شبــــاب آخــــر نعومه وطـــراوه ( لله يرحم ايام أبو شطوب)

[أبو الريش]

بسم الله الرحمن الرحيـــم

السلام عليكم ورحمة الله وبركـــات

أبو الريش

بعض أو نصف شبــابنــا

عايش حياته بنعومه فائقه فالماضي لاجيت تسلم على الشاب يلم كل يدك هالحين يسلم

عليك بطرف اصابعه , كنا نشوف شطوب الرجلين علامه ميزه ورجوليه وماركه

مسجله بأقدام شبابنــا هالحين مكان الشطوب أنعم من خد ((نجلاء فتحي)) الله يذكرهها بالخيــر , كنـت أو كنـا بالحلاق مانعترف الا بالمعجون والفرشه والموس

هالحين أنواع المرطبات والمبيضات ويكرف وجهه الحلاق ساعه كامله وكأنه عروسه

تتزف ليلة زفافها ,تنظف بس مهوب مثل تنظيف الحريم يعني عيب تحلق شعـــر

جسمك كله أكتفي بما هو مفروض عليك , وإذا منتب ملتحي شل دقنك, كنت أسمع

سوالف رجال تزين المجلس هالحين رجال بلاعقول مادري وش تقول لاجت تسولف او

تسولف بشئ لامعنى له ولاهدف أو تدعي وكل واحد يدعي على الثاني ويفرد

عضلاته, أذكر لاسلمت على أي شاب أعرفه يده شهباء ضاربته الشمس , الحين تسلم

عليهم كأنك تسلم على بنت عمرها 17 ,, شبــابنا هالحين مشغول بتقويم الأسنــان

وربطة الشعـــر والجل وكريم الأسـاس والعطورات النسأأئيه, وتحليق الشنب (( وربي تحليقة الشنب ماتقبل الا للخواجات)) وتطويل أظافر وتقليمهن بالحلاق ,

شبــاب عجاز ماعنده أستعداد حتى ينزل للبقاله يأخذ حاجته , همه الوحيد كيف يريح

نفسه ويكتشف آخــر الموضات((وهو يلبس بس ثوب وأن تطور لبس برنيطه

ولاجنز. يعني تتابع الموضه ليش!)) شبـاب تعبان أن لم يكن مريض مخفه ينضحك

عليه وهو بكامل قواه العقليه, قليل تلقى الفـــاهم الذهين اللي يدرك وش حوله ,

هذي هـــي الشيـــاكه التي فقدها العقلاء وأستغلوهــا المغفلين وفقدت قواعدهــا!!!


كيف لي أني بعيش يومي أنا وغيري أفتخر بصحبة مثل هاالأشكــال اللي تفشل صحبته والجلسه معهم

الله يعين الحريم اللي عندهن طموح بالشـــاب مثل الشــاب الماضي , أستعدي لتخشينه !!!

[وكيع]

[align=center]ياخوك احمد ربك انك منتب بالرياض قسم اني امر من التحليه واشوف الهواااايل واحمد ربي على نعمه العقل

ولااذا جيت بعزيمه شباب الي ماياكل لحم والي يبي من ماك والي يبي من كنتاكي يقول انا مأحب اللحم

انا اخبر بس اختي ام نايف هي الي ماتحب اللحم..!!!

الغرب استطاعت بكل جداره ان تستهوي عقول الشباب [/align]

[عـــــســـــولــي]

نفهم منك إنك كلك شطوب ويابس وايديك ورجليك لعبن بهن (المشق) وسنونك متنثره بإثمك كل سن بجهه وشوشتك طايره و(المفك) بمخباتك والشماغ على كتفك .
شف ياخلفهم . انت تتكلم عن نوعية معينه من الشباب اللي هم (الخكاريا) وهذولا قاضين منهم .
لكن غالبية الشباب جنتل مان حتى لو هو ناعم تلقاه رجل ....شف الأمراء وشف إيديهم وبشرتهم ونعومتهم..تقول فيهم شيء؟؟ أو جيد تستعرض عضلاتك على هالضعوف.

[رواسي]

النظآفهـ يآأستآذي والإهتمآم بنعومة الجلد وتنظيفهـ والشعر شيء أسآسي

فآالنظآفة وحسن المظهر حث عليهآ ديننآ

لكن البعض يمسح جلده بكريمآت ويمسح معهآ أخلآقيآت الإسلآم وعلآمآت الرجولهـ

شبآب يجيبون المرض نآآآدر تلآقي رجل جميعهم ذكور بلآ مرجلهـ < أقصد الذكور بشكل عآم وليس من تقصدهم هنآ فقط
لأن البعض تنخدع بمظهر رجولتهـ والبعض تنخدع بمظهر تدينهـ لكن بآالحقيقهـ لآيحملن من معنى الرجولهـ ذرهـً

[صرقعة جيل]

للاسف.........................
ضاع الشباب قسم انهم الحين 80%شباب فاشل عاطل
ناعم خكري.....
يبيله مره يتسند عليها..الحين اللي اشوفه والظاهر
انه الحريم ترجلت وسلم من قال

وما عجبي بان النساء ترجلت
ولاكن تانيث الرجال عجيبُ

اصبح الشباب اكثرهم خكر يعني الفتاة تقعد ببيت اهله احسن من انه
تاخذ منة هالاشكال...يرحم ام الفشيله

[هنري]

مرحباً,,

سوف أتناول موضوعك على جزئين.

