متى تحج البقره على قروووونهـ ؟؟

[كسرني غيابك]

سؤال يتبادر إلى ذهن الجميع دائمآ
سؤال طالما توقفت عليه الآمال
والأماني وتهاني وحصه ووداد
وفوزيه ...
سؤال يمكنك وضعه تحت السرير ..
أو ركنه على الجدار ..
أو الاحتفاظ به في الثلاجة ..
ولكن

ولابد


أن ترجعون له ... ناشدين انفسكم

وآلسؤال هو....!!!؟؟


[ متى تحج البقره على قرونها ..؟؟؟ ]

********
فهذي اختنا با الله حصيصه في انكسار وتلميح بعد ان استشورت القصيصه..

عليان بعد عمري..
وش رايك نروح نتعشى بالمطعم سوا
عليان ..
يجاوبها وفي يده العقال ..
[ اذا حجت البقره على قرونها ]

********
وهذا الطفل البرئ "صويلح"
صويلح ذاك الطفل الاشهب الأغبر تووه لاعب كوره مع عيال الحاره ..
يقول لامه::
يمه .. اشتري لي لعبة زي كل اصدقائي
ترد الام وفي يدها مضرب الهريس

[اذا حجت البقره على قرونها ]
********
رفيقتنا الحالمه "نـويـر"
نوير تلك الفتاة الطموحة تصيح بحنجرتها المبحوحة متكية على ركبتيها ومدنقة
برأسها والشعر يلطش عيونها
تقول لابوها :.
يبا .. بروح لصديقتي هيله ؟؟؟

الأب وهو يرش الزراعه ورش عليها من المويه ..

[ إذا حجت البقره على قرونها ]
********
* انا محبتكم *
اقول لأمي :
يمه ابي اقص شوشتي تردعلي وهي مندبله كبدها يا مال العافيه :
[ اذا حجت البقره على قرونها ]

طيب يمه ابي اروح ازور صديقاتي ابي اجتمع معاهم؟؟

[ اذا حجت البقره على قرونها ]

يمه ابي جوال رقم خاص فيني مو جوالك الي كلما بغيته اطره اطراره

[ اذا حجت البقره على قرونها ]
يمه قولي لبوي يسفرنا يطلعنا يودينا يمشينا لو في الحراج !!..
اي مكان ..
[ اذا حجت البقرة على قرونها ]
يمه خلاص لا تطبخين كبسه ملينا سوي فتوش وتبوله ترا الرز صار غالي

[ اذا حجت البقرة على قرونها ]

يمه انا كبرت لا تعامليني معاملة اطفال سوي ولا تسوين هذا صح هذا خطاء

[ اذا حجت البقره على قرونها ]

يمه احنا في 2010 خلاص لاعاد تقولين وخزياه *..
عيب ترا الخلايق راحوا القمر ..

[ اذا حجت البقره على قرونها ]

********
إنها لمشاهد يدمي لها القلب ..
وتدمع لها العين ..
وتنشق لها الخشوم ..
كل هذه الآمال ..
تتحطم وتتكسر كالقزاز المتناثر ..
والسبب ..
أن البقرة لم تحج بعد على قرونها ؟!..

اخواني .. اخواتي
اما آن الاوان لهذه البقرة ان تحج وتفكنا من شرها..؟!!
نداء إلى جميع البؤساء ..
من يتبرع ويحجج هالبقره على قرونها
ونرتااااااااح ويكسب أجر في ...
حصيصه وصويلح ونوير وأنا بعد
وكل من يعاني من هالبقره ؟؟!!..


********

للأمانهـ ملطووووووووووووشـ