*** جـاك مـولـود .. مـا حـمـلـتــي ***

[عادل الحبيتر]

السلام عليكم
هذا موضوع حبيت أطرحه هنا .. ولاحظت أن كثير الناس يهمهم الموضوع هذا وكثير منهم يعانون من هذا الشئ ...!

**********************


اللحين فيه شئ يعانوا منه أكثر المتزوجين والمتزوجات .. وهو كثير من الناس عندما يتزوج وتتزوج .. بعد الزواج بفترة بسيطه .. تبدأ محاصرتهم بالسؤال هذا ..

عندما يذهب الزوج لأصدقائه أو لأقربائه .. أول سؤال يسألونه يقولون له : بشر يافلان ماجاك مولود .....! ( مع أنه الزوج تلاقونه توه متزوج .. ) ...!

ومن ناحية الزوجة .. عندما تذهب لأحدى صديقاتها .. أو لقريباتها .. تبدأون يحاصرونه بالأسئلة .. أول ما يسألونها يقولوا : بشري يافلانه ما ( حملتي ) ..!

والغريب من بعض الناس .. أنه لو الزوج والزوجة أتفقوا أنهم يأخروا ولادتهم الى بعد سنتين أو ثلاث ... ما راح يتركوهم الناس .. وأول ما تتضرر من أسألت الناس هي الزوجة .. أذا تأخرت وما حملت .. عالطول الناس يقولون لها ليش يافلانه ما حملتي وليش وليش ..!

طبعا أنا أحكي عن واقع يعيشه أغلب الناس ...!

س\ فهل هذا شئ سلبي يعيشه بعض الناس بكثرة أسألتهم .. أو شئ طبيعي تعودوا عليه ...؟


أنا عن نفسي أعتبره عيب وشئ سلبي ببعض الناس اللي يسألون نفس الاسئلة هذي . وحتى الغريبه الواحد أذا ماتزوج يقولون له ليه ماتزوجت . والبنت أذا ماتزوجت يحاصرونها . بالسؤال . ويقولون ليه الى اللحين ماتزوجت .. ثم أذا تزوجوا وأرتاحوا .. راح يجيهم سؤال ثاني .. وهو ما جاك ولد أو ليه ما حملتي الى اللحين ...!


انتظر أرائكم ...!




عادل

[أسيل محمد]

والله لقافه
ياحياتي يالبنيات الوحده قبل تولده ماه يبلشون بأمه جابت بنت وإلا ولد ولا اولدت الأم البنت قالوا وش بتسمونه احد بيسميهع على الجده وامه
بعدين قبل الزواج
إذا تزوجت بسرعه قالوا وييييييييييييه البنت توه صغيره على الزواج اكيد البنت فيها بلى عليهم وإلا وش يحدهم يززوجونه وهي صغيره
وإذا تأخرت ماتزوجت قالوا ليش اكيد به بلى وإلا ماتقعد إلى هالحين ماتزوجت وإلى حاطتن عينه على احد
وإن تزوجت بالعمر المناسب قالوا واسبديه من يقالهم اللي خاطبينه .. ان صارت عايلتهم غريبه بدوا يحرحرون بالعوايل وينشدون وإن صارت من نفس العايله قالوا وش تبون بالأقارب الأقارب عقارب
ولما تتزوج واحدن كبير وإلا معرس وإلا من برى الديره قالوا اكيد ان المعرس لافزن عليهم وطمعانين فيه وإلا من بيجدع بنته بقصى الدنيا ................< ولو هي بالبرياض وإلا الشرقيه قالوا بقصا الدنيا ..
وان اخذت واحد له محل قالوا وشوله تزوجون بنتكم واحد يبيع بهالمحلات ويحط عينه على كل وحده تشتري
وإن اخذت عسكري قالوا وشوله تزوجونه عسكري آخذين فكره عن العساكر انهم جلوف ..
ولا تزوجت هي مستانسه وإلا لا .. ومن هالتفتيش اللي ماله داعي
ان حملت بسرعه قالوا ياحوووووووول ممديه على الشقا وإن تأخرت قالوا اكيد عندها شيء وتعالج وان وان حملت قالوا متى تولد كم بقى له وان تأخرت فترة الحمل قالوا ليش تأخرت بالولاده وان ولدت بسرررررررررعه قالوا اكيد ماعلمتننا انها حامل وجاحده .. ثمن عاد يبلشون وش اللي ببطنه بنت وإلا ولد وإلا تؤام ..........
وان اضنت بلشوا به وش يسمون المولود ان سمته على كيفه قالوا إيه هاكتن على رجله ..

