نعشقه ونهواهـ اي بالله لا أبد ما نينساهـ << >>

[أمــ الحب ــير]

السلام عليكم ورحمة الله ويركاته

كيفكم ياكشابير والله ماحلفتوني انكم وحشتوني ياوحشييييين

تخيلو معاي انكم كنتو جالسين على سطح بلكونه بس تخيلو

واساسا ماكنتو محسبين انكم راح ترقدون بس غلب النعاس فجأه ورقدتو

وصار عندكم شخص بثر وماصل وفيه عرق دواسر ولايراعي حقوق الآخرين الراقدين
وجالك وحط سماعات بطولك يم رآسك ومعلي التضخيم والأمبيات وكل أدوات الأزعاج المصاحبه

وتصحى تحصل واحد يقولك :

نعشقه ونهواه اي بآلله لا آبد مانينساه هذا الأهلي ماحلاه
واللي تحداه ياويلووه ياويلوووه

ياناس اسمعوني ولالاتلوموني الأهلي في عيوني نحبوه فجنوني
ياويلووه ياويلوه ماجانا ياويلوه

حبيبي وطول العمر ايه بالله الاهلي وليا الفخر
واللي تحداه ياويلووه ياويلوووه

انا صحيت ونقزت متر ونص وصكني السقف وقفت فمكاني دقايق وفي رواية لحظة صمت

مدري انا فحلم والا حقيقه واجلس اطالع ذالغبي يناقز في المطبخ ويردد :

واللي تحداه والمسجل وراه ياويلووه ياويلووووه

المهم خربتها صرت اناقز وياه جوا المطبخ واهو يطالعني ويقول

واللي تحداه وانا اقول ياويلووه ياويلوووه

والمسجل يقول هويتك صغير جمالك يحير انا مقدر اغير عن حبك يانوير

وبعدين يردد ذالغبي اللي وياي واللي تحداه ياويلووه ياويلوووه

وانا اردد واللي ولع نار ياويلوه ياويلوووووه

عموما انتهت تشويت فيه ليما وصلنا اخر الشوقه

بعد ماخلصت اطالعه جالس يظحك واقوله مجنون انت لو لابسني جني شاللي راح تستفيده مع انو مافيه جن في النهار

المهم مالكم في طوالة السالفه <== وانت خليت فيها سالفه

جلسنا نفطر ومازال الزار شغال فينا صرت انا اقول نعشقه ونهواه واهو يرد اي بالله

وبعدين اصكه كف ويشوتني

المهم خلصنا فطور جلست ابحث في اللاب فجاه حصلت اشاره مفتوحه

وانا اللي اناقز طاير من الفرحه طاير وافتح المتصفح ويفتح معاي قوقل

وافتح مونتدى بوريده اللي من زمان عنه وهـ بس ياحبنيله باللي فيه

واطالع كني غريب تارك بلاده والحب من اجل واحد

حقيقه تغير المنتدى واغلب اعضاءه ماعرفتهم حسيت اني ماحسيت اني <=== عارفين الاحساس هذا هوا بزاتو

قلت ياولد الظاهر انك غلطان و جلوي بايع المنتدى وماخبرني

المهم اللي شد انتباهي نك عضو ( مطازيز بالفراوله )

جلست اتخيل صحن مطازيز في وسطه قطع فراوله ومحفوف بلبن

وعليه شوية زبادي مع موز حقيقه ماجاني مغص

انا بعرف لما اختار المعرف بكامل قواه العقليه والا كان مولي والا شسالفته ؟؟

لاكن حقيقه عجبني الله يلوع جبده

سين سؤال اللي يجاوب عليه بعطيه فطاير محشى مطازيز

ماوجه الشبه بين المطازيز والمرقوق ؟؟ و هل الجريش له تاثير اكلينيكي على الجسم ؟؟

صراحه تعبت وانا اخربط عليكم من فرحتي فيكم وهـ ياعلكم ماتعدموني

ولهت عليكم تصدقون يخرب بيت الدنيا والضروف اللي تفرقنا

عموما هذي ورده لكم كلكم كل عضو يمسكها شويه ويعطيها اللي يمه عشان ماتقولون رجع وماجاب لنا حاجه

واسفين عالأطاله والأزعاج حبايبي

واشكر كلا من بدر تركستاني والطرمبه اللي يمي وكل من ساعدني على اني اسلم عليكم واشوفكم

ونشوفكم على خير حبايبي يمكن بعد شويه يمكن بعد يوم شهر سنه الله اعلم على حسب الاشاره اللي حولي المهم اذا ماتواجدت وياكم ادعولي بالتوفيق لاني في مهمه وطنيه

محدثكم من خلف الشاشات ومن اعالي البحار والأنهار

م / فارس


اورفوار ياحلوين