حاربوا قوم طااااط .. ماهما كلف الامر .

[القلم الصريح]

على شان مستقبل مشرق وبنسبة 90% للابناء الذكور على كل اب وام ان يحاربوا قوم طاط عند الباب ويطردوهم كما يطردون البعير الأجرب من مراعي ابلهم فهم سبب
الكثير من الانحرفات وحياة الفلس وموتة النار .

كانوا اعيالها الاثنين قمه من المدرسه للبيت ومن البت للمسجد حتى بدا يجونهم قوم طاااااااااااط ويهملون بهم بوسط الحارات وهي يادافع البلا تفسد امورهم وصارت ماتفيد فيها ولا المواد الحافظة او حتى المثبتة !! صاروا اقفوش اوادم مثل البهايم ماغير ينامون وياكلون وياحياة الفلس بس !! ضاعوا لا دراسه ولا حراسه .

بنت خالتي الثانية قبل سنين اعيالها من البيت للمدرسه ومن المدرسه للمسجد ويوم وصلوا المتوسط حصل مالم يكن في الحسبان >>>>> الجمله الاخيرة متعوب عليها
اللي صار ان واحد من قوم طااااااط الهمل بدا يشيل ولدها كل ظهريه ويهفي به بالشمته
فكرت وفكرت وفكرت بحيله فقررت أن تلبس عباتها وتحراه عند الباب ويوم ضرب بوري وهي تطلع عليه وتلعن ابو ملاينه لعن وهو يفحط من الروعه ويهج والظاهر انه بنط بماصوره الضغط العالي !! السان بنت خالتي واختي من الرضاع يرووووووووووع !!
تقول وهو يدري ولدي وماخلا كلام شين الا قالوه بي ( يالعرجا يابنت ابليس !! الله يلعن ويلعن !! عساك للحريقه ... الخ ) تقول ماهيب مشكله يقول اللي يقول المهم وليدي وحشاشة جوفي امسى عندي وبعده وبعده راحت الايام ونفس الشي حصل لولدها الثاني وتقول واطلع عليه لابس عباتي وانا اخليه عجين انخاله مخلوط برجل بقره وماعلي من احد فانا شمس والامهات كواكب اذا طلعت ماتشوف منهن كوكب

مضت السنين وهم مصلحهم الله بالبيت معها وفي خدمة خواتهم وهالحين عيالها معلمين ورجال لا تتن ولا شيشه ولا استراحات ومتزوجين وياسلام سلم على صلاح العيال وطعم الحياة الطازج بلا مواد حافظة .

الشاهد من كلامي حاربوا قوم طااااااااااااط واطردوهم عن عيالكم لان شرهم مايقارن بخيرهم ولانهم مهملين اصلا من قبل اهلهم وسبب اكيد في سربته ودشاره وضياع
الكثير من عيال الناس .. ولا انا غلطان ولا يعني غلطان

[محمد المضيبري]

الله يستر على شبابنا وفتياتنا

[الحـوراء]

منهم قوم طاااطا ؟؟
القلم الصريح
مهما << كذا تكتب << واعزيلي

[رمز الحياة]

قوم طاااط لو مالقوا أحد يعطيهم وجه كان ماشفتهم يحومون بالشوارع

[القلم الصريح]

اقتباس:  المشاركة الأصلية كتبت بواسطة محمد المضيبري     الله يستر على شبابنا وفتياتنا

امين بس المره الثانيه
حسس موضوعي انه بالوجود ..
ايد او فند او زود .. عشان نستفيد من قلمك النشمي .

[القلم الصريح]

اقتباس:  المشاركة الأصلية كتبت بواسطة الحـوراء     منهم قوم طاااطا ؟؟ القلم الصريح مهما << كذا تكتب << واعزيلي

قوم طاط اللي ممسكينهم اهلهم سيارات وهادينهم بالشوارع وهات دوران وتفحيط
همل بكل واد الله لا ينقصنا حياتهم عبي صديق بنزبن وكل مافضى عبوه .

[To Be]

القلم الصريح

ايقاف قوم طااااط لا يمكن الا بايجاد البديل !

فنحتاج أن نعرفهم باجراس بيوتنا بدلا منها !

لنتعرف عليهم اكثر

موضوع موفق القلم الصريح

حفظ الله بناتنا وشبابنا

شكرا لك

[فديكا التميمي]

اثرهم هذا اسمهم ...
كلش ولاقوم طاط بس بعض الاهل الله يهديهم مايبون هالطاط
وعيالهم ماعندهم شين يرفهون انفسهم به موب معقوله الولد
بيحجرعالبلوشي...!!! ماحجرن البنات يحجرون العيالين ...

[القلم الصريح]

اقتباس:  المشاركة الأصلية كتبت بواسطة to be     القلم الصريح ايقاف قوم طااااط لا يمكن الا بايجاد البديل ! فنحتاج أن نعرفهم باجراس بيوتنا بدلا منها ! لنتعرف عليهم اكثر موضوع موفق القلم الصريح حفظ الله بناتنا وشبابنا شكرا لك

حنا ماضايعنا الا بدايل وشمايل ومن هالكلام !! ولا البدايل انه يقرا بدروسه ويخدم اهله
ويتعاير مع خواته زينب ومرام وتهاني هو يسميهم الدبات وهن يسمنه المعصقل وياحلوها من عياره ووناسه .
يااخي اذا بيطقون الجرس ويدخلون وعلى العلم الطيب وتحت المراقبه بعد
ساعه اكثر اقل ويمشون مافي مشكله ابد .. المشكله انه يحمل ولدك بالموتر ويهفي فيه يعرفه على التتان والشاذ والواطي بهالاستراحات والخليان ويجيبه لك
ويولوفه عند الباب .

يعطيك العافيه .

[الزنون]

غريبة!
من زمان ما سمعنا طاط عند البيوت
ما نسمعه الا قبل ما تفتح الاشارة بشوي نسمعهم

الحين فيه الجوالات

يدق عليه ويقول اطلع ياحوحو انا عند الباب

[شميساوي]

.

شكل عيال بنت خالتك مزآيـيـن ,,,

و إلا كــآن ما سمعوا ولا طآآطه و حدهـ ...

مير خله على ربكـ الطاآآآطـ وآجد و كم لـ الحب طرآده ..!!




,

[سهاد]

كفانا الله شر قوم طاط وزاي وكشف سترهم.

[| ~ ســمــو ~ |]

ههه اعجبني الاسم

الله يهدي شهباننا ويصلحهم

[shahd2007]

وشو طااط ..يعني يضرب له بووري ويطلع
مايحتاج اللحين طآط مكالمه بالجوال ولا رساله بالبلاك بيرك .
وينقز وهو عند الباب...
بعدين احس مافيه عياال اللحين يطلعون ..مقابلين هـ الاجهزه بالبيت لاب توب ولا بلاي ستيشن ولا بلاك بيري
او يتابع الدوري الاسباني
من زمان مايطلعهم من البيبت الا الملل اللحين البيت صار فيه كل شي مايحتاج يطلع

[القلم الصريح]

اقتباس:  المشاركة الأصلية كتبت بواسطة فديكا التميمي     اثرهم هذا اسمهم ... كلش ولاقوم طاط بس بعض الاهل الله يهديهم مايبون هالطاط وعيالهم ماعندهم شين يرفهون انفسهم به موب معقوله الولد بيحجرعالبلوشي...!!! ماحجرن البنات يحجرون العيالين ... [font=simplified arabic][/foه الnt]

يعني يادشره ولا حجره !! دوري امر وسط ولا شوفي الصالح بنسبة كبيره .
فديكا يعطيك العافيه