مشكلة لشعري .. ممكن ألقى حلول سريعة ؟؟

[سَـاكنة القـلب]

[align=right]
قليل دخولي للقسم هذآ .. لكني استغربت حيل
زوآيا (أنثى) وممتلئة بالأقلام الذكورية !!!
صدق ماكو فكه :/

المهم ..
الله يرفع قدر اللي بتساعدني ويسعى في حاجتها ..
أنا لي أسبوع وزيادة أجعد شعري بدون ما أمشطه .. يعني على طول أتحمم بعدين أحط موس وجل وبديل زيت وألفه بلفافات الكيرلي ..
لأنه مو بالسهوله أبد يتجعد .. وكان كل الأسبوع عندي مناسبات وأبي أجعده ..
المهم اليوم حاولت أمشطه أثاريه متعقد بزيادة في نصف الشعر
كل نصايح اللي حولي سويتها مانفع ..
زيوت وحطيت .. كريمات .. مشطته وهو تحت الماء .. سويت كل اللي قالوا لي مانفع ..
وسبحان الله شعري طاااااايح وبالموت يتجعد .. ويوم تجعد وانبسطت تعقد .. اللهم طولك ياروح
دخيلكم اللي عندها حل غير القص
مستحيل أقص لو وش ماصار .. لي سنتين مداومة على حبوب وزيوت وأغصب نفسي على الخضار عشان يطول .. هذا غير إني إذا قصيت نص شعري بيروح
والله حرااااام

انتظر حلولكم يابنات والله يسعى بحاجتكم مقدمًا ..
[/align]

[زخات المطر]

[align=center]ياقلبي ماينلام ..

اجل اسبوع و انت تجعدينه !

ممكن الطريقة اسهل مما تظنين


انتِ ابدأي بالتمشيط من اسفل شعرك و بلطف .. ثم ارتفعي بتمشيطك الى ان يستجيب شعرك و تنحل العُقد ..

هذا اسهل و اقرب حل اعرفه لإني انسانة مو راعية تجعيد .[/align]

[سموه بديني]

هلا بك أختي
ياالله مشكله صراحه
عاد تصدقين سبق وان صارت مع احد الحبايب وطلبوا مني النجده
ورحت لهم للبيت والله لا يوريك معارك ومصارعات الى ان خلصنا
بأقل الخساير علما اننا احتجنا المقص شوي
المهم
اول شي جيبي لك كريم شعر و رشاش المويه
وفرشه عايديه مب مشط وخليك جالسه وقدامك مرايه
ويالله شوي شوي ابدي من تحت لفوق كل ماتخلصتي من عقده
روحي فوق شوي وبللي كل خصله وحطي فيها كريم
وبأذن الله راح يمشي معك
واذا خلصتي حرمي التجعيد بكثره والله الله بزيت اللوز
.
وننتظر النتيجه
طمنينا

[آنسكًآبَ ||••]

[align=right]انا كنت زيك شعري مايتجعد بسهوله وجاني وقت اجعده دايم بالجل
والاسبريه بس عشان يثبت يعني تقريبا جلست فتره تجعيــــــد
ولا حظت على شعري انه بدا يتساقط بكثره كلــــــه من الجل>>يعني انعدم
بس اذا تبين يرجع مثل اول واحسن
عامليه ..يعني استخدمي حمام زيت وبلسم ومن هالأشياء
وبنفس الوقت بعد كل حمام مشطيه لأن العقد تتفكك مع الرطوبه خاصه اذا كنتي مستعمله بلسم,,


اتمنى اكون افدتك.. [/align]

[التوت البري]

[align=center]انتِ ابدأي بالتمشيط من اسفل شعرك و بلطف .. ثم ارتفعي بتمشيطك الى ان يستجيب شعرك و تنحل العُقد .. اذا مانحلت عقده فكي بايدك ..[/align]

[عجوز سمنسي]

[align=center]الحين الله منعم شعوركم تروحون تجعدونه وشوله ؟

صدق الحريم مايعجبها العجب

لو هو عكاريش كان راحت وحطت فرد الكراتين وانهبلت لين يتنعم وتكويه بمكوى

والحين هو ناعم وتجعدونه

ايه احسن لك علشان مرة ثانية ماتلعبين بشعرك

يالله الحين عقب التعب مالك الا تقصينه

لان مشكلتك من خلال دراستي لعالم الشعر ماله حل الا القص والله يعينك تبين تزرعين من جديد وتغذينه بالخضروات

بس لاتنسين السلطة كثري الملح فيها [/align]

[طمووح انثى]

مااعتقد يوصل لدرجة القص .. حوالي بهدوء وبخصل قليله من تحت لفوق ولاتنسين تحطين زيت علشان يسهل عليك ...,

[سَـاكنة القـلب]

[align=right]
زخات المطر /
سموه بديني /
هاردلكـ ياقلب /
التوت البري /

الله يسآعدكم يالغآليات والله من قلب قلبي أقولهآ ..
تسلمون ع الفزعة من طيب أصلكم واللهـ ..
الله يسعى بحآجتكم ويقدرني أخدمكم ..
أحبببببكم ..

