هل تأكل من طبخ الخادمة

[ابو ريما الخالدي]

في جلسة مع الزملاء دار حديثاً بيننا

حول صديق الى احدهم تزوج من فتاة لاتعرف الطبخ نهائياً

فهي عاشت في بيت الخادمه هي من تعد الطعام وكل شي

قلت مهب معقووله أنه فيه بنت ماتعرف تطبخ ..!

حتى لو كان عندهم خادمة تطبخ لهم وتعد كل شي

رد علي أحدهم وقال فيه ياابو ريما

وبعد فيه بنات يعرفن يطبخن لكن مايشتغلن

والخدامه هي اللي تطبخ وتنفخ

قلت والبيت كلهم ياكلون منها قالي أيه والي أتكلم عنها زميلة لزوجتي

الصراحه أنا من المستحيل أني أكل شي تطبخه الخدامه

يعني ممكن تقطع تقشر عادي

لكن تطبخ لا ومستحيل أكل حتى لو كانت قمة في النظافة

يبي يقول واحد منكم هذاك تاكل من المطاعم

صحيح المطاعم مافيها النظيف

ولكنها شر لابد منه وهي ضروره في وقت الزنقات

الشي الذي استغربه واسال عنه

هل أعتماد البعض من أهل المنزل خصوصاً

الفتيات على الخادمه في الطبخ فقط هو كسل فيها أو ماذا

والسؤال الأخر هل تاكل من طبخ الخادمة

[التنين الصيني]

اقتباس:  المشاركة الأصلية كتبت بواسطة ابو ريما الخالدي     هل أعتماد البعض من أهل المنزل خصوصاً الفتيات على الخادمه في الطبخ فقط هو كسل فيها أو ماذا والسؤال الأخر هل تاكل من طبخ الخادمة

اوافقك تماما .....

وابشرك .... بيت اهلي ما فيه خدامة

وبيتي بعد مافيه خدامه ..... ولله الحمد

.......................

اذا البيت فيه بنات .... ليش الخدامه ..؟ اكيد كسل

......................

لا .. ولن آكل من طبخ الخدامة .... ولن تغسل ثيابي ايضا ....

مدري ... احس انها مب نظيفة .....

هالحين حنا يالرجال نطبخ ... وشلون عاد البنات ..؟

شكرا لك ابو ريما ...

[شيخوه]

اهلاً ابو ريمآ ,,
الخآدمات شر لابد منه
في البيوت الكبيره فقط .. اما ان كانت توها متزوجه وتجيب خادمه وتخليها تطبخ هذا اكبر غلط
وانا الحمدلله اعرف اطبخ وحنا شغاله ورآ شغاله مآنستغني عنها لكن في التنظيف والكنس وغيره,
اماا بالطبخ لآآ , مع ان الوآلده موظفه ولكن الشغاله مآتطبخ ابد ..
فطور متأخر يغني عن الغدآ

[>ريانه<]

اقتباس: هل أعتماد البعض من أهل المنزل خصوصاً الفتيات على الخادمه في الطبخ فقط هو كسل فيها أو ماذا

لا مو كسل ولا شي بس رباده بالحريم وتقلد مرة فلان وفلنتان

اللهم لاشماته

اقتباس: والسؤال الأخر هل تاكل من طبخ الخادمة

بسم الله علي

لو تصفى على خبز وشاهي

[مـ ــ ط ــ ـر]

.
.
أحذركم من الأكل من طبخ الخادمات الاندونيسيات
إلا إن كان طبخها تحت رقابة شديدة

[السلسله]

اقتباس:المشاركة الأصلية كتبت بواسطة ابو ريما الخالدي

هل أعتماد البعض من أهل المنزل خصوصاً

الفتيات على الخادمه في الطبخ فقط هو كسل فيها أو ماذا

والسؤال الأخر هل تاكل من طبخ الخادمة

أهلا بي أبو ريما بالقلم المميز الذي ينقط منه تنقيط الذكاء والدهاء والحنكه وأنت كذلك إن شاء الله >> أمزح ذذذذ

