....."""من مشعـــل السديري إلى سماحة مفتي عـــام المملكة""""" ..... قوووويه

[فديكا التميمي]

مساء الخير .....

اتمنى من الكل يقرأ الموضوع إلى الاخير ........

من مشعل السديري إلى سماحة مفتي عام المملكة........

قويييييييييييييييييييييييييييية

واعطوني رأييك فالمكتوب ؟؟؟؟

مشعل السديري -

أثارت خطبة مفتي المملكة الجمعة الفائتة إستغراب عدد من الناس المخلصين لوطنهم ..
وكانت حول إستنكاره تخصيص بيع المستلزمات النسائية للنساء بدلا من الرجال ..
و أتوقع أن المفتي لم يذهب لأحد أسواق الرياض .....
ليرى كيف يعرف البائع أيا كانت جنسيته مقاس (الملابس الداخليه) المرأة بمجرد دخولها للمحل .......
ويعرف أي نوع أو موديل تحتاجه !!
وذلك بمجرد قياس جرأتها معه .. وهل هي متزوجة أو لا ...

يا سماحة المفتي :

بعمل المرأة في هذه المحلات ستر للمشترية من إطلاع الغرباء على تضاريس جسمها وصدرها ....
الذي يرى بسهولة من خلف العباءة ..
خاصة بعد إنتشار لبس النساء للعباءات الضيقة ..
وفيه ضمان عيش كريم لفتاة لم توفق بقبول في جامعة بسبب تقديرها الدراسي ......
أو عدم توفر الواسطة لوالدها ......
أو عدم حصولها على وظيفة حتى في أبعد قرية عن المدينة ...
ولكي لا تتسلى بالإتصال بأرقام عشوائية لعلها توفق بمن يسليها ..
أو تقضي معه جزء من سوالف ليل !!

يا سماحة المفتي !!

ليس كل بنات المملكة كبناتك وبنات حمولتك !!
تتخرج بنتكم ب 70 % بالثانوية وتدخل أفضل كلية ....
بينما إبنة زميل بالعمل حصلت على 96 % ولم تقبل إلا في أطرف كلية ..
وبواسطة قريبه الأستاذ بالجامعة ...
ليس كل بنات الناس تعين بالشارع الذي يوجد به قصر والدها !!
وإنما يعين في أطراف سكاكا وجازان ......
ومن المؤكد أنك لم تسمع بحوادث صالونات المعلمات في أطراف المدن ...
ياليتك كنت مفتحا لترى تناثر أغراضهن وكيف إختلطت بدمائهن !!
والله لأنه منظر محزن لأقوى الناس عزيمة ..
نحزن عندما تعرض صور عباءاتهن ودفاتر تحضيرهن و( جزمهن ) ......
منظر محزن للغاية ...
وتجعلنا نلعن من تسبب في حرمانهن من الحياة ...
وحرم أهلهن منهن !!
ليس كل بنات الناس يضمن لهن الوظيفة قبل التخرج أو النقل أو التعيين ..
فقد وجد من دفع عشرين ألف ريال لنقل إبنته من إحدى المدن للرياض !!

يا جماعة يا واصلين !!

ليس كل الناس كوضعكم ......
ولا تكونوا كإحدى الملكات التي سمعت عن جوع شعبها فقالت .....
عطوهم بسكويت !!
هم ما يعرفون الخبز علشان يعرفون البسكوت أبو ميزان !!

لم تذهب المرأة للعمل بائعة في محل لتتسلى ......
وإنما للبحث عن لقمة شريفة ونزيهة وبلا مستغل يستغل شرفها وعفتها وكرامتها ..
ويدفع لها بمقابل يعرفه الجميع ...

يا سماحة الشيخ !!

قل للسواق اللي يجيبك للجامع الكبير بالرياض ..
يتوقف بجوار بائعات الفصفص والحب والبكلات و الأمشاط والحنا ......
و تنازل وإسأل إحداهن :
ليش تبيعين يا مرة ؟ وش اللي حدك ؟
ماذا ستقول لك ؟
هل ستقول إني أتسلى و أوسع صدري .......
وكأني جالسة على أطراف الشانزيليه ؟؟
وإنما ستقول زوجي مريض أو فراش ب 2000 ريال ...
أو مطلقة أو رجلي مديون وبيتنا أجار و ....
ليس كل الناس رواتبهم 42 ألف ريال ......
غير الأمطار السنوية والشهرية الغزيرة ....
التي لا تأتي من السماء وإنما من الأرض ...

