب مقتنعين

السباحة عكس التيار متعبة ....

و اي شيء جديد سيكون له ضحايا ....

اذكر قبل 10 سنوات .... اقترحت في احد المجالس " اندية رياضية " نسائية ....

تكون تلك الأندية متنفس للنساء وعمل تمارين رياضية وحضور محاضرات و و و .... الخ

بدأ البعض بالضحك والآخر بالسب ....

والآن .... ما هي النتيجة .... !

عموماً مجتمعنا يهتم بالعادات وبعض التدين الحقيقي ....

خوفاً من الفلان و وش يقولون عنا علان ....

سي يو ....

[ناقه فسفوريه]

اقتباس:  المشاركة الأصلية كتبت بواسطة التنين الصيني     السباحة عكس التيار متعبة .... و اي شيء جديد سيكون له ضحايا .... اذكر قبل 10 سنوات .... اقترحت في احد المجالس " اندية رياضية " نسائية .... تكون تلك الأندية متنفس للنساء وعمل تمارين رياضية وحضور محاضرات و و و .... الخ بدأ البعض بالضحك والآخر بالسب .... والآن .... ما هي النتيجة .... ! عموماً مجتمعنا يهتم بالعادات وبعض التدين الحقيقي .... خوفاً من الفلان و وش يقولون عنا علان .... سي يو ....

متعبه بس أهم شي انك راح تطلع بنتيجه أقل شي تعيش مرتاح وماعليك من أحد

هذا بلا أبوك ياعقاب هذا وأنت رجل لو انك بنت كان قطعوك تقطيع

التنين مشكور على المرور

[Chocolate]

عاجبتنا العادات واللهم لك الحمد

[Miss Tala]

تراهن ذولي شويات اللي فوق ..باقي كثرهم عشر مرات ..

بس صامدون

[ما يهزني مخلوق]

حبيبتي كلامك كلـــــــــــه روعه


ع القوه

[ما يهزني مخلوق]

اقتباس: عاجبتنا العادات واللهم لك الحمد

يماما ليش عاجبك

جيبي اي مبرر علشان حتى حنا نعجب بهالتخلف هذا

[ما يهزني مخلوق]

اقتباس: 1/سواقة المرأه للسيارة لو تطري هالموضوع نطو بوجهك..بس عاااادي تركب مع السواق بلحالها 2/الرجل عادي يتزوج اجنبيه بس البنت اعوذ بالله جريمه..مع انه كلهم مسلمين 8/البنت اذا جت تتزوج لازم تختفي شهر قبل العرس وجريمه لو أحد شافه "الحمدلله والشكر بس اهل العقول براحه المصيبه انه تسوي زفه وتطلع للناس بيوم الزواج

هذولي مو مره مقتنعه فيهن ولا كللللللللللهن بجد تخلف

والثامنه ... أقليـــه يسوون كذا

[مجرد إنسانه]

اقتباس: 1/سواقة المرأه للسيارة لو تطري هالموضوع نطو بوجهك..بس عاااادي تركب مع السواق بلحالها

تعالي شوفي اذا ساقو بعد بتجينا ثوره نفس الثوره على كل جديد

اقتباس: /الشخص الكبير بالسن سواء"شايب والا عجوز"ياويل أحد يناقشهم او يبين لهم شي خطأ سووه يعتبرونك قليل ادب وماتحترم الكبير

بنظرهم اننا بزران مانعرف شي

خاصة بالدين والله ياهو اخذين بنفسهم مقالب مو مقلب واحد


هذا غيض من فيض