مسلسل قتل الازواج شكله بدأ يشتغل .

[خالد2007]

زوجة تضرب زوجها بالساطور وتحرقه بمادة الأسيد في الرياض


الرياض- الوئام:
وصلت إلى مستشفى الشميسي ظهر اليوم حالة خطرة لرجل في الخمسينات من العمر وهو مصاب بعدة حروق بعد أن قامت زوجته بسكب مادة الأسيد الحارقة في وجهه وهو نائم.
وتقول مصادر " الوئام" الخاصة أن الحالة وصلت إلى المستشفى في غاية الخطورة حيث تعرض لحروق بالغة في الوجه والعينين،وفي منطقة الرئة أيضا،مع ملاحظة إصابة بالغة بالرأس نتيجة ضربة بساطور تلقاها منها.
وتؤكد المصادر أن الزوجة قامت فعلياً بمهاجمة زوجها الخمسيني أثناء نومه بالمادة الحارقة أولا وعندما فزع قامت بضربه ضربتين في رأسه وأطرافه بساطور كانت تحمله في يدها وقت الحادث ، الأمر الذي أدى لتدخل ابنها الذي قام بدفعها للخلف واتصل على الفور بالشرطة.
وقد أسعف المجني عليه على الفور ومازال حتى الآن طريح الفراش بقسم الحروق في العناية المركزة في حال ميؤس منها.(منقول).
عز الله ما اعرسنا ..الدعوى فيها ساطور واسيد .. ماش شكلي ابهون عن ام سليمان عقب هالخبر .
هلحين انا لامكدر ولامندر ومروق وهمن اعرس وافرح لي شهر وهمن مادري الا والساطور دابغن مع الراس وانا نيم ...ياشين ضرب النايم .>> مضروب مره وهو نيم
هقوتكم وراه دبغته بالساطور وكبت عليه الاسيد ....وين الحب اللي فقعتوا روسنا به .هالضعيف راح ملح وانتهى مستقبله بسبب هالسعلووه .
مهما سوى الزوج مستحيل توصل مع الزوجه تسويبه تسذا .>> جاه وحشه من العرس وشكله يبي يهون نهائي عن ام سليمان

[عاشق الخير]

اقتباس: وتؤكد المصادر أن الزوجة تعاني من مرض نفسي وقد قامت فعلياً بمهاجمة زوجها الخمسيني أثناء نومه بالمادة الحارقة

هذه الجمله سقطت سهوا عند نقلك للخبر..
لكن الله يكفينا شر الحرريم وجنووونهن .....
لا شيء يمنعهن من الانتقام ان أردن الانتقااام ...

[خالد2007]

اقتباس:  المشاركة الأصلية كتبت بواسطة عاشق الخير     هذه الجمله سقطت سهوا عند نقلك للخبر.. لكن الله يكفينا شر الحرريم وجنووونهن ..... لا شيء يمنعهن من الانتقام ان أردن الانتقااام ...

عاشق الخير انت معرس ومجرب وش رايك بالعرس بهالوقت بالذات .
صارن بعض الحريم يوحشن والرجال بعد يوحشون . يعني ماتامن على روحك ومعك احد نيم .كود تنام لحالك وتقفل على روحك علشان تضمن انك تقوم سليم .
تراي نقلت الموضوع من منتدى ويمكن هاذاك مطيحن هالكلمه .
الدعوى ياعاشق ضرب سواطير وماء اسيد...
على طاري القتل والصلخ والذبح ليش اذا حصل قتل او اعتداء قالوا مريض نفسي يعني مايقتل ولايضرب الا المريض النفسي .

[الرأي الأول]

شكله بويه {بويات}


الله يكفينا الشر

[خالد2007]

جدة -الوفاق -خالد سامي-
لقد تناست وصايا الرسول عليه الصلاة والسلام بالزوج ،ولم تظهر أي احترام لزوجها على الإطلاق بل تطاولت علية بالضرب والسباب ،فقد أحالت شرطة جنوب مدينة الدمام دعوى مواطن ضد زوجته، التي اعتدت عليه بالضرب، إلى فرع هيئة التحقيق والادعاء العام في الدمام. وأوضح العميد يوسف القحطاني المتحدث الرسمي في شرطة المنطقة الشرقية، أن تفاصيل القضية تعود إلى تقدم مواطن يبلغ من العمر 70 عاما إلى شرطة جنوب مدينة الدمام، ببلاغ يفيد فيه تعرضه للضرب من قبل زوجته الشابة التي تبلغ من العمر 26 عاما، وذلك لسوء تفاهم حصل بينهما، مشيرا إلى أنه تمت إحالة جميع أوراق القضية والدعوى إلى هيئة التحقيق والادعاء العام، وذلك بحكم اختصاصها في مثل هذه القضايا.
لا لا الدعوى رجالنا شكلهم يدبغون من زوجاتهم وجاحدينن علينا ...
زاد انا اشوف بعضهم بالمسجد اللي عينه زرقاء واللي خدوده حمر على سواد واللي يعرج من رجليه خخخخخخخخخ ياحول اثرهم يدبغون ومايعلمون احد .
بس تصدقون ان هالبنت عمرها (26)سنه وزوجها عمره(70)..طيب ورا مايعطين هاذي واعطيه ام سليمان خخخخخ والله قهر انا وغيري قاعدين وهالشايب لعنبوه معرسن على هالفرخ