لا تعاملون الناس كوضعكم ، فوضع 90 % من الناس يختلف عن وضعكم تماما ......
الناس يسددون فواتير كهرباء !!
الناس تسدد فواتير جوالات وتلفونات و رواتب شغالات وسائقين !!
الناس تدفع قروض للبنوك .......
ليكملوا أقساط شقق أو دوبلكسات 350 مترا ...
وليست قصورا أم 5000 متر ...
الناس تدفع رسوم سنوية لمدارس أبناءهم !!

بعض الناس إنتقلوا مع إبنتهم لقرى جازان ونجران وأطراف عرعر وغيرها ليكونوا بقربها .......
أعرف فتاة يتيمة الآن تعمل في إحدى قرى الأفلاج ......
تسكن بمفردها لمدة خمس سنوات ولم تستطع النقل للمدينة المنورة رغم تخصصها الصعب ......
و أخرى معها لمدة ست سنوات وزوجها بمفرده في الباحة .......
و كلنا يعرف عينات من هؤلاء ....

هل تتوقع أنهن بقين هناك لسبب ؟؟
غير سبب الحاجة وطلب الحياة الكريمة ؟!

منقووول...
فعلاً والله كلام صحيح صح لسانك يامشعل ولو كل انسان راعَ هالشي ما حصلت عندنا مشكلة الطبقات الاجتماعيه

لاكن عندنا ناس حاطين رجل على رجل ويحسبون كل الناس زيهم ..

[مدرعمهـ]

كلام السديري صحيح 100% لكن ولو ياختي مايصلح يتجراء على ال شيخ مهما كان هو عالم له قدره

فديتسا شكرااا

[سَـاكنة القـلب]

[align=right]
المقال متناقض إلى أبعد حد !
ولا أدري صراحة هل هي كلمة حق أراد بها باطل ، أم أنه مخلص حقيقة !
خصوصًا إنهم ما يتجرأون إلا على هالضعيفين اللي مابيدهم شي !
تكلموا للي صدق بيدهم قرارات !
والله وحده أعلم بالنيات .

لي تعليقات ..

اقتباس: خاصة بعد إنتشار لبس النساء للعباءاتالضيقة ..

بالعقل من المخطئ ، راعية العباءة الضيقة ، ولا صاحب المحل ؟
نعم أنا ضد وألف ضد بيع الرجال لمستلزمات النساء ، لكن تبرير الكاتب غير منطقي !
الجسم الفاتن ( بيجذب ) كل من في السوق وليس صاحب محل واحد فقط !

اقتباس: وفيه ضمان عيش كريم لفتاة لم توفقبقبول في جامعة بسبب تقديرها الدراسي ...... أو عدم توفر الواسطة لوالدها ...... أو عدمحصولها على وظيفة حتى في أبعد قرية عن المدينة ... ولكي لا تتسلى بالإتصال بأرقام عشوائيةلعلها توفق بمن يسليها .. أو تقضي معه جزء من سوالف ليل !!

ضحكت من خاطر هنا !
بيقنعني أن توظيف النساء في هالمحلات ، بيحل أزمة قلة الوظائف ، وأزمة النقل ، وأزمة المغازل !
ارفقوا بعقولنا يا ناس !

اقتباس: ليس كل بنات المملكة كبناتك وبناتحمولتك !! تتخرجبنتكم ب 70 % بالثانوية وتدخل أفضل كلية .... بينما إبنة زميل بالعمل حصلت على 96 % ولم تقبل إلا فيأطرف كلية .. وبواسطة قريبه الأستاذ بالجامعة ... ليس كل بنات الناستعين بالشارع الذي يوجد به قصر والدها !! وإنما يعين في أطراف سكاكا وجازان ...... ومن المؤكدأنك لم تسمع بحوادث صالونات المعلمات في أطراف المدن ... ياليتك كنت مفتحا لترى تناثر أغراضهن وكيفإختلطت بدمائهن !! والله لأنه منظر محزن لأقوى الناس عزيمة .. نحزن عندما تعرضصور عباءاتهن ودفاتر تحضيرهن و( جزمهن ) ...... منظر محزن للغاية ...

أشعر بأن الكاتب هنا يريد الاعتراض وحسب !
وإلا فما شأن الموضوع الذي بدأ به بالواسطات والحوادث والدماء !!!

