خانت اهلها فكيف ماتبيها تخـــــــونك !!!!

[عاشق ديرتي بريده]

استغراب على اكثر الشباب اهتمامه بما يسميها حبيبته

اللي تعٌرف عليها بطريقة غزليه كترقيم او انتر نت وحزنه الشديد يوم يفقدها !

هي اصلاً بنت بلا مبدىء ولا تربيه سليمه وكما خانت اهلها

اقرب الناس لها ووثقوا فيها فكيف ماتبيها تخونك وتروح لغيرك

وكيف تحزن يوم تفقد بنت ساقطه بالحياة !

المشكله لو تسأل اي واحد عن بنت صاحبة غزل راح يقول

كلام لو تسمعه البنت كان تغيرت نظرتها للشباب والغزل !

اقل مايقال عن البنت صاحبة الغزل للأسف أنها ( دبشه ) !

اصحي يابنت وتوبي لربك فوالله العظيم أنك اردى الناس بعيون المغزلجيين !

سوف يملي غريزته ويرمك رمية الكلاب !

ان كنتي تشكين مجرد شك بكلامي فضعي موضوع وأسألي الشباب

ماهي نظرتك للي تغازلها وشوفي الجواب اللي مايسر اليهود !!

موضوع قد لايعجبكن ولكن للأسف هي الحقيقه .

ومااردى من البنت الا الشاب اللي كما قلت عنه من قبل جسم انسان بتفكير حيوان !

[سهاد]

صدق عاشق ديرتنا ...لكن ماذا تقول في الغرائز التي لم تجد من يشبعها ..والألفة في النت وعالمه

شيء أكبر من الوصف خاصة من بني جنسنا ..والدليل بمجرد غياب العضو او العضوه نشعر بألم

عليه وفقد ..وان كانت العلاقة عامه وسطحية ..لكن هي الأرواح ..!!


اخي ..المسألة ليست دباااشه بقدر ماهي اشباع رغبة ..من قبل الطرفين

أما ,,
المراهقات فـهن اللاتي يجب ان يعين الوضع بعكس المتزوجات والكبيرات فأعتقد انها فاهمه لكنها

تجدها متعه وكما قلت اشباع نقص حاصل ..

النظرة واحده منذ قديم الزمن وحتى الآن ..البنت التي تتقبله وتفتح له قلبها حتماً ستنصدم

لكن الصدمة بحسب ذئبها اقصد حبيبها ان كان خلوق وفيه نوع من الرحمه فلن يوصلها الى الكبرى

وان كان ذئب ووجهه وجه كلب فلن يرضى حتى يحقق مراده وهنا تصبح الصدمة كبرى ومصيبة عظيمه ..وهي ساقطه في نظره في كلا الأحوال ..

المشكله ان الكل يتفاعل مع الموضوع وهو في طريقه لايشعر بأنه من ضمن القائمه

يعني الوضع جدا مزري

شكرا لك

[aĻŖeem]

اقتباس: خانت اهلها فكيف ماتبيها تخـــــــونك !!!!

[align=right]
بلا شك من تخون أهلها تخونك يافهيم
ومن تخدع أهلها تخدعك
ومن تكلمك تكلم ألف غيرك .
فـ الله يصلح الحال
ويهدي كل ضال

[align=center]جزيت خيراً عاشق ديرتك[/align] [/align][align=right][/align]

[دِيم]

العذر أخي عاشق
لكن هذا الكلام أكل عليه الدهر وشرب
أصبح ورقة لاقيمة لها

.
.
الكل يعلم هذا الكلام , أصبحت كفة الفتاة والشاب متساويتين في الخطأ


.

[مشاكس عام]

اقتباس: اصحي يابنت وتوبي لربك فوالله العظيم أنك اردى الناس بعيون المغزلجيين ! سوف يملي غريزته ويرمك رمية الكلاب !

وهذا اللــــــــي حاصل للاسف !!!

رحم الله الاجيال الماضيه

لانت ولامغازله من فوق الجبال اذا ضربت الحمى يتغازلون بالاشعار

[عاشق الخير]

[align=center]بل خانت ربها ودينها قبل هذا يا عاشق ...
فمن لم يردعها الحساب و العقاب الرباني ...
لن تهتم بسمعتها واهلها ..

