لكل إنسان أمنيه.. وهذه أمنيتي؟؟

[أبو أنــــس]

أكيد لكل إنسان امنيه في هالدنيا..... بعضها ممكن تتحقق.. وبعضها راح تتحقق لما ينسدح على السرير ويروح في سبعين ألف شخره...


يعني الكل يتصارع مع الزمان..وده يحقق أمنيته..واللي مستحيل تتحق.. ودي نكتبها.. أما محزنه.. مسليه.. أهم شيء نستفيد خبرة بالأعضاء.. وطريقة تفكيرهم..


يالله انا راح أبدى.. وأنت شدوا حيلكم.. والله معاكم..


))))))))))))))))))))))))))))))))))))))))))))))(((( (((((((((((((((((((((((((((((((((((((((((


1_أتمنى أولاً أني إذا جلست على الكرسي عشان النت.. ما يوجعني ظهري..ولا تغفس بي عيناتي..ولا يجيني النوم..



2-أتمنى أخذ راحتي على النت بدون ماتجي أمي وتفصله.. ولا ياخذ أبوي سلك الجهاز ويخشه عشان الأمتحانات (مو من كثر جلوسي عليه.. إلا من قرادة حظي)


3_أتمنى إذا بغيت اغيب عن المدرسه ما تجلس أمي على راسي بالماء ولا بالدعاوي على الصبح..

4_ هندي بقالتنا.. اتمنى الخه بكف عشان يعرف إذا قلت له عطني بطاقة أشتراك وسجلها على أبوي يعطين..


5_أتمنى وهذا أهم شيء أني اشوف بن لادن وهو يمصع رقبة بوش ويتفل بوجهه .. يارب قولو آمين..


))))))))))))))))))))))))))))))))))))))(((((((((((( (((((((((((((((((((((((((((

الأمنيات الجاده..

1_ أتمنى إذا بغيت احمل مف.. ما تجيني نافذه يعني لا تحاولين لو تحبين السماء وتوقعين..

2_ أتمنى أعرف كيف أحط صوره جنب توقيعي.. وجنب اسمي بعد.. ينااااس علموووون.


3_ أتمنى أكون أفدت لجميع القراااء من خلال مشاركاتي القادمة.. ويدعون لي بالعرس أمزح لا تصدقون..

4_ وأخيراً.. أتمنى أجلد واحد مشرف قاهرني.. مو في هالمنتدى.. في منتدى ثقيل دم.. وأجلده.. وأجلده.. وأمعط شوشته.. وأقبص رقبته إلين تزرق.. هم أقول ضف وجهك.. أنا أكرهك (وحده على بالها تهزئ)








والسلام مسك الختام.. وأنا أنتظر ردودكم.. ولا أنسى.. لي أمنيه بعد ودي تتحقق.. ؟؟ وهي ودي أشوف هالموضوع اربع صفحات.. وااااااي كان اطير وأوقع من الفرح

[البارق]

هـــــــــــــــــــــلا اختي سارة

الله يحقق لنا ولك كل الأماني

لكن أمنيتي أنا مادام اننا في المنتدى هي أن يتفاعل ويشارك الأعضاء مع المواضيع المطروحة ، مايصير الواحد يطل ويروح وهو ما أدلى بدلوه 0


وتقبلي تحياتــــــــــي000

[أبو صلوح]

الأخت ( سارة ) .


الله يحقق لك احلامك وخصوصاً اللي تمنين فيها ان بن لادن يمصع رقبة بوش ويتفل بوجهه ونقول عسى الله يعجل فيها .


أما بخصوص المشرف اللي في المنتدى الثاني لعلك تصيرين أطيب منه وأكرم منه ولا تشيلين بنفسك شي على أحد .


تقبلي تحياتي ... موضوع جميل تشكرين عليه .

[فهد عبدالرحمن]

ههههههههههههههههههههههههههههه


احلام " سارة "

شاهدوه فقط هنا!!

على قناتكم المفضلة .................


توووووووووووووووووووووووت

..................................تووووووووووووووو ووووووووووووووت
.........
.................................................. ..............توووووووووووووووت


...

بعد الفاصل ...



ابقواا معنا....


.
.
.
.
.
.
.
.
.
.
.

قضية الهندي راعي البقالة
مدهشة

مذهلة


مضحكة



تخيلت اشتراكات النت كلها على النوته في البقالة؟

من يبي يسدد عاد..

.
.
.
.
.
.
واخرهااااااااااااااااااااااااااااااااااااااا


الله يحقق اماني اللي يتمنى...


بس المشرف ودي اعرفة ,,,

بس عشان اتطمش شوي...

.
.
.
.

