وعلى قولتهم الزواج مثل البطيخة ياحمراء وحلوة يا الله يديم النعمة
اللي أعرفه وعلموني عنه اللي قبلي ان الشخص يرسم ويخطط ويحلم وإذا جاء النصيب سبحان الله تختفي كل شروطه ويرضى فيه حتى لو ما كان حلمه
ماراح أطول عليكم :
طرحت بعض الأسئلة على البنات والعيال بمجتمعنا وتعالوا معي نشوف أحلامهم في شريكـ /ه العمر
نبدأ مع بنت خالتي
ــــــــــــ
من ناحية الشكل ..قسم ماتشرطت بس اهم شي طويل ..أحس اني مااحترم الي اقصر مني
ويفضل يكون شين شوي
وعندي شرطين باللبس .. انه لازم يلبس عقال .. ومايلبس فنيله علاقي
وبالنسبه للأخلاق .. غير الصلاه والدين ,,أهم شي يكون متواضع وبسيط .. لأن كل شي أتقبله الا الغرور أطلقه بالثلاث
ـــــــــــــــــ
خالي محمد
كيف تتمنى مواصفات شريكة حياتك اهم شيء بالشكل ركزوا معي عالشكل
اكيد الشكل مهم ، لكن الاخلاق أهم وهي اللي تدوم <- ارحمنا
واتمنى يكون شعرها قصير
وشهي الصفات اللي تتمنى تتوفر فيها < الاخلاق
انها تكون انسانه هادئة ، مابيها مختلفه عن باقي بنات العالم
لكن ودي يكون لها شخصية مستقله وماتهتم بالامور التافهه
واتمناها ضعيفة معي ، وقويه مع غيري ..
وشهي الصفة اللي مستحيل تقبلها في شريكتك
ماتكون مهبوله ومطفوقه
وهل تؤيد الزواج من الثانيه
لكل زواج ظروفه ، لذلك ماقدر اؤيد ولا ارفض ..
ــــــــــــــ
وبنوته معنا بالمنتدى رفضت تقول اسمه
بالشكل ماادري والله..ماعمري تمنيت عشان كذا ماعندي جواب
بس اهم شي طويل و عنده عوارض بس اما كوصف دقيق ماافكرت
الصفة المستحيل قبولها ...الكذب& البخل&الغرور الفاحش
وفي الأخير إنسآن مصلي ويعرف طريق ربي...هذا يكفيني
ــــــــــــــ
وواحد من اقاربي ومعنا بالمنتدى
كيف تتمنى مواصفات شريكة حياتك اهم شيء بالشكل ركزوا معي عالشكل
اكيد الكل يدور على الجمال لكن بقول شغله الجمال يعتبر شي نسبي يعني الشي الي اشوفه جميل غيري ممكن يشوفه العكس
لكن اجمالاً اتمناها جميله فـ نظري
وشهي الصفات اللي تتمنى تتوفر فيها < الاخلاق
شي طبيعي ولا ايش رايك؟
والله لو بتكلم فالصفات بيطول الحديث
لكن وجهة نظري ان الحياه الزوجيه حياه جديده للطرفين من خلالها
تكتسب الصفات
وشهي الصفة اللي مستحيل تقبلها في شريكتك
الشك
وهل تؤيد الزواج من الثانيه
عند الضروره نعمالحين كل واحد يقولينا موصفاته شريك /هـ حياته
-
عني ما أهتم بالشكل كثير المهم ما يكون قبيح
وأتمنى يكون نفس الشخصيه المشهوره , د/ سلمان العوده
نفس عقله بس مو نفس بنية جسمه
يهمني في الرجال قامته بس ,وعقله قبل كل شي .
أرفض صفات العصبية والغيرة الزايدة عن الحد الطبيعي
وحب التملك وتهمني الحكمة والهدوء والتفهم .
لا تخلينا نبني أحلام ,ما أقول الا الله يجيب العواقب
سليمه بس
العرض العادي
