أبي حل ..لــ (غ ي ر ة)..المبزرة ...!!

[" TWIX "]

أحد أصدقائي القريبين يعاني من مشكلة حلت به داخل اطاره الأسري ..
يقول .. حمدا لله.. رزقت بمولودي الثاني ..
ولكن..
لم تكتمل الفرحة بعد ..
بسبب المولود الاول وهو يرى البساط يسحب من تحته وبدأ
يفقد أهميته داخل البيت بعدما كان الجميع ينظر إليه متى يشرب
متى يأكل متى ينام متى يستيقظ متى يضحك ..؟!!
وبكائه يعلن حالة استنفار للجميع للبحث عن الأسباب والمسببات لبكائه ..
أما الآن .. يرى ويخيل له أنه أصبح نسيا منسيا ..!!
الذي فجر الغيرة لديه بشكل لا يوصف ..!!
فهل من حل لـ نار الغيرة اللي لم يسلم بها حتى من في المهد ..

تويكس .. بانتظار رؤاكم ..

مع أعذب تحية للجميع

[بطلة العالم]

مدري وش نتعامل ذكرتني بموقف

مره كان معي كتالوج محل للاطفال من غير قصد قلت ناه ملح الوليد

جاء عزام عمره 5سنوات ومعطه من وقطعه قطعه قطعه وهذا وهو صوره

وشلون لا جاء بزر عقبه الله يعين

وانا ابي حل لعزام

اشكـــــــرك

[أسيل محمد]

[align=right]طبيعة النفس البشرية بشكل عام لديها هذا الشعور ، ولكن عندما نتحدث عن الصغار فإننا نتكلم عن عقول بسيطة لا تستطيع في بداية الأمـر أن تكبت أو تخفي هذا الشعور كما نفعل نحن الكبـار
فالطفل الاول عندما يأتي الضيف الجديد فأنه يلاحظ ان كل الإهتمام الذي كان يبذله له والداه قد إنصرف بقدوم اخيه الأصغر ولكن على الأم والأب ان يهيئوا الأجواء للطفل الأول ويحسنوا استقبال الطفل الجديد ..
ان تخبر الام الطفل قبل الولاده بعدة شهور بقدوم طفل جديد وسيكون له اخ او اخت يلعب معه ويحبه وان هذا الضيف يحتاج للرعايه لانه مازال صغير فتشعر الطفل الأول بأنه اصبح كبيرا كالأب
ان ينتبه الأبوان للهداياء التي تقدم بسخاء للطفل الجديد .. وان يشتري الأبوان للطفل الأول هدايا ويقدمانها له .. مع عدم الإسراف في مدح الطفل الصغير امام اخيه


وبالنسبه لغيرة ولد صديقك وبكائه بهذه الطريقة المستنفره لانه يشعر بأنه مهمل وهو كذلك فيبكي بهذه الطريقه ليلفت إنتباه والديه له ..
وانت قلت بانه يرى ويخيل له .. اخالفك في هذه فالأطفال جدا اذكياء .. لكننا نحن نعاملهم وكأنهم لايعقلون مايدور حولهم .. الطفل جدا ذكي فلابد من معاملته بحذر .. [/align]

[دانـــة بـــريـــدة]

[align=center]

مرحبــــــا

اول حاجه احب اقول انه كل طفل يختلف عن الاخر ...

طبعا من حيث الغيره ..

ثانيا يجب على الوالدين ان يحاولو قدر الامكان عدم لفت انتباه الطفل الاول باهتمامهم

بالطفل الجديد

وبالعكس اذا كان هناك غيره يحاولو الثناء على الطفل وابداء الاهتمام به اكثر من قبل

اقصد طبعا الطفل الاول ..

وتقبلو تحيااتي ..[/align]

[لمعةالألماس]

الحل إن العائله يراعون شعور الكبير أكثر من الصغير

والأم دورها كبيييييير ,,

تحاول تشارك الكبير بأمور صغيرها ,,

تكلمه بلطف إنت الكبير أنت حبيبي وأنت البطل هات الحفاظ لأخوك ,,

وتعال شف أخوك يبكي لأنه صغير يتعبني عطه المصاصه هو يحبك أنت أكثر واحد,,

وإذا نام الصغير تخليه يغطيه شوي شوي ويسمي عليه ,, بمتابعتها ,,

وتخليه يشاركها بفرحتها بصغيرها ,,

وبنفس الوقت تحسسه بالمسؤلية للصغير حتى يعطف عليه وما يغار,,

والواجب إن الوالدين مايركزون إهتمامهم ولعبهم مع الصغير قدام أخوه ,, بيحس إنه وحيد ومنسي,,


ولا يستهينون بالغيره أبد بتأثر على نفسيته بعدين ,,
وفيه أطفال يأثر على نموهم ,,

والله يعيننا وياهم على تربية أبنائنا ويرزقنا برهم..

[لاشيء بدونك]

هذاشي طبيعي في اغلب الاطفال الغيره من المولود الثاني وانا اشوف ان الاهل يحاولون مايبينون اهتمامهم بالمولود الجديد ويحطون اهتمامهم بالاول ويحسسونه بالمسؤوليه انه اخوه الصغير مايعرف شي وانت اللي بتعلمه لانك تعرف اكثرمنه لانه كذا يحس انه له قيمه ويشخص هههه ؛؛
والام تشاوره وتاخذ رايه في كل شي مثل وش رايك نغير لاخوك والا ويش رايك ايش نلبسه والا تبيه تعطيه الرضعه وتخليه يشيله لاتصرخ عليه ابد لاسوا شي باخوه وبكذا راح يتقبله ويحبه
هذا رايي ان شاء الله افدتك.

