اشياء كثيره تقهر ولكن مالعمل !!

[عاشق ديرتي بريده]

أشياء كثيره في حياتنا تقهرك . . تقف أمامها مكتوف اليدين !!

منها ان ترى من تحب وهو يجرحك امام الناس ولا يأبه بك !!


اشياء كثيره تقهر ولكن مالعمل !!

[عاشق ديرتي بريده]

ماهي الأشياء اللي تقهركم وتخليكم تنحرقون من الداخل ولا تقدرون تسون شي ؟

[ămōяẻ]

هلا عاشق

كل عام وانت بخير



لو موب عيد كان تلاقي اقل شي الان 6 ردود


وجوابا ع سؤالك


طنش تعش

اقتباس: ماهي الأشياء اللي تقهركم وتخليكم تنحرقون من الداخل ولا تقدرون تسون شي ؟

اول شي انى اشوف الناس تتعيد الان وبعض ناس وده يروح للبر يصيد
وانا مرتز بالدوام

ودى اطلع اتنفس

[عاشق ديرتي بريده]

اقتباس:  المشاركة الأصلية كتبت بواسطة ămōяẻ     هلا عاشق كل عام وانت بخير لو موب عيد كان تلاقي اقل شي الان 6 ردود وجوابا ع سؤالك طنش تعش اول شي انى اشوف الناس تتعيد الان وبعض ناس وده يروح للبر يصيد وانا مرتز بالدوام ودى اطلع اتنفس

هلا عموري

كل عام وانت بصحه وعافيه

التطنيش ليس حلاً وانما ضعف وقل حيله !!

ياخي اطلع صيد وانبسط شوي وخلهم يخصمون عليك يومين وخير ياطير

[صرخة انثى]

[align=right]النصيب عندما يصيب
هو من اكثر الامور تجعلك تنساق للقدر وتكتف ايديك
رغما ان هناك فرص افضل
لكن ربك عندما يريد يقول كن فيكون[/align]

[قـتـالـه]

قصدك على اليوم او بشكل عام ؟
اذا على اليوم فأنا من الصبح منقهره ولا اقدر اسوي شي ..
أولهن بالمسجد بزر لطخ طرف عبايتي الزينه بكاكاو واكتفت امه بالضحك على براءته وضمه وودها بعد تلتفت علي وتقول ياحضتس يوم لطختس
ويوم طلعنا وطا حدا بزراننا ذيل وحده من راعيات البراقع وعساك منت هو
احسب عهد النفاش والذيل انقرض واثر بوه من يحييه !
ومن بعدها توالت القهرات اغديي انام ازين لي ,,

[كفاني عذاب]

هلا عاشق كل عام وانت بخير
واعادنا الله واياكم بالمن والصحه والعافيه
.
.
امممممم
اذا شخص تكلم فيك وهو لا يعلم مامصداقية الخبر

[| ~ ســمــو ~ |]

اشياء كثيره ترفع الضغط ومنها اذا الحريم الكبار اللي بالاجتماعات سون انفسهن فاهمات كل شي

[جلوي العتيبي]

[align=center]عاشق

اقتباس: منها ان ترى من تحب وهو يجرحك امام الناس ولا يأبه بك !!

وانت وشوله تحب من لايحبك !؟[/align]

[بنت البدائع]

اوووه ., ياكثر الأشياء اللي تقهر بس تمعن كويس وبتشوف صغر وحقارة الشيء اللي قاهرك ومباشرة تبرد أعصابك

[المنطق]

أشياء كثيره



في حياتنا تقهرك



أكيد حسد وغيره



عشان كذا يجرحك



هو كذا تفكيره



لا تحسبه يكرهك



ياعاشق لعلها خيره



تقطع اليقين بالشك



هذا الي عندي وتعبيره



ربي يخليك لعيالك وهلك



ياعاشق ماني بشاعره



خذ العلم عسى كلامي يوصلك ...

[JησÖ̤̇ση4E̳̐√ΈЯ̤̈̇]

يقهرني حاليا ان مدينتنا لم تهتم بالعيد وليس هناك فعاليات ومهرجانات ترفيهيه وترويحيه تصاحب اجواء العيد مما يدفعك للتفكير بالبدائل التي منها السفر الى بلد اخر بقصد المتعه والشعور بصخب العيد وكذلك الترويح عن النفس

[Tulane]

تشتري راحة بالك سواء كانت بالتطنيش أو بالمواجهه أو غيره

الله يبعدنا وإياكم عن القهر

[عاشق ديرتي بريده]

اقتباس:  المشاركة الأصلية كتبت بواسطة صرخة انثى     [align=right]النصيب عندما يصيب[/align]

اقتباس:  المشاركة الأصلية كتبت بواسطة صرخة انثى     [align=right] هو من اكثر الامور تجعلك تنساق للقدر وتكتف ايديك رغما ان هناك فرص افضل لكن ربك عندما يريد يقول كن فيكون [/align]

سبحانه

انا لا اتكلم عن القضاء والقدر

انا اتكلم عن اشياء تحدث امام عينك ولا تستطيعين ان تفعلي شي !

[عاشق ديرتي بريده]

اقتباس:  المشاركة الأصلية كتبت بواسطة قـتـالـه     قصدك على اليوم او بشكل عام ؟ اذا على اليوم فأنا من الصبح منقهره ولا اقدر اسوي شي .. أولهن بالمسجد بزر لطخ طرف عبايتي الزينه بكاكاو واكتفت امه بالضحك على براءته وضمه وودها بعد تلتفت علي وتقول ياحضتس يوم لطختس ويوم طلعنا وطا حدا بزراننا ذيل وحده من راعيات البراقع وعساك منت هو احسب عهد النفاش والذيل انقرض واثر بوه من يحييه ! ومن بعدها توالت القهرات اغديي انام ازين لي ,,

لا ياقتاله انا اتكلم بوجه عام

وياليت المصائب وسخ عباة وخراب سياره !