لكل عزوبي ..فكر بالخادمه قبل (الزوجه) .

[عـــــســـــولــي]

أنا الآن أكثر حاجة للخادمة في تأمين احتياجاتي داخل المنزل من زوجتي ومن أولادي وهذه حقيقة لا أنكرها وصرحت بها في العلن لزوجتي ولغيرها. ويضيف تجدني متعكر المزاج وأقلب البيت "فوق تحت" عندما تغادر الخادمة المنزل في إجازة لبلدها أو لخروج نهائي لأنه ببساطة يتغير كل شيء في المنزل للأسوأ من نوعيات الطعام و النظافة وتختفي الضحكة والبسمة ويحل بدل ذلك الصراخ والهواش. ويضيف أنا لا أقصد خادمة بعينها بل كل خادمة أستقدمها. وعن أسباب هذا التعلق يقول هو "غير شخصي" ولكنه نابع من الرغبة الملحة في الحصول على خدمة جيدة داخل المنزل لي ولضيوفي ولأولادي. ويتساءل كيف لا أحرص على أن تكون في بيتي خادمة باستمرار؟ وأنا أعتمد عليها من بداية اليوم إلى نهايته فتجدها تترقب يومياً صوت فتح باب غرفة نومي لتقدم الفطور وأجد بدلا من الثوب خمسة ثياب مكوية وجاهزة للبس وهذا هو عملها طوال اليوم.

هذا ماصرح به زوجا لجريدة الوطن

أما المواطن أبو مهند "رغم أن زوجتي لا تعمل إلا أننا بصراحة نفتقد أنا وأولادي وبناتي الخادمة عندما تغيب أكثر من افتقادنا للزوجة رغم احترامي للأمومة وعواطفها ولحاجتي للزوجة. فقبل أن يكون لدينا خادمة كنت أشعر بنوع من التوتر داخل البيت كلما عرض لي ضيف، وذلك على العكس من الحال بعد وجود الخادمة فحتى زوجتي أصبحت تفرح بمقدم الضيوف بعد أن كانت تتذمر من كثرتهم. ويضيف أصبحت بعد الخادمة "حاتم الطائي" بعد أن كنت "أشعب" ورغم اعتراف السيدات الموظفات وربات البيوت بأن الخادمة مهمة جدا وشيء أساسي في المنزل (حسب قولهن) إلا أن الأمر يتغير إذا ما تعلق بالزوج.

بسؤال المعلمة مريم حمد عن مدى حاجة زوجها للخادمة أجابت في البداية وبغضب "وش دخله بها "، ثم تراجعت لتقول بصراحة "نعم يحتاجها" وأنا أقدر ذلك بل إني أحاول أن أجعله يعتمد في طلباته في المنزل عليها أيام الدوام لانشغالي بالتحضير وتأخري في المدرسة أيام المناوبات والاختبارات وإن كنت أحياناً أنفي ذلك أمام السيدات وأدعي أنني من يقوم على خدمة زوجي وهذا فيه مخالفة للحقيقة. وتعترف مريم بأنها تراقب سلوك الزوج تجاه " الخادمة الإندونيسية".وتقول إن زوجها يعرف بتلك المراقبة بل تستهويه هذه المراقبة وإن كنت أثق في أنه لن تتطور مشاعره تجاه الخادمة حتى وإن كانت تقاسمني تقديم ما يحتاج له.(منقول)

والله حاله ياناس !!! على هالحال الزوجه صارت بس فقاسه وبس والسبب (هي) ..ويلوموننا لما نقول الوضع الأسري دمار .
ياناس الشغالات شر ووجودهن تدمير للعائله بس وين اللي تفهم .
على بالها الزوجه إرتاحت جسديا من الغسيل والطبيخ وهي ماتدري إن قلب الزوج والأولاد متعلقين فيها .
يقولون الولد للي يربي مو اللي ولدته ..والشغاله هي تلعب كل الأدوار
مابقي غير تتزوج كفيلها وخلاص تنتهي الحكاية .

والله إن الخيانات مع الشغالات سببها الزوجه .مهملة زوجها وركض ورى الريال والعمل والشغاله بالبيت لحالها مع بزر أو بزرين وبعدها يجي (قيس) الولهان وتبدأ الشموع تدهر والكمخه هالزوجه بعملها .
والله مهب شينه اسافر واتنقى شغاله موت حمر من كازاخستان واعرس عليها وخلاص وشوله اجيب لي علة تعل قلبي .
شغاله وزوجه وحمرا عطرا . مهب شينة ابد ورخيصه وكويسه ولا ودن ولا عطن ومن هاللي يرفع الضغط ويجيب الجلطات

[فديكا التميمي]

اقتباس: والله إن الخيانات مع الشغالات سببها الزوجه .مهملة زوجها

لا والله سببه العيون الزايغه اللي حتى الشغاله ماسلمت
منه مير هذا كفوه هالاشهب الالهب وياحليلك مادريت انه ماينفع الحريم هالايام ومايتقضالهن
ويقص شعور عيالهن ويدبر امورهن بالبيت حتى تحويل قروش الشغالات غير السواويق الله يكثرهم من غير منه ومزاااعق
وذااك ماهمه غير تقليب القنوات والكرشه بهالاستراااحه
لاتخاف كل ساقط وله لاقط ...