اقتباس: لكن هذا الكلام أكل عليه الدهر وشرب أصبح ورقة لاقيمة لها

لهذا سمي تذكير ..
[/align]

[جبل السكر]

موضوع بوقته وبمكانه



تحيتي

[أبو الريش]

خابر الموضوع اللي قبل آخر موضوع وش الللي خلاك تجدد ههههههههه

عاشق موضوعك على الجرح, لكن من يعلم ,, صدقني مايتصدى للأمور هذي الا البنت الذكيه اللي تقاوم فراغ العاطفه ,,

انا اذا شفت بعض من اللي اعرف يغازلون أرحم البنت اللي تكلمه لأنه بصراحه (شين) لكن عليه اسلوب يخلي نفسه بنظر البنت حلووو ,, بس الشكل الله يرحم الحال ( أثرم ولا سنونه صفر , ولا نص راس ثعلبه)

إذا على الخيانه الآن الشباب اللي يخونون مهب هن صار اللي يتعلق بالثاني البنت مهب الشاب وهذا الغالبيه اللي نشوفه

[لِـيم’]

من خان لأجلك يخونك

جزيت خيراً

[مناكير فوشي]

اكيد بتخونه شي طبيعي ..

انا استغرب من الشاب خاصه لاصار مسوي نفسه يغارعليه ويزعل؟؟؟


الله يجزاك خير ,, ويهديهم ولايبلانا,,

[كفاني عذاب]

جعل الله كل حرف كتبته في موازين حسناتك
وكل سنه وانت بـ الف صحه وسلامه

اقتباس: خابر الموضوع اللي قبل آخر موضوع وش الللي خلاك تجدد

اسكت لا يسمع كلامك همن يهون ويغيب تراي فرح يوم جاء ورجع لنا

[eivl girl]

[align=center]موضوعك حلو عاشق والردود جت احلا
لكن لو بتكلم بالحقيقه هذي مو خيانه
الحب امر فطري حتى نشوفه بين الاطفال والرسول كان يشوف العشاق يهيمون بالاسواق ماكان ينكر عليهم بالعكس
كان يحاول يجمع بينهم
لكن حنا تقاليد مجتمع سميناه خيانه الحب مااحد يقدر يوقف بوجهه مو معناته ان البنت راحت من وراء اهلها انها خانت لا هذا لانهم هم ضيقو عليها فتمردت عليهم
انا مو هنا مؤيده او اشجعهم لا ابرء لله منهم لكن الحق حق الخطاء خطاء مجتمع وعادات وتقاليد
انا ضد مقولتك هذي ان من خانت اهلها تخون حبيبها ياكثر متزوجات قطعت اهلها وعادتهم وهي وزوجها باحلا عيشه
دمت [/align]

[فديكا التميمي]

انا مااتفق مع عنوان الموضوووع .....
والله يستر عالمسلمين شباب وبنات
بــ تتزوج !! جآوبني بــ تتــزوج !!

ليه سآكت .. سؤالي مُــحرج !!

روح الله يوفقك كنت أدري ..

بخافقك وش قدري !!

عارفه مصيري من البدآيه ..

حبك أعماني عن النهايه !!

كنت مثل اللي يتعآطى الجرعه

بـ خوف و قلق و سرعه !!

لإجل يسكن رجفته ..

ويجمع شتات كلمته ..

يطمن روحه !!

يطبطب على جروحه !!

ويحس بوجوده وينسى

إنه تايه بلا مرسى !!

غبي يتجاهل نهايته بــ ( يموووت )

وحيد ..منسي .. بلا صوت !!

حطيتك على رآسي وسكنتك بعيني

والحين تقول بتفرق الأقدار بينك وبيني !!

خاف ربك وش سويت فيني

تقول مدري بس يقولون ..خآنت أهلها تخونك

كذآ تبيع نآس يشترونك !!

تعرف معدني زين

ما أرضى لنفسي الشين !!

ليه تعمم الأمثــال

وتصدق كلام ينقــال .. !!

المثل هذا صحيح للي تعرفك للمصالح ..

و حبها الكذآب وآضح !!

تبتزك لأجل غايه تبيها

توصل لها ثم ترميها !!

أصابع يدينك ماهي سوآ ..

ولو قويت أنت قلبي ما قوآ .. !!

هذا جزاء الإحسان..

جحود و نكران .. !!

فهمني قبل تمشي أنت وآعي !!

ولا تتعمد أوجاعي !!

وش ينقصني ؟؟

بعز القيظ تتركني !!

وتروح شهر العسل

ولا كأن شيء بالدنيا حصل !!

وش طينتك وش معدنك !!

وش اللي فيها يفتنك !!

جمال .. آنا بشهادة من شافني زينه ..

أخلاق .. بشهادتك عاقله و رزينه ..

ليه تزيدني غبينه !!

سنين حبيتك فيها ..

دآريت روحك .. سميت عليها ..

كنت أهتم بك وأنت تدرس

و جآي تقول أبي أعرس !!

ما أمداني أفرح إنك تخرجت ..

لفرحــيقتلت ..

ولـ قلبي طعنت ..

وش ذنبي إني بنت !!

فهمني وش المطلوووب !!

أحس قلبي معطووب ..

وش لازم أسوي !!

