بسم الله الرحمن الرحيم
السلام عليكم ورحمة الله وبركاته
** أقطعوا الإتصال وبعدين لا خلصتوا من القرايه إشبكوا الإتصال وردوا علي لا أحد ينساني **
** قصتي في أول أيام لي بالوظيفة **
**أول شيء قالوا لي مكتب الإشراف التربوي أروح للمدرسه الي عينوني
فيها وهي بالخبر وقالت لي مديرة مكتب الإشراف اعلمهم بأسمي وأقول لهم
إني معلمة الحاسب الآلي ...وهذا كان يوم السبت ..
** سألتهم عن عنوان المدرسة .. ورحت للمدرسة .. أول مادخلت إلا وذيك المستخدمة
العجوز في وجهي (ووالله إني حنيت عليها) .. وسألتها : ياخاله وين غرفة المديرة ودلتني
عليها ورحت لها أول ما دخلت قلت: السلام عليكم .. وقالت:وعليكم السلام(وهي مكشره)
** ومعنى كلمة مكشره:يعني معبسه بوجهها ..
ومديت يدي أصافحها وماصافحتني .. وقالت :وش عندك . وضقت منها ومن تصرفها معي (وكانت تحسبني أخت بنت)
مع إني ولله الحمد لبسي محترم .. جداً .. صراحه كنت ناويه أكشخ وأفك الشعر وأحط المكياج
إلي على الكيف لكن بنات خالتي قالوا (خلك بسيطه ) . علشان تحترمك المديره ...
وسمعت كلامهم (ومو من طبعي أسمع كلام أحد) ...
** وبعدين قلت لها أنا معلمة الحاسب الآلي .......
( يعني تحسبونها يوم درت إني معلمة الحاسب قالت: ياهلا ومرحبا فيكي وإن شاء الله تستانسين
بمدرستنا ) . لا ردت علي رد يعكر المزاج مع هالصبح .. وقالت : وأخيراً قرروا يعينون
معلمة حاسب عندنا .. ومن قهري منها قلت لها : أنتي مهاوشك أحد مع هالصبح .. وردت
علي بإستغراب .. وقالت : إيش .. وقلت:أبد سلامتك .. وقلت لها وين غرفة المدرسات .. قلت يمكن
يكونون أرحم من هالمديره .. وقامت تنادي المساعده علشان توديني لغرفة المدرسات .. وجات
المساعده ورحبت فيني .. وقلت في نفسي : (وينك عني من الصبح .. تفتحين نفسي لها لدوام ) ..
وجلست تسولف معي طول طريقنا وإحنا رايحين لغرفة المدرسات لأن الغرفة بالدور الثاني ..
ودخلتني الغرفة وإلا الغرفة زحمة معلمات بغيت أموت من الخوف ومن(السحى)..(الخجل) ..
** جاتني وحده من هالمدرسات (بنت حلال) وجابت لي كرسي وجلستني عليه .. أما الباقين
أغلبهم مكشرات كل وحده هموم الدنيا كلها فوق راسها .. حتى السلام ماردوا عليه وقلت في نفسي :
(إسبوع واحد وأصير مثلهم .. مكشره هالتكشيره) ... المهم قعدت دقايق إلا ويجيبون لي جدول
الحصص وقالوا من يوم الأثنين تبدين حصصك .. وراح يومي كله وأنا جالسه بهالغرفة .. وأسمع
سوالف هالمدرسات ..(إلي ولدها جننها وما قام للمدرسه إلا بعد طلوع الروح) ..(وإلي بنتها سهرتها
في الليل ومانامت من الحراره والزكام) .. (وإلي رجلها طردها من الغرفه علشان ولدها الصغير كل
شوي صايح) .. (وإلي منكبه عليها قهوه وإحترقت يدها) .. عجايب ..