[العالميه]

أنا عندي اللي ينزل نفسه للشغاله
إنسان دنيء وماعنده كرااامه....

[عـــــســـــولــي]

اقتباس:  المشاركة الأصلية كتبت بواسطة العالميه     أنا عندي اللي ينزل نفسه للشغاله إنسان دنيء وماعنده كرااامه....

المسأله مو مسألة دناءه وكرامه .المسأله خطيره وهي وضع البنزين (الشغاله) عند الكبريت (الزوج) .. وبعدين حرام شرعا تواجد الشغاله في المنزل لأنه من الإختلاط ووجودها فقط لضرورة قصوى وتحت ضوابط ومن اهمها لبس الحجاب وعدم مخالطة الرجال .
بس اللي عندنا صاير خلطبيطه .
والله بعض الشغالات صايرتن تقل (دباب) وخصوصا للي عندهم شلة شباب .هذا ينزل وهذا يركب .
الله لايخسف بنا بس والله ياجرايم تحصل بالبيوت اللي فيها شغالات تشيب لها الرؤوس.
اقسم بالله على كلامي هذا إن موظف بمستشفى خاص ببريده يقول كثير من الشغالات تجيبها كفيلتها تسوي لها ربط (رحم).
عاد يقول جتني عجوز ومعها شغاله اندونيسيه وقلت لها ليش ياخاله تسوين لها ربط رحم ..قالت ياوليدي عندي ولدين وخايفة تحمل منهم ...عاد شلقوا

[عـــــســـــولــي]

اقتباس:  المشاركة الأصلية كتبت بواسطة فديكا التميمي     لا والله سببه العيون الزايغه اللي حتى الشغاله ماسلمت منه مير هذا كفوه هالاشهب الالهب وياحليلك مادريت انه ماينفع الحريم هالايام ومايتقضالهن ويقص شعور عيالهن ويدبر امورهن بالبيت حتى تحويل قروش الشغالات غير السواويق الله يكثرهم من غير منه ومزاااعق وذااك ماهمه غير تقليب القنوات والكرشه بهالاستراااحه لاتخاف كل ساقط وله لاقط ...

ماعمرتس نطقتي بالحق دايم تدافعين عن اخطاء الزوجات تحسبين الدعوى هوشه .
مالون بالأحمر يعتبر الشريك الثاني للشغاله في تدمير الأسره .
وكثير من السواقين قبض عليهم وهم يمارسون الزنا مع زوجة كفيله أو احد بناته .
سلف ودين ..الزوج يلعب بذيله مع الشغاله .والسواق مع الزوجه .
وتبون يجينا مطر وتبون الأسعار تنزل وتبون السرقات تنتهي ..عقوبات من ربي بس وين اللي يفهم

[فديكا التميمي]

اقتباس:  المشاركة الأصلية كتبت بواسطة عـــــســـــولــي     ماعمرتس نطقتي بالحق دايم تدافعين عن اخطاء الزوجات تحسبين الدعوى هوشه . مالون بالأحمر يعتبر الشريك الثاني للشغاله في تدمير الأسره . وكثير من السواقين قبض عليهم وهم يمارسون الزنا مع زوجة كفيله أو احد بناته . سلف ودين ..الزوج يلعب بذيله مع الشغاله .والسواق مع الزوجه . وتبون يجينا مطر وتبون الأسعار تنزل وتبون السرقات تنتهي ..عقوبات من ربي بس وين اللي يفهم

انا حبيت افهمك ان كل ساقط له لاقط الرجل متكل عالخدامه والمره متكله عالسواق ليش انت
ماجبته من كل الجهتين اذا انت على حق وحالات الاتكال على السواق ماتقارن بالاتكال على
الخدامه وخاصه بالمجتمع البريداوي اعنبوك اغلبهن يغطونهن تبيهم يخلونهن يخدمن رجالهن اوالله
هرج..

[زين نجد]

ويبقى الخوف من الله هي أكبر رادع..

[لمعةالألماس]

..
موضوع يلامس الواقع الأسري ..

كلامكـ صحيح من ناحية القيام بالزوج والأبناء فهذا من واجب الأم وهو من الأمومة أساساً

..
لكن الخيانه لا تقتصر على أزواج الموظفات , إنما هي بأخلاق الرجال ,

ومتى ما أرخى الحبل مع الخادمة ولاطفها فهي أنثى حتما ستنجذب إليه وتبدأ بالخطوة الثانية..!


