قضت المحكمة الإدارية في جدة بإلزام وزارة الصحة بتعويض مواطنة 1.7 مليون ريال نتيجة خطأ حدث قبل 35 عاما حيث تم تسليمها لأبوين غير والديها الشرعيين نتيجة تبديل في المواليد، وتضمن الحكم الذي رفع إلى محكمة التمييز لتدقيقه وإقراره إلزام وزارة الصحة بمعالجة المواطنة وتأهيلها لتقبل وضع انتقالها إلى والديها الحقيقيين الذي عاشت بعيدة عنهم طوال 35 عاما.(منقول)
ياجماعه كل يتأكد من امه وابوه .الوضع صار دمار .تبديل بالمواليد من زمان وهالحين وهالفنس ماغير يبدلن بهالبزارين .
وزارة الصحة فاشله بكل المقاييس وياحسافة المليارات اللي تصرف عليها والدليل على فشلها إن أي مسؤول عندنا لو تجيه زكمه حجز لأميركا يعالج الزكمه .
سرقات أدوية وتلاعب بالميزانيات وتبديل بالمواليد وقصب بالمسلمين ويموتون وهمن يكتبون عبارة (خطأ طبي) وخلاص أنتهت القضية .
الله يستر مايبدلون بالحوامل وكل وحدتن إذا ولدت يطلعونها مع رجال ثاني >>مابقى غيرها.
واحد ولد فقر وداج هاج ومزيون وعايش مع أبوه وأمه ويوم فاحت ريحة تبديل المواليد قرر هالولد إنه يسوي فحص الــ (dna) ويلقونه ولد أحد أثرياء المدينه وأبوه مليونير ويرجع لهم وعمره خمس وعشرين سنه وهذاك الولد رجع لأبوه الفقير بعد ماتمرغ بالنعمه ربع قرن.
تهقون لو أخطط اسوي فحص..... يطلعون أهلي من نمونة (الراجحي و الحكير والعليان حقين عنيزه) .
بس أخاف اسوي فحص ويطلعون أهلي عايشين بخيمة وبعقلة الصقور وهمن عسولي زن على خراب عشه وتصفي حياتي على ددسن قديمه ومراكض ورى الغنم.
طلع (عــــســــولــي) مو ولد أهله!!!!
العرض العادي
