رمضان,, يا شهر المطـــــــبخ ,,!

[أخت الذيب خالد]

لا تقل قصري وملكي ابداً ,’, إنما ملك الفتى ما قد أكـل

السلام عليكم ,,
وين رايحة؟ للمطبخ ؛؛ من وين جاية؟ من المطبخ؟ ليه ما تردين ع الجوال؟ بالمطبخ ؛؛ وين طالعة؟ اشتري أغراض للمطبخ؛؛ وين نآيمة؟ بالمطبخ!
رمضآن صآر شهر المطبخ مو شهر القرآن

مايصير هالحآل,,, كل ما غسلت صحن, توالدن صحون، وكل ما جيت بمسك باب المطبخ أبهج , رجعت له للوجبة التآلية، فطور سحور سحور فطور فطور سحور فحور سطور ،،، كالليل والنهآر، متعاقبين ليس بينهم فآصل!

لا حول ولا قوة إلا بالله، المطبخ سيطر على أغلب الوقت,,, ودي أقرأ قرآن بس عجزت, ودي أدخل نت أقرأ وأكتب , ودي أزور أقاربي ، ودي أتفرج ع التلفزيون ، لو أتابع ع الأقل مسلسل وآحد، مو إذا اجتمعت العآئلة بدوا يسولفون مع بعض عن المسلسلآت، وأنا مسكتة تقل مالي خوي

والله حاولت اتقشف,, تمنيت ازهد,, قررت اختزل,,,,,,,,,,,, فكرت اشقق كتاب الطبخ ,,!