** حيآه أطهـر ْ .. حيآه أنقى ..!ـ **

[ملاك الإحساس]

حملة ~ حيآه أطهـر ْ .. حيآه أنقى ..!ـ

أهلين بنآت / شبآب ,, المهم كل من يقرا كلآمي ـ
راح اخلي كلآمي عآمّي علشان يكون اقرب يعني للقلب
..بدون حواجز

....كلنآ نسوي معاصي
..وكلنا عندنا اخطاء
وكلنا على الرغم من المعاصي الي نسويها ~ وعلى الرغم من غفلتنا

لكن فيه بذرة خير وحب للدين جوآنا
انا اكتب هـ الكلام ولاتحسبون اني كآمله
انا والله ربي يعلم كم من الذنوب عندي اسأل الله ان يتجاوز عني

ندخل في الموضوع أحبتي

نبدأ

(1)

تجي لميا وتدخل على روان محآدثه
وتحط لها رآبط
ـ روان: لميا وشو ذا ؟
ـ لميا: رووووني لاااا يفوتك هذي اغنية .(....) الجديده
ـ روان : صددددق يوووه يالمجرمه من زمان وانا ادوورها

تجي روان وتدخل على حصه محادثه
وتحط لها الرابط نفسه
ـ حصه : رواني هذا ايش الرابط ؟
ـ روان : لاايفوتك حصوص هذي اغنية (....) الجديده الي كنا ندورها انا ويااك
ـ حصه: وااااااو وناااااسه يآحبيله ذا المغني

تجي حصه وتدخل على منيره محادثه
وتحط لها الرابط نفسه

ـ منيره: وشو ذا حصيصه
ـ حصه : شي شي خطيييير لاتفوتك الاغنيه

وتمشي الاغنيه وتمشي وتمشي
والنتيجه؟

رصيد سيئات لميآ في ازدياد
ورصيد سيئات كل من دلّ على الشر في ازدياد !
الا ان يتجاوز الله بوآسع رحمته وغفرانه

طيب والهدف؟
وش نستفيد ؟
انا هذا الي اقصده بـ أطهـر ! وأنـقى!ـ ـ
!ليه اذا مآقدرنا ندعو للخير ~ على الأقل نقدر نمنع انفسنا من الدعوه للشر ؟
ليه ندعو للقذاره .. لسواد القلوب .. ولا ندعو لما فيه خير ؟
وقيسي على هذا نغمآت الجوآل الي يحطون اغآني

(2)

سحر.. مشآركه فـ منتدى
وحآطه صورتها الرمزيه وحده جميله وتفتن يعني
جا خالد وشاف الصوره .. وبما انه ( رجال ) وهذي الغريزه (مزروعه فيهم)ـ
انفتن بالصوره !ـ
انتي تدرين انك مجرد مآتفتنين احد تاخذين ذنبه؟
بافتراض طبعاً انه مثلاً ماراح يخطف ويغتصب او يزني نتيجة الفتنه الي صارت له
يعني افرضوا انه مآسواها !
مجرد انك فتنتيه انتي اخذتي ذنبه !
كيف لو زنا او اغتصب مثلاً !
وقيسي على هذا الشي العبآيه .. والعطر

وعلى فكره .. يقولون رآئحة العطر تحرك 60 غريزه عند الرجل ـ

(3)

ساميه.. تمشي فـ الجامعه
فجأه شافت صديقتها ساره جايه من بعيد
ـ ساميه: سااااااااره وحشتيييني الله يلعـ .... !ـ
ـ ساره : وانتي اكثر يالملعـ .... !ـ

اللعن وما ادراكم ما اللعن !ـ
ترى علشان كذا النساء اكثر اهل النار .. لأنهن يكثرن اللعن.. ويكفرن العشير !ـ
ليه مآنرتقي بألستنا لمستوى فوووق
مثل ما احنا نحآول نكون رآقين فـ تعليمنا وملابسنا ومستوآنا الاجتمآعي

ليه مآنرقى بالستنا والفاظنا
ونخليها .. انــقى .. وأطهــر ..!ـ ـ

(4)

الهنوف .. فيها النووم
الساعه كذا تقريباً وحده ونص
بكرا عندهآ جامعه ولازم تكون جآهزه سبعه علشان السوآق
توقّت جوآلها على السآعه ست ونص
وأذآن الفجـر السآعه خمسه !ـ

ليه مآنحآفظ على هذا الرآبط الجميل الي يربطنآ مع ربنآ؟
اوكي انتي فرضاً ( مآعندك وقت) تصلين السنن
طيب ليه مآنحاول نحافظ على الفروض ونصليها بأوقآتها؟
! والله العظيم يآبنآت اني احزن على البنت الي تجي من داومها وتناام واذا صحت الساعه 11 بالليل صلت كل الصلوات الي فـ اليوم كله
طيب انتي حبيبتي من وين جايبه هذا الشي؟
الصلاه تقصر وتجمع فـ السفر او وقت المرض
مو تنامين بكيفك واذا صحيتي تصلين!ـ
الصلآه نقآء .. طهآره .. ارتفآع وسمو بالروح..
تكسبك رآحه نفسيه وبيآض ونور فـ وجهك

سبحآن الله دايم اعرف البنت الي ماتصلي من وجهها
اقصد يعني الي مآتصلي بدون عذر
اساساً لاحظوا يكون وجهها اسود حتى لو كانت بيضا تحسينه مظلم
ودايم متضايقه وسبحان الله مو موفقه
ربي مآيوفقها ترى ولا يسمّح دربها !ـ
تشوفينها منحوسه وحظهآ دايم طآيح بالقاع !ـ