لأجل أطفي ضوي ..

وقفت جنبك ..

شريت قربك ..

وينه دفا قلبك ؟؟

ليه قل لي ليـــه !!

آدري كلامي مايغير شيء بــ تسويه !!

لكن آنهد حيلي

بأحاول اشفي غليلي ..

لعلي آصبر على شقا ليلي ..

روووح الله يهنيك بعرسك ..

صعب علي آفهم درسك !!

من يسقي بغيبتك غرسك !!

كل شيء بــ يذبل ..

وانت بــ تـرحل !!

وش يعني لو أزعل ؟؟

زعلوا قبلي ..

بنات كثير مثلي ..

ماكتب نزفي لأجل أعاتب أو آلووم ..

يمكن الخطا مو منك من المفهــوم ..

بـ تتزوج ( مبرووك عليك )

والله يصبرني لا جاء طاريك ..

بـ أبكي بس ماهو عليك .. !!

على روح حساسه ..

على نفس تمر بإنتكاسه ..

على مجتمع ينكر أساسه

بـ أسباب عقلي قلبي مات إحساسه !!

وصلت لمرحله عفت فيها الكون و نآسه

صعب أتكيف ..

مع وآقع مزيف !!

أمــر بمراحل تقليديه

تعتمد على المظاهر والسطحيه ..

مايمشي معي أسلوب تكشخي يابنيه..

لآجل تلفتين الأنظار ..

وتصيرين سوبر ستار !!

وتخطبك ذيك العجوز .. لولدها ..

وتذوقين من الدنيا شهدها !!

بتعرسين .. آووه من قدك لفلآن بتاخذين ..

سآعتها سوي اللي تبين !!

كفايه آسمحوا لي اقول آنهم جاهلين !!

اقدر البس من الملابس أحلاها ..

وآتطيب بعطور ولا أحلى من شذاها ..

وآصير ذيك البنت اللي كل من شافها ناداها !!

ما أقدر أعيش تمثيليه .. تلغى فيني الشخصيه !!

مافي أمل أكون .. زي مايبووون !!

بتقولون هذآ تمرد ..

أهون من أن الروح تستعبد !!

مآهمني كل اللي يقولونه ..

ما أرضى أكون ميني كان يعرضون عليه اللي يبونه !!

المشكله لآجاهم الطيّب يردونه !!

يعني هم أحسن ناس .. مااحد يساويهم !!

اصل وفصل ومنصب .. ماشاء الله عليهم !!

طلعوا من بطون إمهاتهم بفمهم ملعقه من ذهب !!

كل شيء ورثوه بلا تعب !!

ليتهم بس يرجعون للدين .. ويفهمون إن البشر متسآويين ..

مايدرون إن الرسول قال فيما معناه ..

زواج المحبين أفضل حل يراه !!

وهم مسوين زحمه ومشربكين المواضيع ..

و الإسلام بأخلاقه رفيع ..

رجاء لايتكلمون عن الدين !!

وهم بـ الجهاله متمسكين !!

والنتيجه .. حنا ضآيعين !!

للصدف متروكين !!

عالعموم مايضيعنا رب العالمين ..

وقبل أختم كلامي ودي أوضح شيء !!

مو دليل إن الكلام اللي كتبته ينطبق علي !!

الكاتب مرءآه لأحوال نــآسه ..

ابسط شيء يقدمه يشاركهم بإحساسه ..

وأنا من كثر ماشفت دموع سالت من عيون البنات ..

ضاق صدري قلت أكتب لعل الباقين يآخذون درس بالحياة ..

ومايكررون التصرف نفسه !!

لاصار بيجي يوم يعزمها على عرسه !!





والمعذره كاني طولت بالكلام ..

بس ودي احط يدي ع الجرح وأخفف الآلآم !!

وأقول لكل بنت .. فكري وش بيصير على مر الأيام ..

ما أحد معصوم عن الخطا لكن نقدر نعمل بالأسباب ..

ونسد عن الريح باب ..

شيء ماتضمنينه ..

على نفسك لا ترضينه .. !!

وأنا والله ماجيت أعطي دروس .. قصدي أذكر ..

إننا لازم قبل كل خطوه نفكر ..

ومن ترك شيء لله عوضه خير منه ..

ربي قادر يغنيك عنه ..

واللي عنده شيء يحب يحكيه ..

ليته مايبخل فيه ..

كلنا في صـرقعه على قلب واحــد ..

ورب العالمين شــــــاهد ..

[≈ Śķőőŋ »]

جزاك الله خير

والله يعافيهم ولا يبلانا

ويستر ع الجمييييييييييييييع ياااارب

يمآآل العافيه ..~

[سحايب نجد]

وهـ ياقدمك
شكلك توك تستوعب هع