بس تقريبًا نفس النصآيح اللي قالوها لي .. غير إني أجرب أفك من تحت لفوق .. وجربت وبعد مانفع ..
رحت اليوم العصر لفآشن رغم إني أكرههم وأكره أسعارهم المبالغين فيها كلش .. بس مدحوهم لي على أسآس يلقون لي حل ..
بعد جربوا علي مانفع ..
راحمني الله إنه متعقد من جهه بس مو كله .. فقصته لي ودرجته وأغلب الدرجات من فوق .. والله الحمد فنآنه وأحسني بقوه راضيه يارب لك الحمد ..
مع إنها والله زفتني زفه محترمه على الجل وتقول لا تستخدمينه نهائيًا في التجعيد وغيره ..
فانتبهوا يابنات .. وإن جعدتوا لا تخلونه يتم أكثر من يوم وتحمموا ومشطووووا شعوركم نصيحة ..
ترا مب كل مره تسلم الجره ..


طمووح انثى /
شفت ردك عقب ما قصيت .. لا ياعمري والله حاولت في شعري لين طفشت ما له حل .. ومجربه الزيوت والكريمات ومزعجه الخلق وياي بس من جد مااااطاع يتفكك ..
يالله خيره .. والحمدلله ماراح كلهـ ..
تسلمين ع الفزعهـ .. لا خلى ولآ عدم ..
[/align]

[سموه بديني]

الحمــــــــد لله
والله قلبي معك
اجل استلزم الأمر تدخل السيـــد مقص
.
اعلنيها توبه وحمله للعنايه بالشعر
والله ماراح يدمره كثر التجعيد

[مدير خبرة]

اقتباس:  المشاركة الأصلية كتبت بواسطة الصمت الخجول     [align=right] قليل دخولي للقسم هذآ .. لكني استغربت حيل زوآيا (أنثى) وممتلئة بالأقلام الذكورية !!! صدق ماكو فكه :/ المهم .. الله يرفع قدر اللي بتساعدني ويسعى في حاجتها .. أنا لي أسبوع وزيادة أجعد شعري بدون ما أمشطه .. يعني على طول أتحمم بعدين أحط موس وجل وبديل زيت وألفه بلفافات الكيرلي .. لأنه مو بالسهوله أبد يتجعد .. وكان كل الأسبوع عندي مناسبات وأبي أجعده .. المهم اليوم حاولت أمشطه أثاريه متعقد بزيادة في نصف الشعر كل نصايح اللي حولي سويتها مانفع .. زيوت وحطيت .. كريمات .. مشطته وهو تحت الماء .. سويت كل اللي قالوا لي مانفع .. وسبحان الله شعري طاااااايح وبالموت يتجعد .. ويوم تجعد وانبسطت تعقد .. اللهم طولك ياروح دخيلكم اللي عندها حل غير القص مستحيل أقص لو وش ماصار .. لي سنتين مداومة على حبوب وزيوت وأغصب نفسي على الخضار عشان يطول .. هذا غير إني إذا قصيت نص شعري بيروح والله حرااااام انتظر حلولكم يابنات والله يسعى بحاجتكم مقدمًا .. [/align]

على النقطة الاولى

فعلا شيء ملحوظ
والمفروض يايغيرون الاسم ويخلونه لنا كلنا
او يسكرونه علينا ويخلونه للبنات بس

[’ ŚĀM]

اتذكر وحده هنا قالت عن بخاخ جونسون يفك تشابكات الشعر يسهل عملية التمشيط :d
اول شي غسلي شعرك ببلسم وبعدين بس ينشف بخي عليه ومشطي شوي شوي زي ماقالو اللي فوقي ..

[شـموخ انـسـآنـہ]

حطي أي كريم على نفس العقده وابدي مشطيه خصله خصله وتحملي شوي
واستخدمي المويه تسهل عليك ..

[زخات المطر]

اقتباس: الله يسآعدكم يالغآليات والله من قلب قلبي أقولهآ .. تسلمون ع الفزعة من طيب أصلكم واللهـ .. الله يسعى بحآجتكم ويقدرني أخدمكم .. أحبببببكم ..

[align=center]حبتك العافية ..

قصيتيه ! خسارة بس ..

تجربتك بتكون درس للصبايا ..

اقتباس: فانتبهوا يابنات .. وإن جعدتوا لا تخلونه يتم أكثر من يوم وتحمموا ومشطووووا شعوركم نصيحة ..

مشكورة على النصيحة .. بصراحة احس المواد هذي تمنع وصول الأكسجين للشعر..

عشان كذا اتجنبها .. خايفة ينكتم و لا تجيه ذبحة صدرية هه ..


يلاَّ ان شاء الله ماتمرؤي على هيك مشاكل و يخلي لك شعراتك .[/align]

[أخت الذيب خالد]

صمت.. حبيت اشاركك المعاناة.. واواسيك .. بس جيت متأخره .. هه
تعرفي.. شكل شعرك حمق عليك.. وقال انا اوريها الشغل .. (معصب ليه تجعدينه غصب)
قال ما راح افك.. لين اعطيها درس خخخخ
خسارة قصيتيه ... لكن الحمدلله اللي جابه يجيب غيره واحسن بعد

[أخت الذيب خالد]

صمت .. ممكن تعطيني وصف فاشن ؟ الله لا يهينك