مبطي علينا وعلى النقاشات وش الدنيا بك
من طول الغيبه جاب الغنايم

السؤال الاول
قديم شكلك يابو ريما هذا الدلع و الإتكيت و التقدم و كل شي إن يصير عندهم شغاله وتطبخ لهم

السؤال الثاني
لو تقطعن ما أكلت والحمد لله إننا ماعندنا شغاله و اليوم الي يصير فيه شغاله أتضايق وأكره البيت

[وضوح]

اللي مايآكل من طبخها في بيته يآكل من طبخها عند أعمامه وأخواله واصدقاءهـ وجيرانه .....،


يقولون شر لابد منه ..وأنا أقول العكس







تحيتي لك أبو ريمـــا

[هلاوين]

تبين اشوف يدين الصفير وهي تطزز ولا اكله >>اقال عندهم شغاله ههههه


يارجل للي ياكل من المطاعم ياكل طبخ الشغاله بكل ارياحيه


لان مطبخ الشغاله انظف واحسن من المطاعم


لان المطابخ تحت رقابة ربت البيت عكس المطاعم التي لارقيب ولاحسيب عليها


شكرا ابو ريما

[ابو ريما الخالدي]

اقتباس:  المشاركة الأصلية كتبت بواسطة التنين الصيني     اوافقك تماما ..... وابشرك .... بيت اهلي ما فيه خدامة وبيتي بعد مافيه خدامه ..... ولله الحمد ....................... اذا البيت فيه بنات .... ليش الخدامه ..؟ اكيد كسل ...................... لا .. ولن آكل من طبخ الخدامة .... ولن تغسل ثيابي ايضا .... مدري ... احس انها مب نظيفة ..... هالحين حنا يالرجال نطبخ ... وشلون عاد البنات ..؟ شكرا لك ابو ريما ...

مرحباً مليون بك

جميل أنا مثلك أرفض الخادمة وبيتي لايوجد فيه خادمة

فقط في بيت أهلي وهي خادمة لتنظيف والكنس فقط اما طبخ مستحيل

والله شوف اذا كان كسل فهذا مصيبة مايعرفن يطبخن تنبلع

لكن كسل وش اللي كسلهن من أنهن يطبخن ويشتغلن

الله يديم عليك هالنعمه واتاريه فيه ناس ماتأكل كثير


أسعدني مرورك دمت بخير

[ابو ريما الخالدي]

اقتباس:  المشاركة الأصلية كتبت بواسطة شيخوه     اهلاً ابو ريمآ ,, الخآدمات شر لابد منه في البيوت الكبيره فقط .. اما ان كانت توها متزوجه وتجيب خادمه وتخليها تطبخ هذا اكبر غلط وانا الحمدلله اعرف اطبخ وحنا شغاله ورآ شغاله مآنستغني عنها لكن في التنظيف والكنس وغيره, اماا بالطبخ لآآ , مع ان الوآلده موظفه ولكن الشغاله مآتطبخ ابد .. فطور متأخر يغني عن الغدآ

هلا بك ياشيخووه

هن شر وأم الشر ومصدره ومقره ومستودعه

وهالحين البيوت الكبيرة أو الصغيره حتى الشقق فيها خادمة

واذا كانت توها متزوجة وشوله الخدامه تجيبها

والبيتاللي فيه اكثر من بنت ولايعرفن يطبخن هذي مصيبة ومشكلة كبيرة

ومهب على كل ابو حال يبي يجيها زوج يحب الخدامه تطبخ أو يبي يوفر لها خدامة

وربي يديم عليك هالنعمه ولايغيرها عليك

أسعدني مرورك دمت بخير وتوفيق

[زين نجد]

فعلاً طرح مهم ولكن الكثير منا أغفل ذلك..