** ويوم جا اليوم الثاني (الأثنين) .. رحت للمدرسه وكان جدولي علي فيه الحصه الثالثه عند ثاني
ثانوي(ج) . وأنا ماأدرس إلا ثاني ثانوي .. بس ثاني ثانوي يتكون من ثلاث فصول(أ,ب,ج) ..
المهم : دلوني على الفصل .. ودخلت عليهم .. إلا هم واجد (35) بنت هذا فصل (ج) بس ..
قلت : السلام عليكم ورحمة الله وبركاته .. وعظامي تنتفض من الخوف .. لأني خابره البنات وتعليقهم
على المعلمة وخاصه إذا كانت توها جديده ( يا وش كنا نعلق عليهم هالجديدات ) .. بس يوم لك ويوم عليك .
وقلت لهم أنا أستاذة الحاسب الآلي وإن شاء الله رح أخليكم تحبون الحاسب الآلي .. وقالت وحده ملقوفة ..
إحنا نحبه وما يحتاج تخلينا نحبة .. وقلت في نفسي : (عمى بعينك إن شاء الله ) .. وإنحرجت ما عاد عرفت
وش أرد عليها وخاصه (إن الفصل مليان بنات ) .. وقالت وحده إستاذه وش أسمك وقلت فلانه الدوسري)
وسمعت بنات ورى يقولون (وع دوسريه) . (بغيت أروح لها ورى وأتوطى بطنها) ..(بس فشيلة معلمة أجيال
وتطق) .. وأقعد أناظر هالي سمعتهم يقولون (وع دوسريه) . ويقعدون يخزوني خز بعيونهم (جعلها تتفقع) .
وبديت أشرح الدرس لأنهم متأخرين بالمنهج بشكل ماأحد يتصوره .. وكان درس نظري .. مو عملي ..
وأنا أشرح إلا وذيك إلي تضحك .. وتوزع إبتسامات وقلت في نفسي : (لازم أوريها شغلها علشان ماتتعود
تسوي هالحركه) . وقلت إلي ورى تتبسم ممكن تضحكيني معك .. قالت لا مو ممكن (يعني طولت لسان وقلت حياء ماشفت مثلها) .. وقلت مو ممكن .. قالت : إيوه مو ممكن .. قلت طيب أطلعي بره حصتي تتعذرك .. وقالت: ماني طالعه .. ومن قهري .. قلت لها.. إذا ماطلعتي مارح أشرح وقالت لا تشرحين وقلت: مارح أشرح .. والدرس هذا داخل معكم بإمتحان الشهر .. وقالت : وحده ممتازه .. أحناياإستاذه مالنا ذنب ... وسكت..
ولما خلصت الحصه رحت للمديره (أم تكشيره)وقلت لها السالفه وقامت تنادي المساعده وقالت لها تروح معي
وأوريها البنت الي قلت أدبها . وراحت معي ووريتها البنت ونزلوها تحت للمديره ... وعرفت بعدين إنها أشغب
وحده في هالصف .. (حتى أنا ماسلمت منها)..والحصه الخامسه عندي حصه عند (ب) ورحت لهم وسلمت عليهم بالبدايه .. وقلت لهم أتمنى إنكم تكونون أفضل من (ج) . وبديت أشرح الدرس إلا وأسمع صوت تفقيع علك وأدور الصوت .. وماعرفت وين يطلع منه لأن البنات واجد (33) بنت .. وقلت إلي في فمها علك ترميه .. شوي إلا وهجد الصوت وكملت الشرح وطبعاً الإبتسامات تتوزع والقز ماشي من نعالي إلا شعري .. (صراحه فضيعات).المهم .. طلع (ب)أفضل من (ج)
والحصه السادسه : كانت عند (أ)وقبل لا أروح للحصه سألت المساعده (أ)أحسن من (ب) و(ج) ولا ..؟ وقالت: روحي وأحكمي بنفسك ورحت لهم وأول مادخلت
قلت : السلام عليكم روحمة الله وبركاتة .. وشفتهم واجد ويخرعون وقلت كم عددكم وقالوا (38) . وبديت اعطيهم فكره عن الماده .. زي ماسويت مع(ب,ج).
