يوم ضاقت .. قلت وينك يالفرج..؟؟

[ام حمد وماجد]

يوم ضاقت ..
قلت وينك يالفرج...؟
قال: جيت.. وشفت حولك ألف صاحب..


وخفت اسبب لك احراج ..!



ارتكيت ...
بس وين اللى يشيـل الحمل.. وينه؟
وين ذاك اللي ذخرته للظما قطرات.. وينه؟
وين ابو الفزعات عني..ماقدرت القاه وينه؟

من لمحني فوق كف الموج .. فض
كسر الواح الرجا بيني وبينه!! .
.
حز نفسي.. غص في حلقي .. ورض
كل ضلع لي معاه .. وغض عينه!!


يحسب اني مت هم..
ولادرى اني حي لكن..
مت من خنقة يدينه!!



يالفرج..
صاحبي ماشفت زوله..
من فقدته فيوم شده..


بس لو جاني على قلعةعيوني..
حالف اني ماارده..
والمودهي الفرج .. هي الموده..


صاحبي ..
مالي بصده..


ولو نصاني والنواصي عشب قبري..
والله اني غصب لاحيا .. ثم اعينه!!



.


.


.






ارتكيت..





وطحت..





والجلمود .. ناخ.




اه ياكذب الليالي البيض..
اه ياظلم الســـــــــــباخ..






من مشاها ولا وراه زنود تبري الكبد
.. داااخ.




ياكثرماخيبت .. ظن اللبيب..
ويا كثر ماغيبت .. وجه قريب..





ويا كثرماشاف منها...صافي النيه ..
وشاخ.


.
.
ارتكيت..


واثر ظلي مايمون..
واثرني كومة طعون..
من غلاة اصحابها..
ماقدرت اقول : اآآاخ.






لي مبادي..
وصاحبي .. لو جار منه الجور .. عادي
وصاحبي..لو هو قتل ذكراي .. عادي
وصاحبي .. لو بخل برضاي .. عادي

وصاحبي..
يبقى العزيزالناصع الى له ودادي



ودام اناستره وثوبه ..
صاحبي .. ماقول : عنه أبداً،وتوبه..


ياهلا به..
وبعيوبه..
وبذنوبه..
ياهلا.


ان وصلني .. ياهلا.
وانقطعني .. ياهلا.
صاحبي والافلا.
والغلانعمة كريم..
وساقها لكلالملا.



يالفرج ..حاول تحب.


دام لاهل الارض رب.

ولو تشوف.. اصحاب واجدحول قلبي..

لا تعاند.




الســواعد من سراب!

والحصــــايدمن يباب!
والشـــعر .. كذاب!

خل فتال الشوارب .. عن يمينك..
ولا تخاف من الحرج.. لو قيل وينك؟
كلهم مثلي تراهم .. باالنهايه..

طالبينك .. طالبينك

طالبينك ..
يالفرج!!






ويوم ضاقت..




قلت وينك يالفرج؟




قال : جيت..




وشفت حولك الف صاحب..





وخفت اسبب لك حرج