قصة زوجة وتحليل ^_^

[سهاد]

مرحبا ،،
زوجة تعاني من فراق زوجها كثيراً .. تعاني من هروبه عنها بشكل مبالغ فيه
تقول لجأت لكل الطرق التي فيها جذب .. والتي فيها تطنيش وتجاهل له ولم أجد الحل الذي يجعله يهتم بي ،،
ومع الدعاء قدر الله لي أن أكون بعيدة عنه وليست هي المرة الأولى ..وكنت في ضيق شديد ومن شدته قررت أن اقف ثابته وانساه كأنه مات واختفى عن الدنيا .. فعلم من علم من الناس واصبح أمري مكشوفا ومن هنا انطلقت الإشاعات عني أنها تطلب الطلاق أنها وأنها ..حتى استقرت بأنها (مطلقه )..
ثم وصلتني مكالمه من احدى معارفي تطلبني للزواج من أخيها ..ومن شدة التعجب
والذهول من الطلب .. راودتني فكره وهي أن اعطيها رقم زوجي ليسأله عني وسبب طلاقه لي ..وبعدها يتقدم ......
هذه الأخت أعطت زوجها الرقم وطلبته يسأل زوجي عني بدون علم أخيها تريد أن تفاجأه في النهاية وأني قبلت به .
اتصل زوجها بزوجي وكان الحل بيده دون أن يعلم .....سبحان الله
لا أدري ماالذي دار بينهم لكنه بعد المكالمة مباشرة اتصل بي وزارني وطلبني ان اسامحه وانه اخطأ
ومن الغد فاجأني بتذكرة سفر للشرقية واستعدت عافيتي بعدها وعدت مرفوعة الرأس على غير العادة ولكني لازلت اتسآءل ومصدومة !!....

لماذا تغير زوجي بهذا الشكل ؟؟
أنتظر رأي من يمتلك تحليل لهذه الشخصية وكيفية التعامل معها ؟؟

^_^

انتهى كلامها وكلامي وأتشرف بكم

[الهوى ـآ الغــايب]

جواز سفر للشرقيه !!!!!

المهم ماعلينا ..
اتوقع انه يوم حس ان زوجته ماوقفت عليه وفيه ناس يبونها حس بالنعمه اللي كانت بايدينه وتحسف

على العموم انا مالي بالامور ذي لكن مجرد توووقع

[البارق]

برأيي أنه زوج مغرور
رأى كبير حبها له
فزاد غروره وإهماله وابتعاده عنها
وهذا الإتصال كان بمثابة ضربة على الرأس
أعادت له وعيه وتفكيره
وأدرك أنه بلغ السيل الزبى
وأنها تفكر في الإبتعاد عنه
فرجع ليتمسك بها ويطلب ودها وقربها

[العود الازرق]

يمكن نصحه الرجل بدل مايخطب خخخخخ
الحقيقة أجزم انه عارف قدره وكان مكابر ويوم شاف انه قويه وتركته جاء على رآسه
هذا من غير السبب الرئيسي ان نيته زينه وتدعي ربه .

[ميرنون]

اقتباس:  المشاركة الأصلية كتبت بواسطة الهوى ـآ الغــايب     جواز سفر للشرقيه !!!!! المهم ماعلينا ..

الله يهديك فضحتها يمكن جااحده وزلت ،،


‘

مرحباً سهاد ،،
أعتقد ان مثل هذا الزوج وغيره
ممن يحتاجون الى تكرار ولا يرفضون التعلم من أول درس
هم بحاجة لدرس قوي كهذا الدرس،،
والأجمل منه ثباتها وقوتها وصدودها عنه وهو أفضل حل
لهذه الفئة المتغطرسة .‘



تقديري ‘

[╝◄ ساندرا ►╚]

بعض الرجال مايعرف قيمة زوجته الا اذا احد مدحها له

وبعضهم اذا شاف حبه وغلاه عند زوجته بدا يتغلى ويشوف نفسه عليه
وبعضهم تطيح من عينه زوجته اذا شافه تحبه وتعلقه فيه بزياده