(5)

شذى والعنود جالسين فـ الكافتيريا
ـ شذى: اففف يآمصلهآ هـ الادميه الي اسمها مرام , يختي يآهي بثره
ـ العنود : وععع مين مرام القرويه؟
ـ شذى: ايه ماغيرها ذيك
ـ العنود : خلاص خلاص اسكتي شوفيها جايه

الغيبه ( الحش ) بمعنى آخر ..!ـ
اااه يآربي تجاوز عنا واغفر لنا
وقدّرنا يآربي على التوبه من الغيبه
اسوأ شي بالغيبه انه يتعلق فـ (حقّ آدمي ) !ـ
يعني الي بينك وبين ربك ان شا الله ربي يتوب عليك مع التوبه
لكن الي بينك وبين الناس ؟!
شي من جد يعوور القلب

حآولي تشغلين نفسك عن الغيبه
وعوّدي صآحباتك واخوآتك انهم يتركونها
يعني اول مآيبدون يحشون سكتيهم او غيري الموضوع
مع الوقت بيستحون منك ومستحيل يحشون على الأقل لو عندك بس
هذا اذا ماصاروا يقلدونك !ـ

ما ادري بصرآحه فـ قلبي كلامي كثير .. وانا دايم من حولي اشياء كثيير نفسي اغيرها
..نفسي اخلي تفكير الناس يرتقي
..نفسي ونفسي
لكن مآبي اكثر عليكم كلام .. لأن النفس البشريه بطبيعتها ملوله
..الابتسآمه.. معآملة الخدم معآمله حسنه ..تقصرين صوتك وانتي تحآكين امك
كل هذي الاشياء ترتقي فيك انتي .. وتحسين انك مرتآحه ..
وتخلي حيآتنا .. أطهــر .. وأنقــى .. ! ــ


ملاحظه
الأسماء مستعاره فقط لتوضيح الموضوع
ووصول المعلومه
ولانقصد أحد بذاته
والله من وراء القصد

مع أطيب الأمنيات وأصدق الدعوات أن يوفق الله الجميع
لما فيه الخير

[مامانورة]

نعم هي الحقيقة المرة00للااسف هذا مايدورفي المجتمع00اصبح معظم المجتمع في غفله00ياحسرة على العباد00احزن كثيرويتقطع قلبي عندمااشاهدمشاهدبعيدة عن الدين00بيض الله وجهك يوم العرض00ونورالله قلبك بالايمان00ويسرالله دربك لكل خير00وبشرك بالجنة قبل الموت00وهنيان ثم هنيان لك ايتهاء الجوهرة المصونه00دمتي بخير 00

[يالبى قلبي]

الصلآه نقآء .. طهآره .. ارتفآع وسمو بالروح..
تكسبك رآحه نفسيه وبيآض ونور فـ وجهك..
^^^
كـــلام راق لـي كثيـراً....



يسلمـــــوو خيتـوو علـى هيـك مـوضووع ...

[عادل الحبيتر]

[align=center]طرح جميل واكثر من راائع .. ولازم يستفاد منه

اشكرك من اعماق قلبي على اطروحاتك الدائما مميزه

تقبلي مروري وسلامي

عادل[/align]

[ملاك الإحساس]

اقتباس:  المشاركة الأصلية كتبت بواسطة مامانورة     نعم هي الحقيقة المرة00للااسف هذا مايدورفي المجتمع00اصبح معظم المجتمع في غفله00ياحسرة على العباد00احزن كثيرويتقطع قلبي عندمااشاهدمشاهدبعيدة عن الدين00بيض الله وجهك يوم العرض00ونورالله قلبك بالايمان00ويسرالله دربك لكل خير00وبشرك بالجنة قبل الموت00وهنيان ثم هنيان لك ايتهاء الجوهرة المصونه00دمتي بخير 00

دومآ ماتتراقص حروفي فرحا بقدومكِ لمتصفحي
وتغنت كلماتي بأرقى العبارات طربالمروركِ
فيا اسعد قلبي حين يرى نورا يشع بقدومك

فلا تحرمي متصفحاتينورا يترقبه

ولا تحرمي قلبي من دعواتك الغاليه

دمتي بحفظ الرحمن

[ملاك الإحساس]

اقتباس:  المشاركة الأصلية كتبت بواسطة يالبى قلبي     الصلآه نقآء .. طهآره .. ارتفآع وسمو بالروح.. تكسبك رآحه نفسيه وبيآض ونور فـ وجهك.. ^^^ كـــلام راق لـي كثيـراً.... يسلمـــــوو خيتـوو علـى هيـك مـوضووع ...

تشرفت بمرورك العطر وكلماتك الرائعه وردك الجميل
كل الشكر والتقدير لمروركِ الجميل والرائع

[ملاك الإحساس]

اقتباس:  المشاركة الأصلية كتبت بواسطة عادل الحبيتر     [align=center]طرح جميل واكثر من راائع .. ولازم يستفاد منه[/align][align=center] اشكرك من اعماق قلبي على اطروحاتك الدائما مميزه تقبلي مروري وسلامي عادل[/align]

تشرفت بمرورك أخي عادل
وازدادت صفحتي نورآ لوجود وروعه ردودك
تقبل شكري وإحترامي وتقديري
ودمت بحفظ الرحمن

[طيبتي مركز ضعفي]

كلام رائع جزاك الله الف خير