البنت اللى مااااااااااااااااااااعرست .... تتفضل ... وممنوع دخول الشباب والعجايز ..!!
بسم الله الرحمن الرحيم
السلام عليكم ورحمة الله وبركاته
اوقاتكم سعيدة بأذن الله تعالى .. اينما حللتم
ياشب ياحلو ياللى داخل الموضوع .. ايه انت وخشتك .. لو سمحت اطلع .. يعنى لازم تحرج نفسك وتدخل .. يلا اطلع الموضوع خاص للبنات وانت ( الصيدة هههههه ) .. وانتى يالعجيز من زين خشتك وانتى داخلة قلنا الموضوع للبنات مو ( للعجز ) حتى لو تغطيتى عارفك من ريحتك واصابعك الخشبية.. يلا روحى جنب شايبك واعمليله مساج وطقطقى اصابعه وهمزيه ولمزيه وادهنيه ..( يمكن يسعدك الليلة ويرجع شباب لاتزعلين عليه تراه ماقصر معاك بشبابه!!) .. هههههههههه ( يلا اخرجوا الموضوع كله تصريف بضاعة )
طبعا فيه ( بعض ) البنات ناشبه بحلق اهلها وما أعرست ولا هم قادرين يصرفونها وهذه نصايح بالطرق العلمية الحديثة لاصطياد الزوج بعد عدم نجاح الطرق القديمة والعقيمة ( التررز اللى ماله سنع بالاسواق ,, التلميح ومصادقة اخت الشاب ,, والاستعراض بالزواجات للفت انظار العجايز ,, وجميع الطرق الملتوية ) ..
اتبعى مايلى :
ضعى امام عينيك ( العجيز ) اللى عندها ولد وتبحث له عن عرووووس ..
تلزقى فيها مع امك اذا راحت لها او جتكم العجيز لبيتكم واتركى عنك الهببة للاسواق والحدايق اللى مالها سنع مع البنات الله يعينك لازم تحرمين نفسك كم شهر من الهجولة ههههه
خليك امام العجيز منزلة راسك لاترفعينه ابد حتى لو ينزل الدم براسك واجلسى بعيدة عن مركاها وياليت تكون جلستك بزاوية كانك يتيمه ههههه ويكون معاك مساحيق شعبية كالفكس .. عشان تقول العجيز هالبنت مودبة مو متكبره .. وعلى فكرة ترى العجز يموتن بريحة الفكس ههههه
كلمة( خاله/ سمى / ابشرى / تامرين امر .. الخ ) دايم على لسانك لها وساعديها بقومتها وجلستها وبوسى ر اسها ... الله يعينك اذا كانت لها ريحة ( سكرى خشمك ) وتحملى .. لازم تحسسينها بالتمييز بين العجز عشان يكبر راسها ..
مو مشكلة انك تجاملين عجوز ثانية وتدلعينها عشان لاسمح الله مانجحت الخطة مع الاولى تنجح مع العجوز الثانية يعنى تكون ( احتياط ) او اسبير او بديل
اخوانك الصغار اذا عملوا ازعاج بوجود العجايز قومى تنهضى وطامرى وراهم وحاولى انك تهدينهم كانك امهم وضميهم وبوسيهم وتحمليهم بوجود العجايز حتى لو نتفوا شعرك .. عشان يقولون هالبنت حريصة على اطفالها
اذا راحت امك للعجوز واكلت اكله حلوة عندها حتى لو كان من مطعم ايطالى او يابانى وصيها انها تقول هذا نفس طبخ بنيتى .. رغم انى متاكد انك ماتعرفين طريق المطبخ ولا تعرفين تشعلين الغاز ..
