-مادريتوا بالخبر الجديد
--لا ما سمعنا شي وش اهنا
-اليوم مسويين احصائية لعدد المطلقات والله ياهن اكثااااار
--الله يستر طيب ما اكتبوا وشي الأسباب
-كاتبين بعضهن
-- وش مثله يعني
-مثل واحد طلق زوجته لأنه ما تصلح لأهله غدا أو عشاء
--الله يخلف ..أيوه
-وواحد طلق علشان زوجته ما تجيب اعيال
--الله يستر .. أيوه
-وواحد طلق زوجته علشان ما عطته فلوس
--اللهم لك الحمد وش هالرجال هالبايخين
-توكم فيه أشياء كثيرة وبايخة بعد
--لالا تكفين خلاص ترانا من حيننا نتهدد مانبي الزواج
يكفي بس ذكر أسباب.. لاوالله أنا الصراحة ما ودي أتزوج من حيني ماسحته من راسي
-طيب وليه ماتبين تتزوجين
--لأنه جتني عقدة من الرجال وسلوكياتهم المشينة خلاص أنا قفلت ما أبي أتزوج
-لالا مو إلى هالدرجة ترى هذولا بعض الرجال مو كلهم
--كلهم أو بعضهم أنا خلاااااص قفلت ما أبي أتزوج
-الله يهديك بس ترى الزواج قسمة ونصيب ويمكن يجيك واحد تنهبلين عليه من قوة انه جازلك
--اييييييه إن شاء الله
-واااوك هذا وأنا ما قلت كل اللي عندي لكن الحمد لله اني ما قلت شي
والا كان بنات العالم كله جته عقدة من الرجال وصارن ما يبن الزواج
كله بكبره
-----------------
يعني قولولي وش رايكم
بالإحصائيات اللي تذكر وتُحصي السيء
مو تسبب في أكثر الأحيان عقد نفسية بمثل عقدة البنت اللي قبل اشوي
---
وليس فقط احصائيات الطلاق
بل
حتى السرقات والقتل والشجارات... وما شابه
---
فأنا بعتقادي أن مثل هذه الإحصائيات
تسبب
الفتنة.. لكن من دون الشعور بها في الوقت الحالي ويبدأ الشعور بها بعد زمن
---
والله يستر
---
أتمنى تواجدكم
وشكرا
اقتباس:
المشاركة الأصلية كتبت بواسطة كااااجو 
مايتم ذكره من احصائيات هي حالات شاذة وقد يشوبها المبالغة وعدم المصداقية 
العرض العادي