اقتباس: الناس تسدد فواتيرجوالات وتلفونات و رواتب شغالات وسائقين !! الناس تدفع قروض للبنوك ....... ليكملوا أقساط شقق أو دوبلكسات 350 مترا ... وليست قصورا أم 5000 متر ... الناستدفع رسوم سنوية لمدارس أبناءهم

اقتباس:

شغالات وسواقين ومدارس أهلية !!
الرفاهية هذي شلون أربطها بمشكلة توظيف النساء ؟؟

اقتباس: يتوقفبجوار بائعات الفصفص والحب والبكلات و الأمشاط والحنا ......

اقتباس: و تنازلوإسأل إحداهن : ليشتبيعين يا مرة ؟ وش اللي حدك ؟ ماذا ستقول لك ؟ هل ستقول إني أتسلى و أوسع صدري ....... وكأني جالسةعلى أطراف الشانزيليه ؟؟ وإنما ستقول زوجي مريض أو فراش ب 2000 ريال ... أو مطلقة أورجلي مديون وبيتنا أجار و .... ليس كل الناس رواتبهم 42 ألف ريال ......

آلمتني جدًا هذه الجزئية
ربما لأنني بالفعل عشت الموقف
وسألت وحدة من راعيات البسطات .عن اللي حادها كل وقتها في سوق مكشوف وحر وبسطه ان ضحك لها يومها رجعت بمية ريال !!
نصفها للموزين ونصفها (أساسيات الحياة) !!
المهم .. فزت من بسطتها وهي تقول .. لالالا الملك ماقصر الله لايخلينا من أبو متعب لاوالله شيخ الرجاجيل عساه ذخر !!
ومن هالكلام !
أنا أسألها وش حادها ، والضعيفة تراجف من عالم مافيهم ذرة احساس وحتى في الكلام تخاف منهم لا يتصيدون عليها !

والله العظيم ألم ألم ألم لايوصف !
الظلم ظلمات بوم القيامة !
ووجود مثل هذه العينات في بلد غني خيره وصل للبعيد ، يزيد من الإحساس بالغبينه !
إنا لله وإنا إليه راجعون ..

من ناحية تعليقي على مسألة بيع الرجال لمستلزمات النساء ..
فما أدري صراحه وش أقول وش أخلي !!
كعادة هالمجتمع .. الرجال هو الفاهم لكل شي حتى في بيع خصوصيات المرأة لازم يتدخل !!
وموقف ما أنساه .. كنا رايحين أنا وأمي لأحد هالمحلات .. المهم قاعدين نتشاور .. ورب الكون قالي .. لك ولا للوالدة ؟!!!
أمي اللي ماعمري سمعت حسها في البيت .. عصبت ورفعت صوتها وشوي وتمد ايدها عليه .. وماتنلام من حر ماتوجس ولاشوي وكل اللي فالمحل يتكلمون عليه ماصدقوا أمي تبدأ ..
كلنا نتضايق من هالقذرين الشهوانيين اللي جابوا القرف ولوعة الكبد لنا .. بس سبحان الله مادام المسألة فيها حريم لازم يتولاها رجال !!
ولو تلاحظون أغلب محلات ملابس السهرة خصوصًا العرايس تكون مغلقة جوات السوق وتبيع بنت فيها .. مثل حياة مول .. وماأدري شلون صار عادي والملابس الخصوصية حرام تبيع فيها !!!

مجتمع حالته حاله الله يصبرنا عليه !!

السموحة طولت بس والله من حرتي ..
ع القوة فديكا خوش موضوع والله ..
[/align]

[فديكا التميمي]

اقتباس:  المشاركة الأصلية كتبت بواسطة مدرعمهـ     كلام السديري صحيح 100% لكن ولو ياختي مايصلح يتجراء على ال شيخ مهما كان هو عالم له قدره فديتسا شكرااا

هذا الحق والساكت عن الحق شيطان اخرص.....
مايهم من قال بقدر ماهمنا وش قال؟؟؟.....

[مشروع فيلسوفة]

وهو الصادق السديري..

من جد يحسبون الناس مرتاحه ومبسوطه زيهم ..

على راسي المفتي بس تراه يسمع من ناس ما تدري عن شيء ابد ..

تشكرات ..

