.
.
آلسّلآم عليكم ورحَمة الله وَ بركآته ~
مسَآؤكُم ؛ صَبآحكِم ~ " معطَر بِذكر آلله "
آليُوم وَ أنَآ أتصَفح مِنتديآت ؛ لِفت إنتبِآهيْ مَوضوعْ ، بجِد لمّآ فتَحتَه خنقتنِي آلعبَرة *
إلى مَتى وتَفكِير آلمجتِمع سطحِي ؟
إلى مَتى وتَفكِير آلمجتَمع عَلى آلمظآهِر ؟
إلى مَتى وتفكِير آلمجتَمع أسمحُوآ لِي أقول [ متَخلفْ ] ؟!
أتركْ لِكم آلإقتبَآس أحيآناً يكُون أبلغ مِن آلكَلآم ::
و هذي بعض الرّدُود :
*
( البس عبائه راسي وقفازين صناعه فرنسي شراب اسود ماركه اطاليه
امزح ...اصلا عباية الراس لو لبستها معرف امشي
البس يالغاليه عبايه على الكتف واطق اللثمه ...لبس محترم ويازينه )
ههه أجل ماتعرفين تمشين ! الكتف و الرأس من تحت نفس بعض , صدزّ تلعبون على عمَاركم
و مُحترم بعد .. أرحَمتس صراحَةً " وزيّن لهُمُ الشّيطانُ أعمالهُم "
*
( شوفي اصلا حتى المطوعات الحين صاروا يلبسون عباية الكتف خلاص
حتى بنات بريدة يلبسون عباية كتف )
هَالحِين أنتِ مع الخيل يا شقراء ؟
يعني كلّ الحجج صارت على "المطوعات" , طيّب وحدة مطوّعة و تمشي مفصّخَة
خن نسوّي مثلها ماشاء الله عليها مطوّعة
*
( انا ألبس عبايه كتف بعدين البس فوقها عباية راس للستر يا اختاه
أما تعلمين ان العباءة المزخرفة تحتاج لعباءة اخرى تسترها )
ماأدري ذي تطنّز والا صادزّة..!
*
( أنا لما ينزلني أخوي في السوق أشيل عباية الراس و أطلع عباية الكتف و أتمشى فيها )
لأن آلمرَآقبة آلذّآتِية عنِدك بِآلحضيضْ وَ آلله آلمستعآنْ
*
( يجيك عنوان موضوع تعالو شوفو اخر موديلات العبايات الكتف وعند ماتدخلين الموضوع
تلقين ادعيه وفتاوي لتحريمه واستبدلي هذه العبايه بالعبايه الاسلاميه وتؤجري )
و بعَد كلّ هالفتاوى و النصائح .. ما اقتنعتِ ؟
والا خُتم على قلبتس و امتلأ بالرّان !
*
( على فكره بتكلم كشخصيه ليبراليه اوك
يؤؤؤ ياقدمكم لسى في ناس تلبس عبايه رأس ونقاب انا البس حجاب وبنطلون حتى عبايه مااعترف فيها
لان عائلتنا مررره فري )
ليبراليّة -الله يفتح على قلبتس و يُريتس الحقّ حقّ- !
شفتي كم نحنُ قديمين يا جديدة
سبحان الله .. طيّب جرّبتي تقرئين كتاب الله و تتأملين في آيات الحجاب ؟
أو مابعد جت الفكرة براستس ؟
*
( ...اللثمة بالشيلة احلى بكتيييييييير من هالنقاب خاصة لما تكون البنت حلوة
امس في ******
شفت بنات لابسين عباية راس واسعة ونقاب ياذوب تطلع عيونهم
بصراحة لاحد يزعل مني
اشعربالاشمئزاز واحسة منظر غير حضاري اني اشوف انثى بهذا الشكل...اقاعد اناظر فيها وافكر في شكلها بهذة الطريقة
راح تقولون لي هذة حرية رأي ومبادىء
وانا اقول المرأة الي تسمح ان يكون شكلها كذا وتخرب الذوق العام هذة موبحرية هذا شيى مهين
اتمنى من قلبي ان يكون شكل البنت السعودية افضل من كذا
ويتحررن من هالنقاب والعباية مرة وحدة )
حبيبتي .. أنتِ ليه تلبسين العباية ؟
عشان تسترين مفاتنتس ؟ والا تظهرينها !
هه تخرّب الذوق العام !
طب بكيفها خليها تخربه حرية شخصية
مساكين صدق .. راجعي نفستس و راجعي حساباتتس
*
( بصراحة انا عن نفسي اقسم بالله اشعر بالخوف لما اشوف امرأة ضخمة وطويلة مثلا
وهي لابسة عباة راس ونقاب واااااااااااو احسها مثل الجنية )
جنيّة أنتِ
فعلا .. بدأ الإسلام غريبا و سيعود غريبا كما بدأ !
*
( انا ماعندي مشكله اني اتنقب .. بس ليش عشان اخوياك تفرض علي عباية الراس .؟
ليش هي مقياس العفه طيب .؟؟!!!!!!! )
إذا ما مقياس العفّة عندتس ؟
أفيدينا أفادكِ الله
إذا بتقولين صلاح القلب أهم شيء ؛ طيب من صلاح القلب انتس تستجيبين لأوامر الله جلّ و علا !
توافقينّي ؟
*
( حنا في حائل ياويل اللي تلبس لثام قبل خمس سنوات كلهم يتكلمون فيها..
هاللحين صارت الموضه لثام الاسواق امتلت منهم...... )
اللهمّ يا مقلّب القلوب و الأبصار ؛ ثبّت قلوبنا على دينك *
( اختي كانت تلبس النقاب لكن اقنعتها انه غلط وما هو من الدين بشي واقتنعت،
باقي امي بس ما اقدر اجبرها على شي نوارة البيت . )
<-- طبعًا اللي يتكلّم رجل , لكنّه أبعد مايكون عن الرّجوله !
لا ماشاءَ الله بارّ بالوالدة مايقدر يجبرها
الله المستعاااان .. المُنعدمه فيه الغيرة!!!
ياربّ لا تكثّرهم !
جت وحده ردّت عليه /
( ياليتني اختك
انا اخوي يجبرني البس نقاب )
يا حظّتس باخوتس أجل
,
،
،
<~ هِذي آلردود نِقطة مِن بحَر ؛ ولا تِستغربُون لمّآ أقولكم آلموضوع وِصل لِـ 9 صَفحآت والكِل مؤيد بَعد
,
سبحان الله ..
تأملًّوا .. هالحِين كل السّوالف و الصجّة عن النقاب ..
أجل لو نجيب طاري "الغطوة" وش بيقولون ؟
تتوقّعون يموتون من الهَبله ؟ يالله يا رب
,
أقول ؛ على بناتنا السّلااااااام !
فعلا و الله أبدًا أبدًا ما توقّعت هالكلام يصدُر من فتيات كانوا أجدادهُم قمّة العفّة و الغيرة !
و مُمكن الفتاة نفسها سابقًا كانت ملتزمة بأوامر الله , و فجأة يتبدّل دينها !
,
و صدق في هذا الزّمان .. القابض على دينه كالقابض على الجَمر
يواجه الانتقادات من طائفة .. و محاولات التغيير من طائفة ..
الله المستعان ,
ربِّنآ لا تؤاخذنا بما فَعَل السُّفهاءُ منّا ..
و ثبّتنا على الحقّ حتّى نلقاكَ و أنتَ راضٍ عنّا
آرآئكم ربي يخليكم..
{ربِّنآ لا تؤاخذنا بما فَعَل السُّفهاءُ منّا ..}
العرض العادي
