الطلبة المبتعثين للخارج يرفضون العوده للمملكه ويطالبون بالجنسيه الأمريكيه والبريطانيه

[عـــــســـــولــي]

وجهت وزارة التعليم العالي ملحقياتها في الخارج بالتعاقد مع
مكاتب قانونية لملاحقة المبتعثين السعوديين الساعين للبقاء في دول الابتعاث
بهدف الحصول على الجنسية أو رخصة الإقامة الدائمة هناك.

دعت الوزارة إلى مباشرة خطوات عاجلة ضد الراغبين في عدم العودة إلى الديار
من بينها إيقاف المكافآت عنهم، واسترداد المكافآت المصروفة لهم منذ بداية الابتعاث.

وأكدت الوزارة ورود معلومات تفيد بـ «تقدم فئة من الطلاب للحصول على الجنسية ورخصة الإقامة في بلد الابتعاث»
وشددت على الملحقيات التعليمية بضرورة إبلاغها أولا بأول عند رصد حالة خروج عن النظام، مع ذكر الإجراء المتخذ من قبل الملحق.

يشار إلى أن برنامج خادم الحرمين الشريفين للابتعاث الخارجي بدأ قبل خمسة أعوام
واستفاد منه اكثر من 90 ألف طالبة وطالب في مختلف التخصصات .

خخخخخخ شكلهم شافوا الأسعار مولعه وبطاله وفقر ودجه وفساد وشموس وحر وغثى وغرابيل وساهر وسرقات وسطو على البيوت قالوا مالنا ومال وجع الرأس خلنا نطق الجنسيه ونتزوج من هالحمر العطر (وهه بس) بالجنه ياعسولي .

[الأسترليني]

[align=center]


عرفوا معنى العدالة ..
[/align]

[الرأي الأول]

تصور سعودي يتغير جنسيته لامريكي او بريطاني

ثم يجي للسعوديه كمواطن امريكي


الراتب بيكون كم

الحمايه النظاميه كيف بتصير

الاحترام له وعدم اعتراضه


اشياء كثيره فقط لانه غير الباسبورت

[العالميه]

يابختهم...شكلي أبدور لي بعثه
وألحقهم...وأتجنس مثلهم

ويصير معرفي هنا ..العالميه الأمريكيه خخخخ

[نوره الجمعه]

اقتباس: اقتباس:  المشاركة الأصلية كتبت بواسطة الأسترليني     [align=center] عرفوا معنى العدالة .. [/align]

السلام عليكم ورحمة الله وبركاته


وعرفوا أيضاً معنى النظام أللذي لا يفرق بين وزير وأمير ومواطن
ويكفي أن من يرئس الحكم وتنتهي فترت الرئاسة يعود الرئيس مواطن عادي
بما أن الوزير لدينا يخرج بأرصدة تكفي الشعب معيشة لمدة عام
وانظروا للأمير الصغير ماذا يملك !
وبالمقابل انظروا إلى المواطن الكادح المسن ماذا يملك !
وإلى العاملين في السلك العسكري كافة ماذا يملكون وعلى ماذا يحتكمون !
عجب والله عجب ؟؟؟؟؟!!!!!!؟؟؟؟؟!!!!!؟؟؟؟؟!!!!!!

تحياتي

نوره الجمعه

[نوره الجمعه]

و الــــــقـــــــــــــائــمــــة
تــــــــــــــــــطــــــــــــــــــــــــــولــ

((( عذراً لــعــــودتــي )))

[تَمَرّدْ]

[align=center]عسولي تصدق ان زوج اختي يفكر الحين ياخذ الجنسيه البريطانيه

قمه قمه في الاخلاق والتعامل

يكفي القانون يمشي على الكل

اغديه بس يحطلي الجنسيه البريطانيه معه ياخذ اجري

يارجل تتعب لو تتكلم عن الوطن و.....

بلاش ياراقل نتكلم في الامور ديت [/align]

[محارهـ]

قرارهم في محله وسليم

[نجداوي]

[align=center]دام القانون شامل ويحترم الذات البشريه وحقوقها ومتطلباتها اللي مفتقدينها بالوطن

لو تحصل لي اول من ياخذها

رغم وجود المشاكل عندهم بشكل ظاهر وعام ولافيه قانون يحد من الدعاره او المخدرات


لاكان كل فرد بمجتمعهم حاله بحال نفسه لا له ولاعليه من الناس الاخرين

وهالشي غير موجود بمجتمعنا نهائيا

كل واحد يحسد الثاني ويتلقف حتى بابسط الامور وناس غثيثه وتجيب الاكتئاب وهلمو مجره ..