[صريح جد]

الله يستر والله ياخالد صاير توحش انت ومواضيعك

عقب خبرك هاذا صرفت المدام قلتله اغسلي الثياب

ورحت للمطبخ ادور الساطور علشان اغبيه

[خالد2007]

اقتباس:  المشاركة الأصلية كتبت بواسطة الرأي الأول     شكله بويه {بويات} الله يكفينا الشر

الدعوى مختبصه ..انا خايفن لايصير فيروس ضرب الحريم وبدن يشتغلن ضرب بالسواطير من غير ماتدري هي ..والمشكله اذا دبغك بالساطور ورحت انت طعم جحوش قالوا انها مريضه نفسيا وطلعت من الموضوع وهمن بعد فتره تعرس على ضحيتن جديده .
هلحين انا لازم اتاكد من موت (ابوسليمان) ووشلون مات .

[خالد2007]

اقتباس:  المشاركة الأصلية كتبت بواسطة صريح جد     الله يستر والله ياخالد صاير توحش انت ومواضيعك عقب خبرك هاذا صرفت المدام قلتله اغسلي الثياب ورحت للمطبخ ادور الساطور علشان اغبيه

هلا عمو صريح ..الحق عمرك وضف الساطور والسكاكين حقات الشاورما الطويله .
ويستحسن تحط سكاكين بلاستيك علشان اذا نوت تنهيك واثره مايمديها تقطع الجلد الا انت صاحين من نومك وتهج .
الله يستر ياعمو .

[سمر العبدالله]

الله يستر بس ومودليل انو كل الزوجات قاتلات ...اكيد فيه سبب كبير خلاها تسوي كذا,,ضحكت من قلب على تعليقاتك . تقبل مروري

[زخات المطر]

[align=center]بقدر الألم و المصيبة اللي بالموضوع ، بقدر ماضحكت على بعض التعليقات ..




اتقوا شر الحليم اذا غضب يا ( رقَّالة ) .[/align]

[نـدى الـورد]

بس كذا؟

ياحراام

.

[" TWIX "]

الحريم مدري وراه كل يوم يتشيطنن..

أكيد في أمر مريب .. لا يصير عندهن نيه يبن يفنن وجودنا في الحياة
كل واحد ينتبه لنفسه .. المشكلة أنهن ما سكات المطبخ .. يعني في أي دقيقة
تخليك من ضمن "كان"
خفوا علينا يا حريم .. والله إننا حبوبين..
لو تعرفــوا .. لو تعرفــوا.. بنحبكـــم ونعزكــم كــده اد ايــــــه ..
لا تقـدروا حتـى التـــراب اللــي بنمشيلـكــــم عليــه ..

خالد تعاني من اسهال بالمواضيع ..

[ذات]

ههههههههههههههههههههههههههههههههههههههههاي ...
استغفر الله العظيم ..اللهم لا شماته ...انا ما اضحك على الرجال الله يشفيه ويعافيه ..
اضحك على مصدر الخبر ..مين الوئاااام ...
ياخالد عيد اقرى الخبر والله لوبعير كان انشوى من هالتعليق وهالدبغ اللي انكتب ..
الوئام هذي متى تتوب من حركات البهارات ...ساطور ويشق راسه وتصب اسيد مدري بنزين ...وين عقولنا احنا وين عايشين فيه ..خبر ساذج بحجم الوئام كما عودتنا ....


نجي لطحن والطيحن الزوجي ...
والله عاد ذي مابها مرض نفسي ...الا كبدها منفقعه منه ..فقالت ماني احسن من ريه وسكينه ...هذي وصلت حدها وهذا شكله مو حاس انه جالس يستفزها ...فركبت رسها وقالت اوريك ...ترى الغيره تسوي بلاوي ..زين ما سوته مشويات وعلقته وباعته للناس شاورما والا محشي ...

جباااااااااااااااااااااااااااااااااااااااااره ومرعبه ....

[كفاني عذاب]

اقتباس:  المشاركة الأصلية كتبت بواسطة سمر العبدالله     الله يستر بس ومودليل انو كل الزوجات قاتلات ...اكيد فيه سبب كبير خلاها تسوي كذا,,ضحكت من قلب على تعليقاتك . تقبل مروري

دائماً ضد الرجل
المرأه معصومه من الخطأ بـ نظرك ؟
الا يكفى ماقالته الوئام عن المرأه

[طنجرتين مجدرة]

استغفر الله

ياربي تعافيها ولاتبلانا يارب