[الغربه]

ساره00شكرا على الفكره

والاماني ماتخلص واحلاها عندي اللي تجي في احلام اليقظه00

ومن اشهر الاحلام عندي00

- مااغيب عن امي وابوي وكل احبابي يعني مافيه غربه00

- فجأه القى كل الناس العاطلين لقوا وظايف00(قويه)

- جوالي ينسونه شركة الاتصالات ومايصير له فواتير00(اقوى)

- سيارتي تمشي على مويه00

- اقوم من النوم والقى دراست خلصت00وبدل ماروح لها اروح لوظيفتي0

- اغربل واجدد التلفزيون السعودي00

- اصير مللك يوم واحد00واذا صرت اقولك ياساره وش امنيتي00

امي00بعد عمري

الغربه

[مرام]

هــــــــلا 0000ساره


يوووووووووو لو تتحق جميع الأمنيات بس بني أدم طماع ماتتحقق امنياته كلهـا


اتمنـــــــــى تتحـق امنياااااات جمــيع المسـلمين

قولووووووووووو امـــــــــين!!



اما عن امنياتي فهي كثيرررررررررررررره
مهب بعيـده عن امنيــات سااااره


اكيـد بعد امنيات اي مسلم نروح للأمنيــات الخاصه

اولا: تجـي الأجــــــازه ونرتـاح من المدرسه يوووووووو يســـــلام
ثانيا:ننجح من المـدرسه ولا يخرب كمبيوتري كل يوم وانا رايحه اصلحه ولا ينقطع الأتصال علي
ثالثا:اني ماازعل احـــــــــــــــد
رابعــا : يشيل ربي عنا معلمة الفيزيـاء والله لو تعرف كااان ياويلي
خامسا: يجيبيون برمضان جزء جديد للبواسل
سادسا:تـــدعون لي بالنجــاح بالدنيـا والأخره
سابـعا:كل اسبـوع نـروح رحله مع المـدرسه
ثـامنا:ان اكوووووووووون خبيره بالأنترنت والكمبيوتر
تاسعا:اني كل مادخلت المـاسنجر القى احد اكــلمه
عــاشرا:انـي مااكون طولت عليـكم وازعجتكم تراني( مااعطى وجه )
احدى عشر:اني اسمع كل الأغـاني الي بموقع رعووودي
اثنى عشر: خلاااااااااااص كفاااااااااااااايه

والله احس اني ماخلصت امنيااات
مشكووووووووره اخت ساره على الموضووع الصراحه موضوعك مرره حلوو
ساره ماخليتي شييء اكتبه

امنيـتي الأخيره اننه يتحقق الي قالت ساره تكون الردود اكثر من صفحتين

تحــــــــياتي مـــــــــــــــرام

[snaalbark]

أختي سااااااره .. والله ياهو موضع .. موووووووت

تراني تفاعلت مع موضوعج كتير .. كتير ( أصلي حساس وقلبي رهيف .. تصدقين من كثر الشقوق اللي به .. كله شطر طونات) !

الله يحقق أمنياتج كله ... عاد تراه سهله

على شان ما ينكسر ضهرج خليك واقفه .. وحطي تحت الشاشه بلكه علشان يرتفع ......... هاذي قضين منه .......صح

طيب الثانيه .. سهله خوذي الكمبيوتر للمطبخ .. وحطيه ..عند القز .. ولا جت امك ( الله يحفظه ) أبدي كشني ( حج وقضيان حاجه ) برضه .. هاذي قضينا منه .... أكيد مهوب صح

الثالثه .. وشي نسيته ياربييييييي .. ايه لقيته .. تصدقين عاد ما ودي تحقق لك هاذي الأمنيه ... ( ترى ها الأيام سوق المدرسات ) تصدقين ابقولك سالفه ( عندي أخت صغينونه وشطوره مثلك ... ومن جوده دايم تأخذ الأوله ... تصدقين جاء واحد وحجزه .. متوقع له مستقبل)

عاد راعي البقاله .. وش تبينوه يزين يعطيج بطاقه ... ويسجله على ابوك جبن وقشطه ... وراه ما تفتحين أحساب عنده بأسم بنت جيرانكم

أما حقت أبن لادن .. أويلاااااه .. تكفون أنا أبي ( توني بلير .. تكفون خلوه لي ) والله يا معه رقبه .. مهبوووله .. تصلح للمصع )

اما حقت المشرف .. تراه حبيب وعلى نياته .. بس أنت الله يهديج حاره .. ولا تعرفين كيري ميري ) تراي أعرفه .. بس تراه حلق مهوب على خبرج ... وبعدين ما معه رقبه ( أصله قاعد يركب مكيف لبيت عمه .. يحول طاح المكيف على رأسه .. ودقرت أذانه بكتوفه )

حقت الصوره .. تكفين لا قضيتي متمنيه .. تكفين أنا بعدج تراي ما اعرف ( درسون الشباب ماقصروا .. بس ماش .. الولد سر عنز ابيه )