يوم جينا نوزع الزكاة مالقينا أحد يستحقها!!!!!!!

[SAGA]

بسم الله الرحمن الرحيم

يوم جينا نوزع الزكاة مالقينا أحد يستحقها!!!!
,,
مو لإن البلد مافيها فقير أو مستحق للزكاة
لا
لإن الآن ماتقدر تفرق بين الغني والفقير
,,
فقير وبيطرد من بيته بعد أشهر ولاتستغرب إذا رأيت مظاهر الترف عليه أوعلى أحد أبنائه,,

الديون كاسره ظهره ومهدد بالسجن والسبب سيارة ولده آخر موديل و بنته اللي ماتخلص من طلباتها
,,,
فقير وداج وأول مايحصل مبلغ يضيعه بجهاز جديد أوسيارة جديدة ولايفكر لليوم الأسود بتاتا
,,,
مهموم ومتكدر وماذاق طعم النوم لإن عليه دين بمقدار300,000 وبعد ماساعده أقاربه بسداد الدين سافر هو وأولاده خارج المملكةحتى لايتأثر الديكوريشن الذي يراه الناس فيه
,,
المجتمع الآن أصبح همه الأول المظاهر,,
الشخص أصبح يتدين لا لأجل أمر هام كعلاج أونحوه
بل يتدين حتى تكون بيته الأجمل وسيارة ابنه الأفضل وملابس ابنته الأغلى ثمن ؛
؛
؛
؛
ألهذة الدرجه أصبحنا لانتحكم بذواتنا أمام شهوة المظاهر؟
أبناؤنا,,
هل ربيناهم على الإمتناع عن ماتشتهيه أنفسهم إن لم يستطيع آباؤهم جلب مايشتهون أم أصبح الإبن يهدد ويتوعد بالإضراب إن لم يجلب له والده مايريد إنظر لمن حولك وستجد الجواب وستجد ما آل إليه ذلك,,

موقف مررت به في حياتي,,
قبل ثلاث سنوات تقريبا كان فيه عائله فقيرة والدهم موظف بمرتب بسيط,,وهم من الأقارب من بعيد المهم أن الوالد كان يتكفل بمصاريفهم في أغلب الأشهر لإن والدهم مريض والمرتب لايكفي ويمرون بأوقات شديدة في بعض الأحيان
وفي أحد الإجتماعات الكبيره رأيت بناته الثلاث وتعجبت تدرون لما
كل واحدة معها أحدث جهاز جوال!!!
المضحك بالموضوع إني أنا وقتها جهازي الجوال أقل منهن,,
وعندما أخبرت قريبتي بالحادثه ذكرت أن لاغرابه بالموضوع لإنها تعمل بجهه تابعه للجمعيه الخيريه عملها يكمن في الدخول للبيوت التي تصرف لها الزكاه لرؤية حالها تقول لانتعجب أن نرى الزكاة تصرف في كماليات لا حاجة لها!!
أنا لا أقصد بكلامي أنه لايوجد فقراء في أشد الحاجه للمال
بلا يوجد ولكن يوجد أناس هم من يجلبوا الفقر بأنفسهم
بتكليف أنفسهم مالاتطيقه وأول يحصلوا على المال يضيعونه من أجل مظاهر مخادعه,فهل هؤلاء يستحقون الزكاة؟؟
,,,,,,,,,,,
عشق المظاهر
أصبح ظاهرة إجتماعيه
نتاجها
أشخاص حرموا من نعمة النوم لديونهم
أموات لم تسدد ديونهم
آباء يقبعون في السجون

رأيكم يهمني

[فديكا التميمي]

كلامك درر سجى عزالله انك صدقتي اللحين ماهنا فرق بينهم
وانا الاحظ مظاهر الترفيه اوضح على الفقير
"الله يكون بالعون"

[JησÖ̤̇ση4E̳̐√ΈЯ̤̈̇]

فيه لبس عندك الفقير هو الي مايجد ماياكله اما الي عنده راتب وبمجرد قدرتة على ان يشتري زي ماقلتي افضل الثياب وافضل الجولات هذا مايسمى فقير والا لكان اغلب المجمتع فقير !

المجتمع فيه طبقات الغني والمتوسطه والكادحه والفقير .. انت تقصدين الكادحه والمتوسطه اما الفقير تعدا هذه المرحلة وذا تبغين تشوفين تلك العينات علشان يتضح لك الفرق اذهبي للاحياء الفقيرة علشان تتضح لك الصورة ..


