ذبحتني بحبك وانا فيك مذبوح

[كروومه]

لا تطري الفرقا ولا تـقول بــاروح
الـروح قبل أتـروح خـذها أمــانه



ذبحتني بحبك وأنا فيك مذبوح
ورهنت قلبي لجل عينك رهانه


أتذكرك يــوم المـحبـه لـها روح
يوم إن غـلاك بخـافقي له مكانه


أتذكرك يوم الوصل كان مسمـوح
يــوم الليــالي علمــتني حنـانـه


أيـام راحت كلها ضـحـك وأمــزوح
لاكـن ظروف الوقت شانت زمـانه


لامن ضواني الليل زاد السهر نوح
وعزاي لقلب (ن) تعذب عــشـانه


أسهر وانا في غيبتك كلي أجروح
وصار الحـزن بيني وبينه ميـــانه


أسهر ودمع العين في ناظري يفوح
وكبدي من جروح الليالي ضمــانه


جرحتـني ياغــايـة القـلب والــروح
وأسقيـتني مر العذاب وهــوانه


مبطي وانا قلبي من الحب مجروح
وعقب البطـا شفت القهر والخيانه

مما راااااااق لي تحياااااااااااااااااااتي

[ياهملالي]

اقتباس: أتذكرك يوم الوصل كان مسمـوح يــوم الليــالي علمــتني حنـانـه أيـام راحت كلها ضـحـك وأمــزوح لاكـن ظروف الوقت شانت زمـانه

يعطيك العافيهـ يسلم ذوقك يا ذوق