ياحسرتي يابنات اخيتي بخوهن المراهق اللي عمره 20 سنه بدل مايصير مثل الشباب اللي بعمره جوال بلاك بيري صاير بيده منشار وصاروخ قص الحديد وشراب ايدين سود يحوم كبد الحمار وبدل مايكون له سكسوكه ووجه مبخر عند الحلاق التركي صاير وجه من لوح الشمس مجمار بمله وبدل مايلبس بنطال جنز ضيق بسبته ولا من غير سبته صاير يلبس فنيلة عامل سماويه كلها زيوت من تحت وسيعه تقول سروال افغاني وبدل مايركب كامري مظلله كلها دلع صاير يركب دتسن مكتوب عليها ورشة الاتقان للحداده وبدل مايتعشى همبرجر ولا بيتزا هك
من مطعم كودو ولا هرفي ولا البيك صاير ياكل رز من صخان غداء الظهر وبدل ماتلاقاه بالمدرجات ولا عند التلفزيون يتابع مباريات الهلال والنصر والرائد والتعاون بحماس ويسهر الين الساعه 2 نص الليل صاير ينام مثل الدجاجه الساعه 9 بليل (تخلف بتخلف)
امس وسط سوق الحريم يلحم لوحه محل مع رفيقه البنقالي تقول غرنوق منثور عليه حليب بشاهي والشباب اللي بعمره (ماشاء الله عليهم ) رايحين جايين بالسوق متماسكين اليدين
اخر كشخه عطر ونغمات جوال ولا احلى من اعمارهم عسى ربي يسمت عليهم .
الصراحه مايلامن والله يلوم اللي يلوم خواته وعماته يوم يصفقن يد على يد ويغمضن اعيونهن ويقولن وفشيلتنا قدام الناس وزميلاتنا ومعلماتنا بالثانويه .
كم نصحناه وقلنا له لا تصير بنقالي فشلتنا قدام الناس ويرد علينا بكل وقاحه البنقالي ارجل منكم وستين من اللي تفضلونهم علي مايساون العرق اللي ببرنيطة البنقالي
ابي حل نعيده لرشده ونخليه يغدي ادمي يعيش يومه صح مثل غيره من الشباب .
.
.gif)
الله يحرم ايدينك عن النار
العرض المتطور