[فديكا التميمي]

اقتباس:  المشاركة الأصلية كتبت بواسطة الصمت الخجول     [align=right] المقال متناقض إلى أبعد حد ! مااحس بالتناقض اللي حسيتي فيه.... لي تعليقات .. بالعقل من المخطئ ، راعية العباءة الضيقة ، ولا صاحب المحل ؟ نعم أنا ضد وألف ضد بيع الرجال لمستلزمات النساء ، لكن تبرير الكاتب غير منطقي ! الجسم الفاتن ( بيجذب ) كل من في السوق وليس صاحب محل واحد فقط ! بس ياااحبيلتس فرق لاصاارت داخله المحل ماله شغل به الا اذا جت تحاااسب والا هو اللي بيطلع له المقاااساات والنوعيااات يعني قريب له واظنك ماره بهالمواقف وحاسه باحراجاتهم لنا.. ضحكت من خاطر هنا ! بيقنعني أن توظيف النساء في هالمحلات ، بيحل أزمة قلة الوظائف ، وأزمة النقل ، وأزمة المغازل ! ارفقوا بعقولنا يا ناس ! ايه وليش مايفك ازمه بنظرتس هالمحلات ماتوكل عيش..... أشعر بأن الكاتب هنا يريد الاعتراض وحسب ! وإلا فما شأن الموضوع الذي بدأ به بالواسطات والحوادث والدماء !!! شغالات وسواقين ومدارس أهلية !! الرفاهية هذي شلون أربطها بمشكلة توظيف النساء ؟؟ ياحبيلتس ارجعي اقري من جديد.... السموحة طولت بس والله من حرتي .. ع القوة فديكا خوش موضوع والله .. [/align]

الله يسلمك وخوذي راحتس ماحطيناااه الا لتباادل الأراء......

[ماء السحاب]

بجد كلااااام حلووووووو

يشكر عليه مشعل ........

بس ياليت يطبق ...


فديكا يسلموو ع النقل بس ياليت تكتبي المصدر


يعطيك العاافيه

[تفاؤل]

أصلا شخص لايعرف كيف يتكلم بأدب مع شيخ في منزلة الشيخ آل الشيخ

هل تعتقدون يعرف الحق من الباطل والصواب من الخطأ؟

أشك كثيرا في ذلك

[مشروع فيلسوفة]

اقتباس:  المشاركة الأصلية كتبت بواسطة تفاؤل     أصلا شخص لايعرف كيف يتكلم بأدب مع شيخ في منزلة الشيخ آل الشيخ هل تعتقدون يعرف الحق من الباطل والصواب من الخطأ؟ أشك كثيرا في ذلك

صراحة ما قرأت شيء خارج عن الادب ..
بعدين تراه بشر مثلنا ينصح ويتناصح ..!!


...

[فديكا التميمي]

اقتباس:  المشاركة الأصلية كتبت بواسطة ماء السحاب     بجد كلااااام حلووووووو يشكر عليه مشعل ........ بس ياليت يطبق ... فديكا يسلموو ع النقل بس ياليت تكتبي المصدر يعطيك العاافيه

شاكره مرورك والله مااظنه حلم ابليس بالجنه..

[فديكا التميمي]

اقتباس:  المشاركة الأصلية كتبت بواسطة تفاؤل     أصلا شخص لايعرف كيف يتكلم بأدب مع شيخ في منزلة الشيخ آل الشيخ هل تعتقدون يعرف الحق من الباطل والصواب من الخطأ؟ أشك كثيرا في ذلك

ما اشوف فيها اي اساءة ...
عندتس الخطاب اللي يوجه للعلماء لازم يختلف عن البقية ؟؟؟
بالعكس كلامه منطقي حنا ماانتقدنااا لاقرآن كريم ولاحديث شريف
المفتي أنسان يخطي ويصيب
واحنا اللي علينا نأخذ الصحيح منه والغلط مردود عليه
لكن مشكلتنا أننا نتوقف امام الألقاب ونخاف من توجيه النقد لها ...

[سَـاكنة القـلب]

[align=right]
عودة للتوضيح يا فدوشه : )

اقتباس: بس ياااحبيلتس فرق لاصاارت داخله المحل ماله شغل به الا اذا جتتحاااسب

اقتباس: والا هو اللي بيطلع له المقاااساات والنوعياااتيعني قريب له واظنك ماره بهالمواقف وحاسه باحراجاتهم لنا..

فاهمه عليك يا قلبي .. بس أنا قصدي المبرر خاطئ !
يعني بنقول نطالب بتوظيف النساء كرمال راعيات العباءات الضيقة !!
خطأ ؛ لأن المرأة بكيفها تكشف وجهها أو تغطيه لكن جسمها ملزومه تستره بعباءة واسعة ..
وهذا قصدي .
نطالب بتوظيف النساء عشان نفتك من قلة تربية أغلب البائعين .

