آآآه ياحرامية

[نغنيغو]

لو ناديت ولدي الصغير وسألته اش هذا ياواد ؟ بدون مقدمات راح يخرشها ويقول كورة لكن لو جبت واحد عاقل أو فيه ذرة من العقل وسألته من سابع المستحيلات مايقول هذه الكرة الأرضية وتظهر عليها المملكة العربية السعودية مهبط الوحي ومنبع الفتوحات الاسلامية وفوق كذا فيها مكة قبلة المسلمين لكن لو سألته لماذا خلق الله هذا الكوكب وخلق الانس والجن والحيوان والنبات والحشرات والسماوات والجبال ونغنيغو... الخ من سابع المستحيلات مايتفلسف ويجلس يتكلم كأنه مؤرخ وهذا بالزبط ما سيفعله هنا نغنيغو بمشاركتكم طبعاً.

كل يوم وأنا ماشي العمل يلفت نظري كم هائل من المفارقات ..سيارة جديدة راكبها واحد وجه عمره ماشاف الكدر (ولد عم الهم ) وفوق كذا سيارته تحمل لوحة مميزة ( أأأ 1 ) وهذ اللوحة لو أحد باعها ح يجلس طول عمره ياكل من خير ثمنها وبعدها بكم متر سيارة كحيانه ( نص عمر ) يا الله تمشي وكلها بزران رايحين المدارس ووالدهم كل اشويه يشوت واحد بيده ويرده ورى لأن بنته الكبيرة تدرس في الجامعة وباني عليها كل آماله وطموحاته ويبغ يوفرلها كل سبل الراحة وعلى يسار السيارة دباب بطة راكبه حارس امن سعودي وقدامها بسكليت يسوقها هندي اقامته منتهية وكفيله يبغ 2000 ريال علشان يجددها له وهناك بطرف الشارع جندي بدون شريط واقف يلعب في خشمه وواحد ثاني بشريطين جالس في دورية يفترس سندوتش طعمية والمصيبة فيه حادث تصادم بين سيارة أجرة وونيت غمارتين لكن الحمد الله الموضوع عدى على خير لأن سائق الاجرة دفع 300 ريال لصاحب الونيت وبالتراضي كل واحد راح في حاله والشيء اللي انت ماتدري عنو عن صاحب الاجرة عنده موعد ضروري الساعة 7:30 لازم يكون واقف قدام فيلا ابو ياسر لأن ام ياسر ماتحب احد يتأخر عليها وفوق كذا وراها دوام في الجامعة طبعاً بعد ماتودي عيالها مدرسة خاصة مع إن أبوياسر دائماً يصارخ عليها يبغاها اتسجل لعيال في مدرسة حكومية حالهم حال عيال جاره لقمان السوداني اللي يشتغل ميكانيكي سيارات في مجمع الورش طبعاً لقمان هذا انسان راضي كل الرضى لأن كفيله مدلعه على الآخر زيه زي القطة اللي عندو واللي كل يوم يأكلها لحم تونة بس مو ملاقي لها ذكر مع ان كل قطط الحارة بتغار منها لأنها عايشه متشردة ويا الله اتلاقي تاكل ونفسها اتعيش حياة البرزخ اللي عايشتها قطة كفيل لقمان .............الخ من مشاهدات الحياة اليومية.

هذا الكم الهائل من المفارقات واللي حاصل على كوكبنا يخلينا نتأكد ونؤمن ونتيقن ان كل المخلوقات اللي خلقها رب العزة والجلال مكتوب رزقها ومرسوم لها طريق بتسير فيه وبنفس الوقت هي مخيرة بين الابيض وبين الاسود مع ان النفس أمارة بالسوء لكن هذا الشيء بيغفل عنه الحراميه اللي ماكلينها ولعه زي ابو عمارة رئيس نادي الاتحاد السابق ووكيل الامين للخدمات بأمانة جدة وصديقه المخلص رجل الاعمال منصور البلوي وغيرهم كثير.

جمال أبو عمارة وكيل الامين للخدمات بأمانة جدة جاته كتمة وارتفع عنده الضغط والسكر بعد ما كفشوه الحكومة في قضية سيول جدة وهو مخزن في بيته 86 مليون ريال هذا غير الحسابات الخارجية والداخلية والممتلكات على ارض الواقع من عقارات وقصور وفلل وشاليهات وسيارات وووووووووو اشياء لاتعد ولاتحصى كما تقول الاسطورة وهو راتبه الشهري لايتجاوز العشرين ألف ريال إن ضربتها الحمى والسؤال الذي وجه له كماتقول الاسطورة من أين لك هذا ؟!! وكانت الاجابة : تتتتتت تتتت تتتت .