جزء سوف أرفضه وهو الحديث عن الحريات الشخصية وجزء سوف أتفق معك في بعضه.

...................

حينما تحدثت عن النظافة والإهتمام بالشكل والرائحة من أخمص القدمين إلى قمة الرأس.. وأنكرتها بحجة أنها منافية لطابع الرجل الذي يجب أن يكون رجلاً حجرياً!!
تعدلت بعض المفاهيم الآن وليست تلك الحلة السابقة سائدة فالدنيا تتطور ولها متطلبات وإحتياجات!!

عجيبٌ أن نطالب بمثل ذلك.

وحتى إن كنت تتحدث عن الإسراف بالإهتمام بالنفس مثلاً(وأنا لايعجبني هذا وأتفق معك) ولكنني لاأتفق معك في الهجوم .. لإنها حرية شخصية ..يفعلها المرء ليحدث لنفسه توازنا روحياً وجسدياً ...فلماذا يرهق نفسه لإرضاء مقاييس الرجولة عند شخص آخر.

.................

أما من ناحية الكلام والحديث .... فالعقول تتفاوت وأتفق معك في أن نسبه كبيرة من الشباب يضعون أموراً هامشية وتصنفها على أنها أساسية... وينسون أن لكل مقام مقال .... ولاأنكر أن هناك إبتعاداً كبيراً عن القراءة والثقافة وهو مؤشر خطير.

................

الأمر الآخر هو التمر على بعض العادات والتقاليد... فمثلاً, إشتراط أطعمه مخصصة مع تعذر ذلك وعدم إحترام المقام , وتقدير المجلس والمتحدثين سواء في الملبس المشرب وغيرها

ولكني أضاد رأيط حول أن يكون هناك تحديد لخصوصيتهم وتقييدهم ... فالحياة العصرية والتطور والتغير يحتاج لمواكبة وسير معه ونحتاج نحن أيضاً للسير معها...

فالحرية الشخصية هي الأصل مع وجود قيود طفيفة يجب إحترمها وتقديرها لإنها أساس ورث فروعاً

شكراً جزيلاً,

[فديكا التميمي]

الاهتمااام مطلوب لكن لازاد الشي عن حده انقلب ضده
والله انه تحوم تسبدي لاشفت هالنوعيه وافكر من بيطيح بتسبده الله يعين مرته عليه..

[أبو الريش]

اقتباس:  المشاركة الأصلية كتبت بواسطة فارس 666     [align=center]ياخوك احمد ربك انك منتب بالرياض قسم اني امر من التحليه واشوف الهواااايل واحمد ربي على نعمه العقل ولااذا جيت بعزيمه شباب الي ماياكل لحم والي يبي من ماك والي يبي من كنتاكي يقول انا مأحب اللحم انا اخبر بس اختي ام نايف هي الي ماتحب اللحم..!!! الغرب استطاعت بكل جداره ان تستهوي عقول الشباب [/align]

وأنا ابعد اخبر اختي الصغيره تلبس نعال لقيتهن الحين يلبسونهن الشباب

صار الشين يقلد الزين والزين طلع شين

كل مازادت الايام زاد عليك مواقف غريبه بحياتك واجناس تشبه الوحوش

[أبو الريش]

اقتباس:  المشاركة الأصلية كتبت بواسطة عـــــســـــولــي     نفهم منك إنك كلك شطوب ويابس وايديك ورجليك لعبن بهن (المشق) وسنونك متنثره بإثمك كل سن بجهه وشوشتك طايره و(المفك) بمخباتك والشماغ على كتفك . شف ياخلفهم . انت تتكلم عن نوعية معينه من الشباب اللي هم (الخكاريا) وهذولا قاضين منهم . لكن غالبية الشباب جنتل مان حتى لو هو ناعم تلقاه رجل ....شف الأمراء وشف إيديهم وبشرتهم ونعومتهم..تقول فيهم شيء؟؟ أو جيد تستعرض عضلاتك على هالضعوف.