وقالت: وحده أستاذه لا تتعبين نفسك وتشرحين أشري لنا في الكتاب على الدروس إلي معنا بالإمتحان وحنا بنحفظ علطول .. وقلت بدون فهم .. وقالت :إيووه .
وإستغربت من كلامها وقلت كلكم متفقين معها يابنات وقالوا أكيد .. وقلت شوفوا أنا المفروض أوافق لأني برتاح من تعب الشرح لكن هالشيء في ذمتي وأنا بشرح وبكيفكم ..وقالوا نبيكي تشرحين لنا كيف نصمم موقع (بغيت أموت)وقلت:مره وحده وعرفت بعيدين إن هالفصل كله عندهم كمبيوترات والفصلين الثانيات بعضهم عندهم وبعضهم لا .. المهم : مارديت عليهم .
لأني كنت متفاجئه منهم ... (عصريات زياده عن اللزوم ) .
***** مقتطفات *****
*** ما كنت مصدقة إني بيوم من الأيام رح يناديني أحد بأستاذة ***
*** ما كنت مصدقة إني رح تكون عندي جرأة ورح أقدر أشرح عند بنات كثيرررين بها لشكل ***
*** تراني ما معي شهادة جامعية كلها (الثانوية+معهد للحاسب لمدة سنتين) ***
*** للأسف الشديد بنات هالزمن متفتحات بزيادة والله يعين أهلهم عليهم والله يعين أهلي علي لأني من بنات هالزمن ***
*** صررراحه أنا طفشت من هالوظيفه في الأيام الأول ونفسيتي تعبت بشكل ماأحد يتوقعة .. لدرجة إني قلت خلاص ماعاد رح أداوم ولكن ........ مع إصرار أمي علي بالتحمل ... خلاص تعودت .. ولحد ألحين وأنا فيها .... فأتمنى أي وحده من هالبنات يمر عليها هالموقف تستحمل .. لحد ما ألله يفرجها لها .. وتتعود على هالبنات ......... والله يوفق الجميع .................
فعلا كما نسمع من بعض الاخوات والقريبات هناك مدارس ومديرات وطالبات بهالشكل
وتبين رايي؟؟
بالنسبه للمديره دامها كذا شايفه نفسها لاتحتكين معاها في اي شي خارج العمل يعني لاتعطينها موانه عليكي ,,, بس لاتسمحين لها تهضم حقك او تكلفك بشي مو من شغلك
بالنسبه للمعلمات احتكاكك فيه راح يكون اكثر وبعد فتره راح تندمجين معهن وتكونين صوره واضحه عن كل وحده
بس اهم شي لا مع المديره ولا مع المعلمات ,, هو انكي لاتخطىء في حق احد او تتجاوزي حدود طبيعيه بينكن حتى تتعمق علاقتكي معهن فتزول الكلفه تلقائيا واحرصي على الابتسام والوجه البشوش والمبادره الى تقديم المساعده خاصة مع المعلمات ومع من تتوسمين فيها الطيب من الاداريات حتى تزول الحواجز بسرعه ولانه لايبقى للانسان الا الذكرى الطيبه
اما الطالبات فالله يعينك هاسن وهالمرحله متعبه
بس اهم شي
لاتظهري عصبيتك مهما بلغ بك شد الاعصاب لانهن يفسرنه بانكي تغطين ضعفكي بالهواش
في البدايه تجاوزي عن بعض الاخطاء من الطالبات مع الاكتفاء بنظرة عتاب عابسه لمرتين او ثلاث وبعد ذلك اذا تكررت للمره الرابعه
ضعي الطباشيره من يدك والكتاب وتقدمي الى طاولتك وتكلمي اليهن بهدوء وقولي لهن انكي تعتبرينهن مثل اخواتك وارشديهن الى ان هذا ليس من خلق المسلم وليس من خلق الفتاة وانك هنا ليس لمجرد التعليم فقط بل توجيه وارشاد الى الاخلاق الفاضله
وحاولي قدر المستطاع اخفاء ارتباككي حتى لايستغلنه ضدك
وفي البدايه احرصي على شيئين..