من سابع المستحيل أن أكل من طبخها أبداً..

الخادمة تنظف وترتب وتغسل أما الطبخ فلا..

فإذا فعلت ذلك كله لم يبقى للأم أو الأخت أو الزوجة سوى الطبخ وهذا أمر بسيط..!

تقبل إضافتي ابو ريما،،،

[ابو ريما الخالدي]

اقتباس:  المشاركة الأصلية كتبت بواسطة >ريانه<     لا مو كسل ولا شي بس رباده بالحريم وتقلد مرة فلان وفلنتان اللهم لاشماته بسم الله علي لو تصفى على خبز وشاهي

أهلاً بمشرفتنا ريانة

هذي شهادة منك على بني جنسك ( وشهد شاهد من اهلها )

تراهم يبي يزعلون منك وتجي عذبة أو أحلى أبضاية وتصدر بحقك فرمان الأعدام

وقتالة تقوم بالمهمه

ومشكلة أذا كان التقليد معنا في كل شي

يعني لو الخدامه هجت تبي تخلي خدامتها تهج

ماشاء الله كويس أنك ماتحبين اكل الخدامة ربي لايغير عليك

بس الله يستر لابكره تتزوجين وتتغير نظريتك وتجبين خدامتين

اسعدنا مرورك دمت بخير وعطاء

[eivl girl]

هلا عمو
يعني جاي تسب بنت اخوك قدام خلق الله

اقتباس:هل تاكل من طبخ الخادمة

اقتباس:





ايه اكل واتلذذ واموت بالشغاله الي تطبخ
علنا مانخلا ولا نعدم منهن

[ابو ريما الخالدي]

اقتباس:  المشاركة الأصلية كتبت بواسطة مـ ــ ط ــ ـر     . . أحذركم من الأكل من طبخ الخادمات الاندونيسيات إلا إن كان طبخها تحت رقابة شديدة

أهلا بمطر


الخدامات كلهن أندونيسيات فلبينيات أن شاء الله كينيات

ونصيحتكِ وضعنها أمام أعيننا

شكراً لك

أسعدني مرورك دمت بخير و بركة

[ابو ريما الخالدي]

اقتباس:  المشاركة الأصلية كتبت بواسطة السلسله     اقتباس:المشاركة الأصلية كتبت بواسطة ابو ريما الخالدي هل أعتماد البعض من أهل المنزل خصوصاً الفتيات على الخادمه في الطبخ فقط هو كسل فيها أو ماذا والسؤال الأخر هل تاكل من طبخ الخادمة أهلا بي أبو ريما بالقلم المميز الذي ينقط منه تنقيط الذكاء والدهاء والحنكه وأنت كذلك إن شاء الله >> أمزح ذذذذ مبطي علينا وعلى النقاشات وش الدنيا بك من طول الغيبه جاب الغنايم السؤال الاول قديم شكلك يابو ريما هذا الدلع و الإتكيت و التقدم و كل شي إن يصير عندهم شغاله وتطبخ لهم السؤال الثاني لو تقطعن ما أكلت والحمد لله إننا ماعندنا شغاله و اليوم الي يصير فيه شغاله أتضايق وأكره البيت

هلا بك يالسلسلة

يوم قريت مدحك لي بالاول انبسطت

وتخيلت نفسي بكره يبي يجبونن بالعربية


يوم وصلت للأخير مار انكسح

واقول والله ولاقناة أرتيريا ماتقابل معي


الله لايبارك بالدلع والإتكيت اللي يبي يخلين أكل من الفنساء

عسانا نتحمل أكل المطاعم وطبخهم علشان أكل من ايدين شغاله

وخلك على نظريتك هذي لاتقعد بكره تعرس وتقولك المدام جب شغاله تنظف بس

واذا رحت الى الدوام خلتها تطبخ وتنفخ وانت تاكل تحسبها من أيدينها

اسعدني مرورك دمت بحب