( خوذوا زهاب الدرب قبل تمدون)...بالصوت الحائليّ الرائع **

[محب الصحابه]

نبكي من الفرقه ويبكى علينا ***كثر البكى ما فاد نمر وسعدون

ننعى من الفرقه وينعى علينا***الدايم الله والمخاليق يفنون

ندفن ويدفن بالنهايه علينا ***ولا حيى ٍ الا بآخر العمر مدفون

نشكي مصايبنا ويشكى علينا ***ما ينفع الشاكي ومن له يشكون

تنبهوا ترمى وتهم يجينا *** خوذوا زهاب الدرب قبل تمدون

يوم ٍ لنا الدنيا وحول ٍ علينا *** تمضي كما الأحلام وأنتم تشوفون

نضحك بها كيف ٍ وتضحك علينا*** تقول انا هدّام ِ للي تعمرون

يامابها نركض وياما مشينا*** وطول الأمل خلاك بالوقت مفتون

ياما بها ندله وياما سلينا***وياما شربنا به من الهمّ وغبون

ياما بها بعنا وياما شرينا ***الربح ميّـه والخسارات مليون

باكر نخلّيها ولاا حنا إكتفينا*** نروح واللي من بعدنا يروحون

اللي خذا كتابه معه باليمينا*** يفوز عند اللي له الخلق يرجون

واللي سقط يكتب مع الساقطينا*** في موقف به راعي الدين مديون

تمّت وصلوا عدّ وبلٍ غاشينا*** على الشفيع اللي له الخير مضمون






[sound]http://www.anashed.net/audio/mohannadyat/nabky_mn_al_farqa.rm [/sound]




تحياتي/ حبوب...بعد حيــيّ...