عدم العصبيه
عدم الضحك امام الطالبات
=========
اختي ترى حالة الاحباط التي تعانين منها طبيعيه ستاخذ وقتها وتزووووووووول
متاسفين على الاطاله
بس نسولف
والله يوفقكي
التوقيع
حسبنا الله سيؤتينا الله من فضله انا الى ربنا راغبون
والله يبارك فيك ..... ومشكووور ......
** وأخيراً عرفت ويني غاطسه..
وبالنسبه لإحتكاكي في المديره
فصراحه ماأحتك فيها أبداً ...
لإني كرهتها من كل قلبي .....
مع إني ماأعرف أكره ......
بس هالمديره ...... أعوذ يالله..
بس هي السبب ... الله يهديها ......
وبالنسبه للوصايا .....
فالله يعطيك ألف عافيه ......
وأحاول أتقيد بها إن شاء الله
أما مسئلة إني ماأطلع عصبيتي
فهذي للأسف مارح تصير .....
لأني أعصب بسررعه وكم مرره
عصبت عليهم ..........
وبالنسبه للضحك ...... فماأضحك
كلش ...... بس أوزع هالإبتسامات.....
****
*** مررراحب بالبكيراوي ***
** والله لك تشرطات تفك الراس **
** يعني لازم أخلي سطر بين كل سطر **
** أبشر المررره الجايه بخلي سطرين **
** وأبشر بخلي كلامي مختصر معهم **
** وشاكررررررره لك هالطله **
****
** هلا وغلا بالحبيبه روز **
الله يبارك فيك إن شاء الله وعقبال
ماتصيرين ......... موجهه مرره وحده ......
وأبشري تبيني أهزأها بس (أبشري والله ) ..
أما المديره (ماعاد نيب أجيها ولا أقربها خير شر ) .......
وتقفين ياأختي إدعي لي بالنقل ...... أنا هالحين أبي النقل ......
وخلق الله لا قلت لهم أبي النقل قعدوا يضحكون علي
(يقولون ترسمي بالأول ثم قولي أبي النقل) ..
لأن عقدي بينتهي في شهر أربعه ... وأربهم مايجددونه ......
كانهم ماأنقلوني .......
(يقولون معكي فيتامين (و) نقلناك ورسمناكي بعد)
اختي فتاة الشرقيه مسأ الخير
الف مبروك على التعيين.
واتمنى لك حياة عملية سعيدة............آمين
وارجوك ان لاتكرهي احد وعاملي الناس بأخلاقك انت وليس بأخلاقهم !!
وارجوك لاتجعلي اذنك حساسة ولاقطة لأي كلمة تقال او ترمى بل طنشي !!
ومن الذكأ ان يدعي الانسان الغبأ احياناً !!
اخوك القهوه
هلا وغلا باختي فتاة الشرقية ,,,الف مبروك مره ثانية على الوظيفة وربي يعينك على مهمتك الصعبة ,,
بيني وبين ما كان المفروض انك تحطين عقلك بعقل البنات و تحاسبينهم على اي كلمه يقولوها المفروض اول حصة لك خليتها جلسة بينك وبينهم علشان تتعودين عليهم وتفرضين شخصيتك عليهم بس بدون عصبيه وهواش صدقيني نظره وحده حازمه منك للبنت المخطئه راح تخليها تحترم نفسها المره الجايه ,,
وقلت فلانه الدوسري)
ايووووووه كذا
مبرووووووووووووووك تستاااهلين
العرض المتطور