لاتنسى بالله اتوقع المخطط

الحرامي الثاني البلوي ابو كرش كبيرة حكت الاسطورة أنه كان يزبط المخططات على أرض الواقع وأخونا في الله أبو عمارة يبصم بمساعدة مدير الرخص عمر الحميدان اللي كان ختمه 24 ساعة شغال والرصيد البنكي بيزيد ملايين وفوق كذا كان عضو شرفي بنادي الاتحاد <<< يراجل شكلو الاتحاد فيه إن وأخواتها

وبمباركة من المهندس / خالد عقيل وكيل الامين للتعمير والمشاريع اللي اتوقف على ذمة التحقيق بنفس القضية والدكتور احمد بانافع المشرف على مشاريع الكباري والانفاق بأمانة جدة سابقاً ومساعد وكيل الامين للتعمير والمشاريع لاحقاً
،
خالد عقيل احمد بانافع

للحديث بقية مع نغنيغو الحرامي <<< سارق يوزر

[الضمير مجاز]

القصة طويلة مرة بس من الصور عرفت ان الدعوة تتكلم عن شيء في نطلة

["غرك غلاك"]

الأخ / هلااااالـــــــي ؟!!!!!


كل أعضاء شرف الإتحاد كابهم قدامنا , حتى التعصب الرياضي زاحم الوطنية وجعلنا ندافع عن الهلال باسم الوطنية .

منصور البلوي قاعد على قلوبكم ,, وإن سرق فقد سرق شسع نعل كليب
أين كليب ونعله ؟!!!!!!!!!!

[نغنيغو]

اقتباس:  المشاركة الأصلية كتبت بواسطة الضمير مجاز     القصة طويلة مرة بس من الصور عرفت ان الدعوة تتكلم عن شيء في نطلة

آسفين يامعلم شحاته اخذنا من وقتك الكثير

[نغنيغو]

ياعيال هدو اللعب شويه وكل واحد يحافظ على مساره الصحيح الموضوع مو ناقص حوادث والله يستر من نظام ساهر ( المشرفين ) ماعلينا نعود لمحور حديثنا لو عرضنا الاوجه السابقة على خبير من البدو من اصحاب الفراسة والدهاء يمكن ماتاخذ معاه العملية دقايق هذا اذا ما بصملك بالعشرة انهم حراميه من العيار الثقيل .. ولاتحسِّب يازائر الموضوع عن الموضوع بهذ البساطة لأن كل حرامي وراه بشكة حرامية صغار صغار زي النمل بس عايشين على الفتافيت وهذ الفتافيت يمكن عقلك ماراح يتصورها لأنها بالملايين وسبحان الله تحس ان كل واحد منهم يداوم الصباح في الامانة ويرش قدام المكتب اشويه مويه وهو يقول يافتاح ياعليم يارزاق ياكريم ولا كأنه شغال في وظيفة حكومية ولاكأنه درس أو اتعلم انه يكون عنده اشويه اخلاق ومبادئ وقيم بعيد عن موضوع الرشوة واللعن ولحد الآن أنا ماني عارف كيف هذ العالم اتأكل اعيالها من مال حرام !! او يمكن فيه فتوى عندهم تجيز انهم ياكلو مال حرام لأنه فيه عالم ذممهم واسعة خاصة ان القضية فيها كتّاب عدل !!!! وعلى عينك ياتاجر كل واحد موكل محامي عفواً حرامي علشان يتحايل على القانون ويخرجو من الموضوع زي الشعرة من العجينة .. سؤال يطرح نفسه ليه الامام دائماً في خطبة الجمعة يدعو بصلاح البطانة لولي الامر ؟ هل لأنه على مر العصور البطانة دائماً فاسدة ؟! أو قصده اللي على راسه بطحة يحسس عليها ؟ .

ماعلينا خلونا في محور الحديث .. يقال أن سبب تسمية حضرموت يعود لعامر بن قحطان وهي في الاصل حضر موت لكثرة مايسفك من الدماء في المعركة لكن حضر موت في جدة غير لأن المسفوك فيها اكل الحرام وأكل أموال الناس بالباطل والسبب كلو من الحضارمة اصحاب المادة ... وللحديث بقية

[مقصود]

كلامك خطير وواقعي في نفس الوقت
لكن وش تقول في السائق الخاص الي مثبت المرايه على من خلفه مباشره
وهورايح للسوق وتقف بجنبه وتشاهد ابتسامته العريضه على وجهه الافطس
هو قد يكون كاذبا لا يدور بينه وبينها حديث فقط لاثارة الضغينه لمن حوله وتارة
يقوم آخر بتوصل الطلبات الطازجه الحارة للمنزلنا البارد ويقوم آخر باصلاح جهاز
الكمبيوتر فقيول يحتاج الى كذ وكذ ويستهبل ونحن لا بد لنا ان نسرع في احضار القطع
وقس على ذلك اذا تعطلت سيارتك والاتصالات ما قصرت تدبل الرسالة رسالتين قد يكون
حات الطائي قريبا لها .... الـــــــخ وهناك المزيد من القصص العجيبة وتسئل نفسك قد يكون قد كتب الله لهم الرزق في بلدنا أم هو عقوبة الترف والفسوق أم ماذا ؟؟؟؟؟