ناسن فاضيه وماينعطون وجه ..
مره حرمه سألت عن وحده من صديقاتيهي تزوجت وإلا لا .. قلتله إلا قالت طيب منين اخذت وعلمته قالت هو يشتغل قلت والله مادري قالت طيب هي مستانسه قلت والله ماادري ومن هالأسئله اغلبهن ماادري عنهن قالت وش فيك انتي بلهي ..


والله قهر انها تسمين بلهى ...

[≈ Śķőőŋ »]

فيه قصه قد سمعته

أثنين توهم متزوجين وام الزوج دايم تسئله بشري ماحملتي للحين
ومحاصرتهم بهالسؤال طالعين داخلين لين الزوجه الحمل صار كل تفكيرها
فجئه أنتقل الزوج لشغل بمنطقه ثانيه وانتقل هو وزوجته هناك
وبعد فتر حملة الزوجه لأنها تجاهلت موضوع الحمل !!

فهذا الشي يأثر على نفسية الزوجه وهي سلت ونست الموضوع والحمدلله الله رزقهم


بس الناس ماتقدر هالشي دايم شاقين بغيرهم تزوجوا حملوا هاه بشروا ولد ولا بنت
طيب وش دخل امكم يصير فينا الي يصير خليك بحالك


كل شي قسمه ونصيب المفروض اي احد ينسئل هالسؤال يرد
ويقول للحين ربي ماكتب اني اتزوج او يجين ذريه عشان الي يسئل ياكل هوا ويسكت


شكرآآ عادل ..~

[عادل الحبيتر]

اقتباس
جندوانا

[align=center]
ما شاء الله كفيتي ووفيتي ... كلام منك كله واقعي وتفاعل أكثر من راااائع
كل الاشياء اللي تحصل كتبتيها .. ما شاء الله ... وفيه حاجه ثانيه يتضايق منها بعض الناس .. وهي اذا ولدت المرأه يحسبون لها متى تخلص من النفاس ويعرفون الحريم متى تخلص ..

اشكرك جزيل الشكر ياجندوانا
على تفاعلك المميز
لك تحياتي وتقديري
عادل[/align]

[عادل الحبيتر]

اقتباس
skoon

[align=center]فعلا .. الزوج والزوجه يتأثروا من كثر كلام الناس .. وخاصة الزوجة تتأثر اكثر
اشكرك جزيل الشكر على تفاعلك الرااائع
لك مني كل الشكر والتقدير
تحياتي لك
عادل[/align]

[أسيل محمد]

اقتباس:  المشاركة الأصلية كتبت بواسطة عادل الحبيتر     اقتباس جندوانا [align=center] ما شاء الله كفيتي ووفيتي ... كلام منك كله واقعي وتفاعل أكثر من راااائع كل الاشياء اللي تحصل كتبتيها .. ما شاء الله ... وفيه حاجه ثانيه يتضايق منها بعض الناس .. وهي اذا ولدت المرأه يحسبون لها متى تخلص من النفاس ويعرفون الحريم متى تخلص .. مو بس هذا اللي ماكتبته فيه اشياء كثيره لكن مااظن الرجال يعرفونها ويعانون منها كثر الحريم والله كان ودي اكمل بس والله استحيت ..........< فيس مستحي اخاف تقول وشن هالسباحين صدق من قال رضى الناس غاية لاتدرك والله احسن شيء الواحد يسوي اللي هو مقتنع فيه دامه مااغضب الله ورسوله والباقي طز فيهم .. إن ارضيت واحد ماارضيت البقيه شكلي بفتح موضوع بلحاله والطامة الكبرى لما تجيك وحده تنتقد الحريم وهي نفسه بلشتن بالخلق وماخلت احدن بحاله اشكرك جزيل الشكر ياجندوانا على تفاعلك المميز لك تحياتي وتقديري عادل[/align]

