رضينا بالهم والهم مش راضي بينا !!

[عاشق ديرتي بريده]

رضينا بالهم والهم مش راضي بينا !!

هذا حال اغلب البيوت !

حينما يتقدم عريس يخطب احد البنات

ويتم السؤال عنه لا تجد الكمال بسمعته ولكن تتنازل لعلى وعسى

تجد راتبه قليل وتقول الرازق الله وأن شاءالله يتحسن حاله

حاله كحال اغلب شباب الوقت ( نص ونص )

وبعد الزواج ينقلب الى فرعون وينكد على البنت وأهلها

سهرات وسفر وعدم احترام للبيت

ويأتي يوم وتقول مصيبه وحلت علينا ولازم نستحمل !!

مالحل مع بعض رجال الوقت !!!

هل قاعدة غمض وكنك ماشفت شي لعل وعسى ينصلح الحال ... حل !

او التدخل مطلوب لحل مايمكن حله مع اليقين أن المشاكل راح تكبر بالتدخلات !

[دِيم]

[align=center]
.

الزواج الآن صار كـ المعادلة ,
بعضهم يسهلونه وبعضهم يصعبونه ..



نسمع كلام من ..؟
,
المفروض يصير فيه مدة كافيه , تتعرف فيها البنت على الشب , والعكس ..!
على الأقل إذا صار فيه عذروب تقدر تنسحب البنت من البداية , قبل تصير حياتها
رهن لواحد مايستحق ...[/align]

[تَمَرّدْ]

والله الحين صار الواحد يخاف يعرس ويرتبط بإنسان مش فاهم الحياة كيف تمشي

ربك يعين ياعشقشق

[عاشق ديرتي بريده]

اقتباس:  المشاركة الأصلية كتبت بواسطة إنسانية جداً     [align=center] . الزواج الآن صار كـ المعادلة , بعضهم يسهلونه وبعضهم يصعبونه .. نسمع كلام من ..؟ , المفروض يصير فيه مدة كافيه , تتعرف فيها البنت على الشب , والعكس ..! على الأقل إذا صار فيه عذروب تقدر تنسحب البنت من البداية , قبل تصير حياتها رهن لواحد مايستحق ...[/align]

الزواج سهل اذا رزقتي بزوج محترم <<< هذا نادر

وشلون تتعرف عليه البنت

[عاشق ديرتي بريده]

اقتباس:  المشاركة الأصلية كتبت بواسطة دفـئ     والله الحين صار الواحد يخاف يعرس ويرتبط بإنسان مش فاهم الحياة كيف تمشي ربك يعين ياعشقشق

فعلاً الزواج بالوقت الحالي يخوف !

لأن الظاهر الله الله والخافي يستر الله !

[باسم الثغر]

الله يعين ياعاشق

الشباب مهب راضين على الوضع
والبنات مهب راضيات على الوضع
وكل يشتكي من جهة
وكل يشوف إن الثاني هو السبب بكل شي يصير بحياتهم
الله يصلح الحال

وكل مشكلة وحياة تختلف عن الثانية
بعضها تحتاج تدخل وبعضها تنحل من نفسها

وإن لقيت حل
لبعض مشاكل رجال ونساء هالوقت
فعلمنا فيه

[الاخطبوط المرقط]

مقطع غير ملون أبيض وأسود وعلى طريقة دربن دربن وانت ماشي!!
يارجال الرجال هم الرجال من طلعة الدنيا .. والحر يم هن الحريم من طللعة الدنيا ..
العيب والله في أفكارنا وعاداتنا وبعد لحق معهم أقلامنا الضايعة بالطوشة
نعيب زماننا والعيب فينا .. وليس لزماننا عيب سوانا .
الاخطبوط كان هنا في يوم ما.

[عذبـــــة]

كل شباب الحين مثل هالنوعية اللي ذكرت
بأول ايام الخطوبة يصير ملاك والبس ياكل عشاه من الطيبة والحنية والرجولة
وأول ماتروح الطفة بعد الزوج يقتلب لوحش مفترس
ويردد لحرمته عاجبك هالحال ولا طسي لأهلك
وين تطس هي وبزارينها ؟ مالها الا ترضى بحالها وتنطق عنده لين ربي ياخذ امانته وترتاح .