واما كلامك عن المضاهر هذه مافيه جدال للاسف كل المجتمع اصبح يلهث وينخدع بالمظاهر لا على المخابر وخصوصا في المجتمع البريداوي وعلى سبيل اوساط الشباب بحكم اني منهم الي مامعهم سيارة جديدة او غاليه مايعطى وجهه والخ

[وميضُ البرق]

[align=right]ذكرتين بفلان تسلف على راتبه 300 علشان يشري جوال n95![/align][align=right]
والآخر يجمع الزكاة برمضان ويشري زبيريات بـ 1500!
وعائلة لم يقتصروا على ماركاتنا بل قوتشي وجيفنشي وهم على الله ثم الزكاة!
غالبًا هذه الأجناس تسير على البركة وشن ببلاش ربحه بين.

[/align]

[| ~ ســمــو ~ |]

الله يعيننا على غثا الدنيا

وهــوس المظــاهر في الكـــل الحين في مجتمعنا
وفعلا اي احد يبي الزين ومايكون اقل من غيره

لكن بشرط قدر استطاعته

والزكاة للي مايقدر مو اللي يبي اكثر ...

[عطري فرنسي]

)إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَاِبْنِ السَّبِيلِ فَرِيضَةً مِنْ اللَّهِ وَاللَّهُ عَلِيمٌ حَكِيمٌ(

الفقير: من لا كسب له ولا مال، أو له كسب أو مال ولا يجد حاجته . فهو أشد حاجة من المسكين، لأن الله بدأ به، وإنما يُبدأ بالأهم فالأهم .

المسكين: هو أحسن حالاً من الفقير، وهو من يجد حاجته ولكن لا تكفيه. وقد قال تعالى: )أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ ((2)فدل عـلى أن لهم سفينة وعملاً ولكن لما لم يكن يكفيهم سماهم مساكين

هذا دليل ان الزكاه ليست محصوره على الفقير اللذي لايجد شيئافقط

[بني تميم بريدة]

[align=right]غالبية الي تشوفينهم يترززون ويتابعون الموضة ويلهثون وراء الكماليات
وتلقينهم دايم يتكلمون عن انفسهم حالتهم المادية داجة ووضعهم مزري ..
ويمكن تلاحظين بعض النسخ صور طبق الاصل في المنتديات منهم ..
فأغلب هؤلاء فقراء وبعضهم مصاب بمرض عقدة النقص فهو يحاول أن يسد النقص
الموجود عنده ببعض المظاهر التي اكتسبها صدقات من هنا وهناك ..

وعندما يرى الإنسان أمثال هؤلاء يقرأ الدعاء الوارد في من ابتلي بمرض أو بلاء
الحمدالله الذي عافانا مما ابتلاهم به وفضلنا على كثير ممن خلق تفضيلا ..

كل الشكر لك ولطرحك الراقي ..[/align]

[أبو الريش]

[align=center]

اقتباس: بتكليف أنفسهم مالاتطيقه وأول يحصلوا على المال يضيعونه من أجل مظاهر مخادعه,فهل هؤلاء يستحقون الزكاة؟؟

هذولا ناس فسقانين , الزكاة لسد حاجه ضروريه مهوب لسد موضه جديدهـ[/align]

[شـــــادن]

.

أنا مايقهرني ويبط تسبدي إلا الناس اللي اللبس مايقنعهم أقل من 1000
والسيارات كل وحده أفخم من الثانيه وتعالي شوفي كل مانزل جهاز جديد راحوا واشتروه
ولاشفتيهم قعدوا يتذمرون من عيشتهم ودجتهم على حد قولهم !!
وياليتهم يقتنعون إن اللي بهم فسق

الفقير فعلاً اللي لاعطيتيه الزكاة أياّ كان نوعها أكل _ فلوس
تلقينه تدمع عيونه وهو يدعي لك من كل قلبه ومو قادر يعبر عن مشاعره وهذا ماشاهدته بنفسي

والمظاهر بهالوقت خلاص مامنّه فكه

سجى تركي
الله يعطيك العافيه

[شيخوه]