تشكرآآآآآآآآآآآآآآآآآآتي ياعادل
موضوعك رائع

[عادل الحبيتر]

اقتباس:  المشاركة الأصلية كتبت بواسطة جندوانا     تشكرآآآآآآآآآآآآآآآآآآتي ياعادل موضوعك رائع

والله صدق .. أشياء صعبه تتحل من بعض الناس .. اللي متعودين على كثرة مثل هذا السؤال .. وتتبع بعض الحريم أو الرجال تتبعهم على المتزوجين .. بكثرة أسألتهم .. لكن أقول وقولي الله لا يبلانا

واشكرك على تفاعلك العطر

[أميرة النواعم]

بصراحه كلامك صحيح يأخت جندوانا
أنا زوجي عنده محلات وكل يوم يكون بمحل وماسلمت
وشلون تخلين زوجك بين هالحريم ماتخافين عليه ومن هالكلام اللي مايودي ولايجيب

[أسيل محمد]

اقتباس:  المشاركة الأصلية كتبت بواسطة أميرة النواعم     بصراحه كلامك صحيح يأخت جندوانا أنا زوجي عنده محلات وكل يوم يكون بمحل وماسلمت وشلون تخلين زوجك بين هالحريم ماتخافين عليه ومن هالكلام اللي مايودي ولايجيب

يابنت الحلال هونيها وتهون ولا يضيق صدرك ..
ويشوف اللي بالمحلات احسن من انه يقعد عندك في البيت او بالحوش ويقلب القنوات
وشوفي لاتناظرين للحريم والله لو يخلي زوجك الشغل كان ولا وحده منهن ساعدتك ا بغيتي حاجه ..
ترى اغلب الحريم شراره تشعلها فيك وهي والله ماحست وتروح وتخليك بهمك ..

[المتمرده]

أنا عن نفسي أعتبره عيب وقلة حياء وأدب

[عادل الحبيتر]

اقتباس:  المشاركة الأصلية كتبت بواسطة أميرة النواعم     بصراحه كلامك صحيح يأخت جندوانا أنا زوجي عنده محلات وكل يوم يكون بمحل وماسلمت وشلون تخلين زوجك بين هالحريم ماتخافين عليه ومن هالكلام اللي مايودي ولايجيب

اللي يقولوا كذا هذولي يبي يخربن . لان الثقه لازم تكون موجوده .. لو بعض الناس تركوا كثرة الكلام اللي ما يودي ولا يجيب .. كان عاشوا الازواج براحه
اشكرك على تفاعلك

[عادل الحبيتر]

اقتباس:  المشاركة الأصلية كتبت بواسطة المتمرده     أنا عن نفسي أعتبره عيب وقلة حياء وأدب

كلام رااائع
وأشكرك على تفاعلك
تحياتي وتقديري لك

[دانة الروح]

ابصراحه كثرة الاسئله من ها النوع اتخلي الواحد يكره الاجتماعات
لانه اتسبب له احرج
وهو ما بيده شي

يامن العافيه ع الطرح اخوي عادل

[هلاوين]

اقول ياحبيبي عادل الخير عن نفسي بحسب مكانة السائل بعضهم من غلاك يسال عنك

الوالده حفظها ربي تهتم حتى تسمع ان خواتي حملن وكذلك تسال اخوان كل هذا

حرص ومحبة لهم خوفا من العقم او خلافات زوجيه وغيرها . مثل هذا الشخص

اشكره واثني عليه .


وبعضهم يحب التشمت والقافه فهذا لا اراعيه اي اهتمام .

[نبض قلب]

اخوي عادل

احمد ربك على نعمة العقل

مااعتب على هالعقول البلهاء اللي يبي يذبحها الفضووووول

ياليتك منزل هالموضوع بقسم المجلس لكي ياخذ حقه من النقااااااااش

لي عوده ان سمحت لي