الصراحة مافي وقت أرتب فيه كلماتي ,,
أو انتقيها بشكل جيد ,,
ولافي وقت أحط مقدمات ,,
ولاأنمق سطور,,
.
.
تدرون ليش ؟
لأن الحرارة H المزاج zero زي مايقولون
أبتجه لصلب الموضوع وبلهجة عامية بحته و
ة
وش رآيكم يالمجلس وياصبايا بالتحديد باللي تجحد كل شي وباآخر شي تقول ايه والله أخاف من العين ....
وش عليه مدري !.
.
.
يعني زي وحده ناحفه سألته ماشاء الله عليك ناحفه تسوين رجيم
قالت لااانا تعباانه الاسبوع اللي راح انمرضت
يعني ليه تجحدين بعد على الرجيم منتن عليك اللي ارفع معنوياتك ,,
واللي فضحه اخته قالت انه تسوي رجيم صدق الكذب حبله قصير وخل الجحاده تنفعه ,,
لا وكلش ولا اللي تجحد ( حمله )..
يعني تجحدين أول الشهور وبعدين تطلع كرشتك وبندري غباااااااااااء
وليه تجحد عشااان العين .. ياشين هالتفكير بعد
ماتنفع الجحاده بس ودي ادري وش فايدة جحادة الحمل
والأدهى والأمر اللي ماتعلم بولادة بنته إلا بعد ماتولد بيومين أو ثلاثه تنحت بسم الله عليه تقل ماولد بها العالم غيره ....
صدق تخلف .... ياطعم أمي بس
هذا غير اللي تقطع بزوجه الليل والنهار مايدوينا. .مايجيبنا ..مايشريلنا ... بخيل ..ومن هالهرج ...... وهي عنده يادهنه لاتنكتين
اكرره مااشوف الجحااده عسى مااشر اناا ودي أجحد على اللي تجحد بس مااعرف...فيه دورات لهذا الفن العظيم ؟
والحين أبسألكن صبايا ..
وسوألي ..
ليييه الجحادة لا تقولون عشان العين لا غير هالعذر اللي جابلي القولوووون ؟
وعندكم مثل هالأشكال البالية منتشرة هنا وهناك بين الأقارب والأصدقاء وفي العمل ؟
وانتم يالرجال .. يقولون هالوباء بدأ يتسلل لكم .. صحيح ؟
العرض الشجري