والله اعرف وحده بنآتهآ غرف نومهم فرآش ع الارض بس وملآبسهم بدون دوآليب
وشنآط الجآمعه حقتهم شآنيل وقوتشي وجفنشي وآنوآع المآركآت والجوآلآت آخر موديل
يعني يهتمون بالكمآليآت ويخلون الضروريآت عشآن المظآهر :/
يعطيك العآفيه على موضوعك المهم

[Queen of buraydh]

لا يكلف الله نفساَ الا وسعها


ومن كلّف على نفسه مالا طاقة له به فليحتمل الهم والغم والآسى

ومن يلهث خلف المظاهر بما لا طاقة له به .. فليحتمل عواصف الحياة التي لا ترحم ,,

ويقول المثل ( مد رجولك على قد لحافك )

شكراً

[ليوث المجد]

المظهر مهم لكن الجوهر أهم

[SAGA]

اقتباس:  المشاركة الأصلية كتبت بواسطة فديكا بريده     كلامك درر سجى عزالله انك صدقتي اللحين ماهنا فرق بينهم وانا الاحظ مظاهر الترفيه اوضح على الفقير "الله يكون بالعون"

هلا فدو
لي الشرف إنك أول وحدة تردين على موضوعي
أوضح على الفقير لإنه مر بلحظات حرمان في حياته وسبب الأمر شعور بالنقص فيحاول يغطي هذا الشعور بهالمظاهر
كل الشكر لك

[SAGA]

اقتباس:  المشاركة الأصلية كتبت بواسطة [color=black     أوقات فراغ;4056374]فيه لبس عندك الفقير هو الي مايجد ماياكله اما الي عنده راتب وبمجرد قدرتة على ان يشتري زي ماقلتي افضل الثياب وافضل الجولات هذا مايسمى فقير والا لكان اغلب المجمتع فقير !

[/color]

اقتباس:  المشاركة الأصلية كتبت بواسطة أوقات فراغ     المجتمع فيه طبقات الغني والمتوسطه والكادحه والفقير .. انت تقصدين الكادحه والمتوسطه اما الفقير تعدا هذه المرحلة وذا تبغين تشوفين تلك العينات علشان يتضح لك الفرق اذهبي للاحياء الفقيرة علشان تتضح لك الصورة .. أنا أتكلم عن الفئتين الفقير اللي مايجد ماياكله وأول مايحصل فلوس يضيعها وهذا موجود بالواقع حتى فيه ناس بديرتنا معروفين بهالصفه تلقى ثلاجته مافيها أكل وأول مايحصل فلوس يروح يعزم بهن ومعروفين أن هم مايمسكون القرش الظاهر إنك عرفتهم أنا أتكلم عن اللي مثل هالشاكله,, الفئة الثانيه :اللي هم الكادحه لكن مايشتري من قدرته يتدين ويخلص الدين بأشياء ماله داعي,, أشكرك على تنبيهك لأوضح للقارئ القصد,, واما كلامك عن المضاهر هذه مافيه جدال للاسف كل المجتمع اصبح يلهث وينخدع بالمظاهر لا على المخابر وخصوصا في المجتمع البريداوي وعلى سبيل اوساط الشباب بحكم اني منهم الي مامعهم سيارة جديدة او غاليه مايعطى وجهه والخ

صحيح وأنا ملاحظه هالشيء حتى البنات مو بعيد عنهم بس بالملابس والكماليات الثانيه طبعا موسيارات,
كل الشكر

[SAGA]

اقتباس:  المشاركة الأصلية كتبت بواسطة وميضُ البرق     [align=right]ذكرتين بفلان تسلف على راتبه 300 علشان يشري جوال n95![/align][align=right] والآخر يجمع الزكاة برمضان ويشري زبيريات بـ 1500! وعائلة لم يقتصروا على ماركاتنا بل قوتشي وجيفنشي وهم على الله ثم الزكاة! غالبًا هذه الأجناس تسير على البركة وشن ببلاش ربحه بين. [/align]

مرة كنت بحفله قالت لي عمتي شفتي هذيك الحرمه
/والحرمه كان واضح عليها العز ذهب وفستان غالي/
قلت إيه قالت هذي تاخذ من الزكاة!
يااااااااااااكثر اللي على هالشاكله والسبب المظاهر
ونسوا هالأمر حراااااااااام الزكاة مافرضت حتى الفقير يشتري بلاك بيري وملابس غاليه الزكاة فرضت لسد حاجه الفقير,,,,
كل الشكر,,,,