المفروض الوحده تكون مع زوجه وسطيه بكل شي

يعني ماتعطيه العسل كله حتى مايشبع منه مره
ولا تحرمه من العسل الي عندها حتى مايدور غيرها




اتوقع فهمتو وش اقصد بالعسل هو كل شي يكون بينهم من كلام ومعامله وتقدير وغيره



بكذا يكون دايم ولهان ولهفان عليه

بس الاهم ماتغضب ربه
وتحرم زوجه من حقوقه وتسوي نفسه ذكيه زمانه تتوقع بكذا انه ماراح يمل منها

انا قلت الوسطيه يعني بالمعامله والحب والاحترام وغيره


الله يهدي الجميع يارب

[فتاة غير]

يمكـــن غـــار

واعتقد انه يحبها أساسا

سييييييييييي يووووووو

[Miss Tala]

الحمدلله والشكر بس
اجل مطنشها كل الدهر ويوم جت تذكرة السفر نست كل شي ,,ويقولون وراه الرجال مستقوين على الحريم ..\
كان قالت له طلقني وغيرك يتمناني ...

بس ولو هي ذكيه ..

[عاشق ديرتي بريده]

كثير من الناس يحتاج لصفعه حتى ينتبه

ومكالمة الرجل لزوجك هي الصفعه اللي دعت زوجك ينتبه لنفسه ولزوجته

[ع ـروووبة]

الله يثبت حالهم على أحسن ‏
حااال

أتوقع إنه غار عليهاا وهالصفه موجوده بكل الرجال

يعني عرف قيمه الإنسانه اللي معاه وحس إنه مقصر معها

وصحى من اللي هو فيه


الله يوفقهم ويصلح حالهم

[جراحة قلب]

يمكن إنه يحبه ولكن إنسان مايعرف يصرح له وبنفس الوقت قوي الشخصيه ومن الرجال اللي مايحب



يظهر حبه ومودته لزوجته ولايحب أن يرجعها وأن تعود هي بذاتها......


فحين يطلب منه رجل الزوااج من زوجته ينصفع بوجه كيف تطلبها وهي زوجتي إلا أن يعتقد


بأنها تقول أنه مطلقها.....


ولكن صدق كيف يخطبها وهي ع ذمة رجل وليش ماشك رجلها بها ؟؟؟؟؟؟؟؟؟؟؟؟؟؟؟؟


تراي مااافهمت هالنقطه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مخملية روح]

ياقلبي يالزوجات
أول ماجاء وزاره نست كل شيء ..والله لو أنا مكانها لأوصله لآخر مرحلة
حتى يعرف قيمتي ..الرجل مثل ذاك وش اسمه ..( اذا صدت عنه الزوجة لحقها واذا لحقته هرب عنها ) تعجبني بفكرته لكن لو هي صابره شوي ومخليته يبكي ندم ويقدم مايستطيعه حتى ترضى عليه !

[هلاوين]

اقتباس:  المشاركة الأصلية كتبت بواسطة miss tala     الحمدلله والشكر بس اجل مطنشها كل الدهر ويوم جت تذكرة السفر نست كل شي ,,ويقولون وراه الرجال مستقوين على الحريم ..\ كان قالت له طلقني وغيرك يتمناني ... بس ولو هي ذكيه ..

مع احترامي لك والرأيك

ترى الطلاق مهوب هين على الرجل ولا المرأة .

ثانيا من يضمن لها ان الثاني احسن منه .

[هلاوين]

والله ما ادري الاحتمالات كثيرة

والله قصص تضيق الصدر وتدمع العين .

كان الله في عون كل مظلومه .


ربما السبب الفقر او عدم المحبة او حالة نفسية او من النوع للي يزعل ورضاة صعب جد .

وافضل حل معاه اعتقد مكاشفته عن سبب الهروب


اتمنىا لتوفيق للجميع

[التنين الصيني]

زهِد بما يملك ....

فلما رأى طلب الناس له .... انقلبت الآية

ولا .... انه نفسية