واذا على فساد المدراء والمسؤالين بشكل عام ف هو واضح جدآ كالشمس

غير ماكان عليه بالسابق بمراحل

اقتباس: 90 ألف

قليل منهم جآي بعلم واضح او شي ينتفع فيه

كلهم يجون مقلدين للغرب او اخذين مرتبه النفس العاليه مع الشرف والتنفيذ

على باله مسوي انجاز كبير او عاش دور الفرد الاوروبي

وهو على شكله ومظهره صومالي ويخب عليه .!؟

احترامي ..[/align]

[شمـس الشموس]

بصرررررراحه ((نجداوي)) كفى ووفى كلامه سليم وصحيح ومايحتاج اكتب شي يكفي ماكتب,,,,,..
يعطيك العافيه عسوولي,,,..

[شميساوي]

معذورين و الله ...

أذا كانوا في بلدهم الأم يعيشون حياة الغربه ...

من قلة المال ,,, <<<< و نحن في دولة من أغنى الدول

و يعانون من البطاله ,,, <<<< و نحن في دولة جميع قطاعاتها تعاني من النقص الوظيفي

و يعانون من مشكلة السكن ,,, <<<< و الأراضي الفضاء تأخذ حيزا كبيراً في بلدنا

و يعانون من الظلم و القهر ,,, <<<< و نحن دولة تسمى بـ دولة العدل و الإسلام و المساواة ..!!

و يعانون و يعانون و هلم جرا من أصناف المعاناة و الظلم ...

فـ هل تستغرب هذه الرغبة منهم ...

لو يقدر لي أن أسافر لـ الإبتعاث الخارجي ,,,

لـ ذهبت بلا عودة ...

...

[جبل السكر]

على كدا اخواني بيصيرو كوكتيل بحق وحقيقه
الله يوفقهم لما فيه الخير لهم ولأمتهم

[فديكا التميمي]

عزالله انهم افلحــوا
كود افطن اخوي لايرجع لنا سعودي

حلووو يعني اللحين فيه امكانيه ناخذ بريطاني او امريكي لو بالاسم

[قـتـالـه]

ماطاح من النجوم خف للسما !
سبحان الله عقدة النقص والانقياد للأقوى نرضعها مع حليب امهاتنا
اي والله اللي تبيهم بريطانيا وامريكا وميتين عليهم ماكنهم شبهه وعليهم العين وين مايمموا!
عاد وش هالمكسب ياوطن بعيالك اللي صرفت عليهم وآخرتها استهوتهم ديار الصهب وفضلوها على مهاجع نخيلك!
مااواطن اللي تسذا ينسلخ عن جذوره على غير سنع !
وبعد ياملغهم لجوا بالاجازات وبدوا حنا بلونس انجلوس وحنا بفلوريدا وهم ماشطب اسفلت الموطا وقصيعه الا رجليهم .. ليتهم يقعدون بديارهم ولايجون لمنا ابد..

[اصالة نادرة]

.

اقتباس:  المشاركة الأصلية كتبت بواسطة قـتـالـه     ماطاح من النجوم خف للسما ! سبحان الله عقدة النقص والانقياد للأقوى نرضعها مع حليب امهاتنا اي والله اللي تبيهم بريطانيا وامريكا وميتين عليهم ماكنهم شبهه وعليهم العين وين مايمموا! عاد وش هالمكسب ياوطن بعيالك اللي صرفت عليهم وآخرتها استهوتهم ديار الصهب وفضلوها على مهاجع نخيلك! مااواطن اللي تسذا ينسلخ عن جذوره على غير سنع ! وبعد ياملغهم لجوا بالاجازات وبدوا حنا بلونس انجلوس وحنا بفلوريدا وهم ماشطب اسفلت الموطا وقصيعه الا رجليهم .. ليتهم يقعدون بديارهم ولايجون لمنا ابد..

هههههههههههه
يا لبى قبلك فعلا اسم على مسمى
قتاله انتي