عسولي

بالضبط كل اللي ذكرت موجوده فيني

لكن النظافه تختلف مهوب تتنظف مثل المرأه تشيل شعر جسمك كله ولا تدعك بشرتك ووتتمكيج هذا قصدي

بعدين اي مفك لا افك التقويم الا بسنونك

يعني واحد اسنانه سليمه ليش يحط تقويم

العب بالاستراحه تراك واحشهم ههه

[أبو الريش]

اقتباس:  المشاركة الأصلية كتبت بواسطة فتاة نادرة     النظآفهـ يآأستآذي والإهتمآم بنعومة الجلد وتنظيفهـ والشعر شيء أسآسي فآالنظآفة وحسن المظهر حث عليهآ ديننآ لكن البعض يمسح جلده بكريمآت ويمسح معهآ أخلآقيآت الإسلآم وعلآمآت الرجولهـ شبآب يجيبون المرض نآآآدر تلآقي رجل جميعهم ذكور بلآ مرجلهـ < أقصد الذكور بشكل عآم وليس من تقصدهم هنآ فقط لأن البعض تنخدع بمظهر رجولتهـ والبعض تنخدع بمظهر تدينهـ لكن بآالحقيقهـ لآيحملن من معنى الرجولهـ ذرهـً

هذا اللي قلت انا

اقتباس: تنظف بس مو مثل تنظيف الحريم

بعض الرجا ل ودك تسلم عليه ولا تتعرف عليه

اقتباس: شبآب يجيبون المرض نآآآدر تلآقي رجل جميعهم ذكور بلآ مرجلهـ

اذا ماتزوجتي اختاري رجل كفووو ولا تبي تتعذبين ورى مثل هالنوعيه

[قهوجي عوانس]

[align=center]الرجوله بالأخلاق والأدب

أختفت الأخلاق وأستنعمت الشباب الا من رحم ربي

فالاهم أصبح لايجد مكان في داخلهم[/align]

[اللص الصامت]

[align=center]اذا اجتعمت كل الصفات الي تقول مع مرجله [/align][align=center]
قسم يسوى عندنا الف عن رجال اول
وع وش نبي باابو شطوب والي ضاربته الشمس[/align]

[مشاكسة]

أبو الريش ضربت على وتر حساااااس

وهذا الي كثر العنوسة

موب معقوله البنات ما يطق بابهم لكن والله بيت والدها أخير لها من مقابلة هذا الذكر السقيم
الله لا يبلانا ويهديهم - مير كل ما يكبرون ينهبلون زووود


الله لا تحافينا

[أسيل محمد]

استعد لتخشينه ..................< فيس طايرتن بوهته

الاهتمام بالمظهر والنظافة امر جيد لكن لا افراط ولا تفريط ..


ما نشاهده الآن تقليد اعمى ومسخ للهوية العربية الاسلامية كتسقيط البنطال ولبس السلسة على الرقبة واساور اليد والتيشيرتات الضيقة .. والكدش
.
.
.
.
.
تحيتي

[لعيون دودي]

(ان الله جميلا يحب الجمال)
و عن عمران بن حصين -رضي الله عنه- أن النبي -صلى الله عليه وسلم- قال: إن الله يحب إذا أنعم على عبده نعمة أن يرى أثر نعمته رواه البيهقي..
اخي الفاضل/ جميل ان يكون الانسان بهندام انيق وجسد نظيف ورائحه عطره ولبس متجدد فكل ذلك من شأنه ان يمنح الانسان نفسيه جميله تساعده للمضي منطلق في ظل ضغوط الحياه المتكرره.. لكن ان يصل الحد في بعض الشباب الى تجاوزات قد لا تضيف على شكله الا ان يقول من يراه( الحمد لله الذي عافانا مما ابتلاه) فذلك هو الحزن على حاله..
فالمتطلع الى الشارع الشبابي الان يرى عجب العجاب بدايه
بالشعر المنسدل على الكتف( مقتدي بالرسول والصحابه) وش فيكم انتم!!!! يكرم الرسول وصحابته من اشكالهم ..
ناهيك عن اللباس.. البنات مالبسو هاللبس !!
جميل ان تكون انيق وليس الزامي بان تلبس( الثوب والشماغ) وان ظل هو الارقى لكن لا نضيق عليك بقدر مانقول اختر مايناسبك ولا تختار وفق الموضه وماقصدته ببعض اللبس والذي بات الر جل به كالمرأه( السكني, اللو وست.) وغيرها من انواع البنطلونات الفاضحه قبل الساتره ناهيك عن الوان التيشيرتات امن المعقول ان يلبس شاب وقور (بشنب )تيشيرت فوشي والا وردي ماذا بقي للفتيات ؟؟
جميل ان يهتم الشاب بنظافه ( الايدي والارجل ) لكن بحدود بان لا تكون شغله الشاغل !! ويخاف اظافره تتكسر !!
جميل ان يكون اهتمامك بثقافتك بقدر اهتمامك بمظهرك فكلاهما مكمل لشخصك..
تظل احرفي وجهة نظر ولكم وجهات نظر احترامها
للجميع كل الود