الا تعتقد اخي الكريم أن الحرامية اصبحت نسبتهم أكثر من العامية ؟؟
ولذك ننظر الى الحرامي على أن رجل محترف أو شاطر اصبح يوصف بهذه الاوصاف
يقولون هذا ذيب

فلماذ لا نصبح ذيابة
اكتفي بهذا القدر

[خوي الليل]

[align=center]ننتظر البقيه بالانتظار

غريبه الصبح في ردود وين راحو[/align]

[توتي]

هههههههههههههههههههههه

حبيبي وراكـ سآكت عن فلوس عبدالرحمن بن مسآعد وفيصل بن تركي و .. و .. و.. ..!!!

ترا كلهم زي بعض , مآبينهم فرق ..
يعني وقفت على الشيخ منصور مع اني اتوقع بل ومتاكد ان اسمه اُقحم معهم لاهواء غريبه

[نغنيغو]

اقتباس:  المشاركة الأصلية كتبت بواسطة مقصود     فلماذ لا نصبح ذيابة

من حقك تعيش زي ما اتحب الدنيا مليانه خير والمغفلين على قفى من يشيل بس يا اخي ماتحس انه من الصعب انك تأكل اعيالك حرام ! او اتلبسهم لبس حرام !

[مهند الجربوع]

وسع صدرك ذولا اغبى خلق الله ..مافكروا بيوم القيامه والوقوف بين يدي الملك الجبار.
شخصيا ماراح احللهم عن قرش واحد سرقوه ولا راح احلل اي شخص كان .
يقول تعالى (إنما يأكلون في بطونهم نارا)

[مقصود]

اقتباس:  المشاركة الأصلية كتبت بواسطة نغنيغو     من حقك تعيش زي ما اتحب الدنيا مليانه خير والمغفلين على قفى من يشيل بس يا اخي ماتحس انه من الصعب انك تأكل اعيالك حرام ! او اتلبسهم لبس حرام !

مجرد مزحة في القانون المصري
القانون لا يحمي المغفلين
وانا اقول يحميهم الله

لنا الله يا خالي من الشوق

تقبل تحياتي والله انا بصراحة تعجبني المواضيع الساخره
الهادفة طبعاً ؟؟؟

[التنين الصيني]

[align=center]ودي اعرف شي واحد ...... وش دخل الهلال بالموضوع ......؟؟؟

والله ياهو حارق قلوب ناس واجد .... ههههه اللهم لا شماته .....[/align]

[نغنيغو]

اقتباس:  المشاركة الأصلية كتبت بواسطة توتي     هههههههههههههههههههههه حبيبي وراكـ سآكت عن فلوس عبدالرحمن بن مسآعد وفيصل بن تركي و .. و .. و.. ..!!! ترا كلهم زي بعض , مآبينهم فرق ..

بيني وبينك أنا انسان ماشي على الشيء الظاهر قدام الناس والعالم اللي ذكرت اسمائهم فضحهم رب العزة والجلال من فوق سبع سماوات على لسان الخلق وسبحان الله ربك يستر مره مرتين ثلاثة مرات إلى ماشاء وإذا عبد الرحمن بن مساعد او فيصل بن تركي او غيرهم شغالين نصب واحتيال صدقني ربك ماراح يسترهم وفضيحتهم حتكون بجلاجل

[نغنيغو]

اقتباس:  المشاركة الأصلية كتبت بواسطة مهند الجربوع     وسع صدرك ذولا اغبى خلق الله ..مافكروا بيوم القيامه والوقوف بين يدي الملك الجبار.شخصيا ماراح احللهم عن قرش واحد سرقوه ولا راح احلل اي شخص كان .يقول تعالى (إنما يأكلون في بطونهم نارا)

لاتكون اطالب بحقك من بيت مال المسلمين ... اسسسسس خفض صوتك

[نغنيغو]

اقتباس:  المشاركة الأصلية كتبت بواسطة مقصود     مجرد مزحة في القانون المصري القانون لا يحمي المغفلين

المزحة هذ مزحة مزاجية ساعة تطبق ضد الغلابة وساعات تطبق ضد الهوامير وهذا بالفعل ماسمعناه لأن منصور البلوي كما يقال اشترى الارض من وكيل امير من الدرجة الاولى فقيل له ( أحد قالك تشتري ) ياعم مقصود الكل ياكل بعضه والغلبان اللي زي وزيك اذا ضاق فيهم الحال ارسلو برقية للملك