[دِيم]

اقتباس:  المشاركة الأصلية كتبت بواسطة عاشق ديرتي بريده     الزواج سهل اذا رزقتي بزوج محترم <<< هذا نادر وشلون تتعرف عليه البنت

عادي , تعارف بسيط , تعرف وش أفكاره , وتوجهاته الفكرية

ووشي ثقافته , مو بس تروح فترة الخطبة على هدايا وهياط ...

[باسم الثغر]

اقتباس:  المشاركة الأصلية كتبت بواسطة إنسانية جداً     عادي , تعارف بسيط , تعرف وش أفكاره , وتوجهاته الفكرية ووشي ثقافته , مو بس تروح فترة الخطبة على هدايا وهياط ...

المشكلة إن الطبع الحقيقي مايبين فترة الخطوبة من المخطوبين
كل واحد يبي يظهر بأحسن الأخلاق وأفضل الأفكار
يعني يبغى لهم فترة طويلة على بال ماتطلع الحكاكة

[مدير خبرة]

الي بيسأل ويتقص زين

بيوفق بولد الحلال

بس مشكلة بعض البنات واهلهن مطيورين

مايصدقون يخطب منهم وعلى طوووووووووووول يوافقون

[عذبـــــة]

اقتباس:  المشاركة الأصلية كتبت بواسطة أي شيء     الي بيسأل ويتقص زين بيوفق بولد الحلال بس مشكلة بعض البنات واهلهن مطيورين مايصدقون يخطب منهم وعلى طوووووووووووول يوافقون

مااحد مزوج بناته لين يسأل عن الشاب زين
بس البلا باللي يصير خلوق وطيب ومصلي ومسمي قبل بثلاث شهور من الخطوبة
ومن يحصل على البنية يرجع سلتوح مثل قبل

[شعاع الكون]

السؤال ثم السؤال ثم السؤال
لان البنت موب عايشه معه يوم والايومين راح تعيش معه طول العمر
الله يوفق الجميع لكل خير يارب

[زين نجد]

اقتباس:  المشاركة الأصلية كتبت بواسطة عاشق ديرتي بريده     رضينا بالهم والهم مش راضي بينا !! هذا حال اغلب البيوت ! حينما يتقدم عريس يخطب احد البنات ويتم السؤال عنه لا تجد الكمال بسمعته ولكن تتنازل لعلى وعسى الكمال يختلف لأن بعض الخلق لا يرضاه أحد فمثلاً البخيل لا أرضاه لأختي تجد راتبه قليل وتقول الرازق الله وأن شاءالله يتحسن حاله قلة الراتب ليس عائقاً ولا يسبب مشاكل إذا كان صاحب خلق ودين حاله كحال اغلب شباب الوقت ( نص ونص ) وبعد الزواج ينقلب الى فرعون وينكد على البنت وأهلها سهرات وسفر وعدم احترام للبيت ويأتي يوم وتقول مصيبه وحلت علينا ولازم نستحمل !! مالحل مع بعض رجال الوقت !!! أنا ما لي شغل بالرجل لأن كل رجل وتربيته.. ولكن لماذا تزوج اختك وتقول لعله يزين الحال.! أقصد من الأصل إذا هو مو كفو خل اختي تجلس عندي هل قاعدة غمض وكنك ماشفت شي لعل وعسى ينصلح الحال ... حل ! [color="navy"]لا.. وألف لا..[/color] او التدخل مطلوب لحل مايمكن حله مع اليقين أن المشاكل راح تكبر بالتدخلات !

قلت لك.. الوقاية خير من العلاج
من الأساس لا تزوج إلا كفؤ..

تقبل تعقيبي،،،

[اعقل خبله]

[align=right]الزواج سنة الحياة
مثل الموت لامفر منه
وصاير بهالوقت شختك بختك
الله يستر على الجميع

[/align]