[أميرة النواعم]

بصراحه فعلا غيرة لأطفال مشكله
ولدي نادر أكبر من أخيه أنس ب4سنوات وغيرته من أخوه
بزياده مع إني أنا وأبوه منفذين طلباته بس لابد من الغيره
مشكور ماقصرت

[[رآآح اللي رآآح ]]

الواجب على الابو والام ان مآ يفرقوون بين الطفلين قدر مآيستطيعون او مآيبينون حبهم لدى الثاني

يسلمووو twix اتمنى اني افدتك ..

تقبل مروري

[شموع تحت المطر]

ذكرتني بواحد من البزارت اللي عندنا

من الغيرهـ قعد على اخته وهي بسريرهـ <<عاادي
واليوم الثاني آخذ حبة السكرر حقت أبووي وأكله...

والحين اخته يوم كبرت صار تتغاااار منه وانقلبت اللآيه

[≈ Śķőőŋ »]

..<تذكرت كدودي يوم تصرخ ع هشوم من النغر

والله النغر موب بس لصغارين حتى حنا ننغر ..< حقده على قعدتهم صار شايب وللحين يدلع

تدري ليه لأنهم يدللون الصغير ويلعبون عليه وقسي وأغا ومن هالحتسي
همن ينغر الي اكبر منوه متعود انه هالحتسي وهالدلال له بلحالوه

والحل انهم يكثفون الدلال لا حسوا انه يغار
لأنه هو بيحس انه منقصين حبت الدلال هاليومين
يحاولون انه يتجاهلون الصغير لا صار موجود ويعطونه جوه هو عشان يحس انه هو الكل بالكل .


شكرآآ

[هلاوين]

كلام الاخوات تمام التام ومنها


اعط كل واحد مايناسب عمرة بالكلام بالاكل وغيرها

[شـموخ انـسـآنـہ]

ظآهرره شِشآئعه لدينآ وبكثرره ومن المفترض 20 دقيقة يوميا يلعب فيها الأب أو الأم مع الطفل الأكبر من الأشياء المساعدة جدـآ له
تشجيع الطفل الـآكبرر أن يساعد وـآلدته فى رعايه الطفل الأصغر مثلـآ بتقديم حفاظة الـآططفال وـآنتم بكرـآمه وذلك يحبب الطفل الـآكبرر بآخيه ويقلل من غيررته له
تجآهل كل التصصرفآت السسيئه للطفل الـآكبرر من قبل الوـآلدين ويحآول الـآب وـآلـآم قدر المسستطآع ـآن لـآ يترركوـآ الطفل ـآلـآصغر مع الطفل الـآكبرر لوحدهمآ
ـآممم هذـآ اللي جآء معي ^_^
ششوكرـآن تويكس

[" TWIX "]

اقتباس:  المشاركة الأصلية كتبت بواسطة بطلة العالم     مدري وش نتعامل ذكرتني بموقف مره كان معي كتالوج محل للاطفال من غير قصد قلت ناه ملح الوليد جاء عزام عمره 5سنوات ومعطه من وقطعه قطعه قطعه وهذا وهو صوره وشلون لا جاء بزر عقبه الله يعين وانا ابي حل لعزام اشكـــــــرك

يا أم عزام ..
اصفطي وراي خلي ناخذ حل لصديقي ولوليدك عزام ..
اعجبتني كلمة " أمعطة"

[" TWIX "]

جندوانا...

اقتباس: ولكن على الأم والأب ان يهيئوا الأجواء للطفل الأول ويحسنوا استقبال الطفل الجديد .. ان تخبر الام الطفل قبل الولاده بعدة شهور بقدوم طفل جديد وسيكون له اخ او اخت يلعب معه ويحبه وان هذا الضيف يحتاج للرعايه لانه مازال صغير فتشعر الطفل الأول بأنه اصبح كبيرا كالأب

وهل يعي طفلا لم يتجاوز السنتين التعليمات ..؟!!
هم ..فعلا..
لم يهيؤا الأجواء لاستقبال الضيف الجديد مع ابنهم
الذي ولد عدوانا حتى عندما يسألوه هل تحبه فيقول " يـــع "

جندوانا ..
أشكرك على المداخلة وعذوبة حروفك ..

[" TWIX "]

دانة بريده...

اقتباس: مرحبــــــا اول حاجه احب اقول انه كل طفل يختلف عن الاخر ... طبعا من حيث الغيره .. ثانيا يجب على الوالدين ان يحاولو قدر الامكان عدم لفت انتباه الطفل الاول باهتمامهم بالطفل الجديد وبالعكس اذا كان هناك غيره يحاولو الثناء على الطفل وابداء الاهتمام به اكثر من قبل اقصد طبعا الطفل الاول .. وتقبلو تحيااتي ..

لا بد لأن حمل الطفل الثاني سيصبح أكثر من حمل الطفل الأول
وسيكون أكثر دلالا ..
فالجديد سيكون له نكهة خاصة فالطبع يلغب التطبع ...!!
وهذا الذي أقلقهم ..

دانة بريدة ..
كل الشكر والتقدير لحروفك .