,,,,,,,,,
شكرا لكـ

[قصيمي اصيل]

اصلن المرأه ليش تسمح بدخول مرأه غريبه الى بيته وفي زوجها !!!

يعني كل هذا غباء تعرف ان شهوات الجنس تتغلب على الكل كبير وصغير

كيف تسمح بهذا

وماتدرين يمكن هذي الشغاله لعينه يمكن تغري زوجك وتفعل معه مايكفره

انا اقول ان الخدمات غلط من الزوجه وليس الزوج

[لعيون دودي]

عسولي..
فعلا هناللك الكثير من الزوجات غافلات عن اداء واجبهن تجاه الزوج "خاصه" والابناء والمنزل عامه
ولكل مايجري لهن من ويلات وخساره هو حصاد اللامبالاه..
لكن لا نغفل انه بالمقابل زوجات "سنعات" في اداء حقوق ازواجهن وبيوتهن..رغم وجود الخادمه لديهن الا ان دورها "مقنن" من قبل الزوجه ولها خطوط حمراء لا تتجاوزها
وسام تقدير لكل زوجه اخلصت باداء مهمتها تجاه زوجها واولادها..
للجميع الود

[قـتـالـه]

بهالمناسبه يسعدني ان ارفع اكف الضراعه للمولى ان يعز ابن سعود ويطيب ثرا موحد الجزيره اللي عزنا وخلانا تجيب بدل الشغاله ثنتين
<< حشا سليمان العيسى مب قتاله
الرجل عسى كحله يسد عينوه !
بعدين لو لقت بنت سوهارتو بالشعيب مناقع تسقي نياقها وتمرح معهن < ياسعدي مايدرون وش انا اقول

[جبل السكر]

سمنتهن ياعسولي ماجات من فراغ
المرأه لازم تثبت وجودها (من جميع النواحي)
علشان زوجها يشوف فضلها
مش كل شيء شغاله
الشغاله ضروريه لها في حالة (المرض الشديد) بس
لكن فين الناس يلي تفهم
وبعدين الزوج لازم يراعي ظروفها لو وجدت من تعب ومرض وغيرو
مايصر على الطبخ والاهتمام فيه وبالأولاد ووو
يعني لاينسى بأنها آدميه من لحم ودم
مش يضغط عليها ويردد كلمتو انتي ماتهتمي وانتي وانتي
وانا بتزوج ولا بطلق <تفكير اغلب الازواج السعوديين
يلي يتصفو بالأنانيه ومايشوفو الا انفسهم وبس
والزوجه عندهم دورها شغاله ومربيه

[ونة خفية]

مهما كانت حاجة البيوت السعودية للخادمات إلا أن شرهن يغلب على خيرهن ويسابق
وهاشايب وعليه عنه مايدري عن هالعصير مخلوط بأيش ببول أو دماء حيض (بكرامة القارئ)
أو عمل سحري
واسمع هالخبر :

اقتباس: خادمة آسيوية تعاشر طفلاً عمره 8 سنوات بالمدينة المنورة المدينة المنورة ( صحيفة طيبة ) حزام الدوسري : اكتشف مواطن بالمدينة المنورة أن الخادمة التي جلبها لتربية أبناءه ، تعاشر طفله البالغ من العمر 8 سنوات ، حيث كانت تعمل ذلك عند ذهاب الأم المعلمة للمدرسة ، وغياب الأب بالعمل ، وقد تم اكتشاف أمرها حينما اشتكى الطفل لوالدته من آلام شديدة منعت من خروج البول ، حيث هرع الأب إلى مستشفى الملك فهد بالمدينة المنورة ، الذي أوضح أن الطفل كان يعاني من آلام بالمثانة نتيجة ضغط على قضيبه الذكري ، والد الطفل سأل الخادمة عن ذك ، فاعترفت بذلك ، وأوضح الطفل لوالدته أن الخادمة كانت تعمل له مثل هذه الأمور ، والد الطفل لجأ إلى إجراءات سريعة لتسفيرها لبلادها ، دون عرضها على الجهات المختصة ، الأمر الذي يدعوا الناس إلى التنبه لمثل هذه الأمور التي تحصل من العمالة الوافدة.

[مين أصدق]

[align=center]من سجلت بالمنتدى وهالقسم مايكتب الا شيئ يضيق الخلق غريبه اسمه المجلس


لكن السبب في هالمشاكل الحريم لانه صارت الوحده ماعنده قوه ونشاط وهمها الوحيد الحش والنوم سلامي للمميزات القليلات اللي مايعرفن منتديات ولاشيئ ياحبي لها النوعيه
[/align]

[نهوله]

شر لا بد منه!!!!