أبي حلى سهل

[غموض فتاة]

السلام عليكم




الله يعافيكم أبي حلى سهل و جديد و كشخة ( يقدم لبنات ) ويستاهل التقديم ومجرب .

وأقدر انقله لمخيم او أي مكان ..





وأكون شاكرة لكم ..

[اذكر الله ياخفوقي]

حلى قهوة سهل وحلو ..

المقادير :
كأس سميد
كأس جوز هند
كأس حليب جاف
كأس الا ربع سكر

الطريقه :
تحمس المقادير السابقه مع بعض وتعجن ب 2 علبة قشطه وتوضع بصينية القالب المتحرك الكبييره ولازم تكون كبيرة لأنه اذا صارت صغيره شوي بيصير سمييك مره ..
بالخلاط:
علبة نستله كبيره
8 حبات جبن كيري
ملعقه كبيره نسكافيه
ملعقه شوكولاته بودره
تخلط وتصب على الطبقه الأولى وتوضع بالثلاجه حتى تتماسك

وبالعافيه..

[جُـودي]

حلى موس شامواه...


,


هذي الأغراض اللي بنستخدمهآ..

,
,
,


نجي للطبقة الأولى

10 مغلفات كيك اليمامة بالنكهة اللي تفضلين يافنيليا ياشوكلت ..
عدد المغلفات يعتمد على حجم الصينية .. ممكن يزيد وممكن ينقص
تفككينة وترصينة بهالشكل في الصينية ..




بحيث إن الوجة الخارجي يكون تحت والوجة الداخلي اللي فيه الحشوة
يكون فوق


الطبقة الثانية

حطي في خلاط ( علبة قشطة + 17 حبة بسكويت شاهي + ملعقة نسكافية )



وفي قدر حطي كاس ونص ماء و 4 ملاعق حليب و 2 ظرف كريمة كراميل




حركيهم على النار بإستمرار الين يغلي



ثم حطيه ع اللي موجود بالخلاط واخلطيها زين
وبالوقت اللي هي تنخلط جهزي بودرة شوكلت مُرة ( مثل هنتز )مقدار 3 ملاعق ومصفاة ناعمة



ثم ارجعي للي في الخلاط وحطية على طبقة الكيك



وهو لازال حار حطي الشوكلت عليه بالمصفاة
( حركي المصفاة يمين يسار بسرعة عشان تنتشر البودرة بشكل منتظم ومرتب )
الين يصير شكله زي الشامواة .. مثل هالصورة



وبعدين خلية مكانة لا تحركينة ولا تنقلينة مكان ثاني مدة 10 دقائق الين يتماسك
وبعدين حطيه بالثلاجة الين يبرد
وطلعية وقطعية ..

[غموض فتاة]

مشكورا وما قصرتي
والله يجعل ما قدمتي بميزان حسناتك

[غموض فتاة]

جودي

ما قصرتي يالغلا

[فسقــان]

روعه
الف شكر لك

[غموض فتاة]

نورتي أختي

[غموض فتاة]

وينكم ..؟!

[الحبيبـــة]

قشدة

تمر مكنوز تخرج النواة ويفضل تقطع ....يحمس مع قطعة زبدة حمس خفيف حتى تطلع ريحته ... ثم يضاف الطحين الأسمر ويحرككك....ثم علبة قشطة وتحرك حتى تتجانس ..وتقلب بإستمرار مدة تقريبا 3 دقايق....يمكن اضافة طحينة سايلة تقريبا ملعقة مع حبيبات السمسم وحبيبات الحبة السوداء
لالالالالالالاتفوتك خاااااااااصة بهالشتاء
ادري مهوب جديد بس اضافة بعض المحسنات
وان شاء الله ينال اعجابك

[غموض فتاة]

مشكورة أختي ما تقصرين

[أوراق بلا سطور]

حلى الكب كيك الجاهز :
المقادير :
عدد من الكب كيك الجاهز لوزين بالفانيليا.
خليط (نستلة كبير+3حبات جبن مثلث +ظرف كريم كراميل )
هرشي
مكسرات أي نوع (عين الجمل أو الفستق أو لوز مبشور )
الطريقة :
ضعي الكيك في القوالب الورقيه نفس المقاس
ثم ضعي قليل من الخليط ثم المكسرات ثم شطي بالهرشي .
ثم يقدم وبالهناء والعافية .

[ابودانه]

اقتباس:  المشاركة الأصلية كتبت بواسطة أوراق بلا سطور     حلى الكب كيك الجاهز : المقادير : عدد من الكب كيك الجاهز لوزين بالفانيليا. خليط (نستلة كبير+3حبات جبن مثلث +ظرف كريم كراميل ) هرشي مكسرات أي نوع (عين الجمل أو الفستق أو لوز مبشور ) الطريقة : ضعي الكيك في القوالب الورقيه نفس المقاس ثم ضعي قليل من الخليط ثم المكسرات ثم شطي بالهرشي . ثم يقدم وبالهناء والعافية .

رووووووعه



يعطيك العافيه

[غموض فتاة]

مـآ قصرتي أختي

[مامانورة]

مشكوووووور والله يعطيك الف عافيه

[غموض فتاة]

الباقي ويتهم ..؟!