اقتباس: ايه وليش مايفك ازمه بنظرتس هالمحلات ماتوكل عيش.....

فديكا بالعقل بقولك جملة وقولي صح أو خطأ !

سبب المغازل .. عدم توظيف النساء في المحلات !
سبب قلة وظائف النساء .. احتكار الرجال لمحلات المستلزمات النسائية !
سبب وجود فتاة من الرياض وعملها على حدود سكاكا .. عدم توظف النساء في المحلات آنفة الذكر !

بربك هذا منطق !
المغازل أزمة .. وموضوع المحلات أزمة ثانية !
المدرسات ومشاكل النقل موضوع .. والمحلات موضوع ثاني
صح كلهم مشاكل وأزمات .. بس مالهم علاقة في بعض
أما نربط بينهم فشيء ما يقبله عقل !
ولو تلاحظين أصلًا أغلب المغازلجية اللي مرفهين ماديًا وماينقصهم شيء !
أما كونا نبي الحريم اللي يشتغلون .. فعشان يفكونا من الإحراجات وقلة الحيا !

لكن إذا من جد يبي وظايف سنعة للحريم ودوامها حلو وراتبها معقول ..
فالمفروض إنه يطالب بسعودة كل المدارس الأهلية وإجبارها على دفع رواتب محترمة مب رواتب شحاذين !!
خصوصًا إنها تدخل ذهب !
هذا حل جدًا مجدي .. لاسيما إن المدارس كثيرة ووظايفها أكثر .. أما المحلات فكم عددها ؟؟
كم حرمة بتتوظف ؟ إن تعدوا مية حلو !

إن شاء الله وضحت وجهة نظري ؟
تسلمين مره ثآنيه ..
[/align]

[سيدآنه]

[align=center].
.

الكلآم هذآ جميل لو يصل للشيخ ..,

لكن مآ فيه لزمه يوصلنآ > حفظاً لعرض الشيخ من القيل والقال


.
.[/align]

[لبيه]

الشيخ على العين والراس وشخصيا احبه في الله لكنه مسؤول هو المفتي ويعتلي منبر اما ان يأخذ الاحوال الاجتماعية بالحسبان ولا فهو عرضة للانتقاد مثله مثل غيره نبيه مثل ما يسمع للمرجفين بالمدينة يسمع لغيرهم ونبيه مثل ماينتقي الخطب والرسائل بناء على مايسمع من محيطه فقط نبيه يعمم السماع لكل الناس نبي الشمول في خطبه الاجتماعية بدون خوف ووجل الا من الله علشان نبتل نحبه لايجي يوم يزعلون عليه الناس

[فديكا التميمي]

اقتباس:  المشاركة الأصلية كتبت بواسطة الصمت الخجول     [align=right] عودة للتوضيح يا فدوشه : ) نطالب بتوظيف النساء عشان نفتك من قلة تربية أغلب البائعين . وهذا هو اللي يطلب فيه وهذا اللي مفروض يصير.. وربي واحد من البائعين يوم اخذت القطعه قال لا هذي كبيره والا موب لك<<<<تكفون شسويبه حدي نظره.... فديكا بالعقل بقولك جملة وقولي صح أو خطأ ! سبب المغازل .. عدم توظيف النساء في المحلات ! سبب قلة وظائف النساء .. احتكار الرجال لمحلات المستلزمات النسائية ! سبب وجود فتاة من الرياض وعملها على حدود سكاكا .. عدم توظف النساء في المحلات آنفة الذكر ! ياااحبيلتس كل هاللي ذكرتي لهن عدة اسباب ويظل هالسبب جزء من الاسبااب...... لكن إذا من جد يبي وظايف سنعة للحريم ودوامها حلو وراتبها معقول .. فالمفروض إنه يطالب بسعودة كل المدارس الأهلية وإجبارها على دفعرواتب محترمة مب رواتب شحاذين !! خصوصًا إنها تدخل ذهب ! هذا حل جدًا مجدي .. لاسيما إن المدارس كثيرة ووظايفها أكثر .. أما المحلات فكم عددها ؟؟ كم حرمة بتتوظف ؟ إن تعدوا مية حلو ! كل شي ينفع... إن شاء الله وضحت وجهة نظري ؟ تسلمين مره ثآنيه .. [/align]

<<<<سجلي وحده تستلم راتب شحاااذه<<<هذا اللي يشب التسبد