حاكت خيوط المحبه وغزلت
وبدعت في تصميم الغرام ابتكار
وفصلت احلى طرز وفصلت
قلبي الشاقي عن الحزن بنهار
واحيت الورده وانا احسبها ذبلت
صارت بجنه عقب صحراء ونار
وارسمت بسمه على شفه نزلت
ومسحت بيدينها عن القلب الغبار
حبيبتي كنها البدر كملت
وهاج سنها حاجب شمس النهار
مدري بشر ولامن الجنه نزلت
الفكر حاحير والعين فيها انبهار
شفتها والروح فزت وذهلت
وكل الجوارح صبها موج وعصار
وهي لحظت ماتعدت وانجلت
الا ولقيت الحب باالقلب قد صار
ارجي عسها باالوصال اتاملت
وارجي عسها لقربي تمشي المشور
وكانها عني تحرت وسالت
ولا تراها عزتي فوق كل اعتبار
العرض الشجري