اذا جتكم العجيز بمناسبة عشاء اجلسى جنبها وقطعيلها من اللحم حتت صغيرة عشان ( ماتغص باللحمة وتموت هههههههه ) ولا تصرين بشعة بالاكل كولى باستحياء وبطرف اصابعك ياملهن الكسر خخخخخ
وصى امك اذا نظفت ولمعت البيت تقول قدامهن الله يعطيك العافية يابنيتى من بعد هالاعاصير والغبار صارت الجدران والشبابيك ( تلمع وتلق ) من النظافة والله انى صرت اشوف صورتى فيهن .. واعملى نفسك انك مانتى مهتمه بمدح امك هههههه
اذا هرجن العجايز بالاعراس حاولى تكتمين انفاسك حتى تحمر خدودك واحاولى تعملين نفسك انك شرقتى بالما او العصير حتى يقلن هالبنت خجولة مالنا حق نتكلم امامها .. بس هاااااااااااااااه لاتكمين نفسك مرة وحدة ويصير لك مكروره بسبتى خخخخ
العجز دايم سوالفهن يحشن ويقطعن اعراض الناس لاتتجاوبين معهن ولا تتكلمين وتصرين ملقوفة خليك مثل الطرما عشان مايقلن هالبنت ( ياما تحت السواهى دواهى ) ..
اذا كان شعرك خشن خليك دايم امامهن مغطية راسك ومتحجبة لان اللى شعورهن طايرة ياعمرى ماحد يلتفت لهن .. او حطى عليه زيت سيارات محروق عشان عشان مايطير ههههههه
اذا العجوز قالت سالفة ونقاش او كذبة وعارضنها العجايز حاولى انك تناصرينها وتاقفين بصفها حتى لو كانت غلطانه وكذابة .. وش تسوين لازم تكذين مثل هالمواقف .. يانصابة ..
فى الاعراس مو مثل المهبولة والمرجوجة ماتنزلين من البست ماغير رقص .. اقضبى الارض واحرمى نفسك الرقص حتى يقلن هالبنت ثقيلة .. واجلسى على طاولات العجايز ..
اذا جابن بالحديث طارى الاسواق خلى امك تقول والله بنيتى ماتحب تروح للاسواق ابوها واخوها يجبون اغراضها وانتى وخشتك ( اكرمك الله ) جزمتك متقطعة من كثر اللفلفة بالاسواق واصحاب المحلات عرفوك من كثر التسوق ههههههه
ممكن العجيز حاطه ببالها ومنشله على بنت ثانية الله يسامحهم لاكن اذا اتبعى كلامى اعلاه راح تصرف النظر عنها وتحطك امام عينها وبهذه الطريقة اوقعنا العجيز بالفخ ..
نجى للمعرس ولد العجوز اذا جاء يخطب
اهجدى وخليك عاقلة واقضبى ارضك ماهو تصيرين مثل المقروصة ماتقدرين تجلسين ماغير مع البيبان والشبابيك وتلفلفين من عند مجلس الرجال وترخين اذانك لخطبتهم .. العلوم كلها رايح تجيك بالتفصيل بس انتى انطقى بغرفتك ههههههه
واذا طلب شوفتك بيوم الخطبة خلى ابوك يعطيه موعد بعد اسبوع عشان تروحين تصبغين خدودك وترتبين شعرك وتاخذين حمام سونا تنقعين فيه لمدة اسبوع عشان تنزل شحومك وتتغير ملامح وجهك ولا تخلين على روحك قاصر ..
واذا جاء المعرس يوخلى اخوك بجنبه ويقفل الشباك بسرعة عشان مايشوفك زين وتظهر بلاويك المستخبيه .. وخلى ابوك يقول والله البنت توها صاحية من النوم وحوسة ومغصوبة على الشوفة.. وانتى لك اسبوع من مشغل بكوافيرة هههههههبشوفك لاتجينه مع الباب تعالى مع الشباك ويكون بثمك علكة وامشى بمشية الحمامة وقوليله ( هاااى ) بدلع وغنوجة لان الشباب يحبون هالنوعية .. رغم انى عارف ان صوتك خشن بس حاولى تعودين نفسك عليها
وبهذه الطريقة .. اقولك ........ الف مبروك ياعروووووسة ..
ولا تنسين اخوك عااااشق بلا حبيب من حلاوة العرس هههههه
وهذه نصايح بالطرق العلمية الحديثة لاصطياد الزوج بعد عدم نجاح الطرق القديمة والعقيمة ( التررز اللى ماله سنع بالاسواق ,, التلميح ومصادقة اخت الشاب ,, والاستعراض بالزواجات للفت انظار العجايز ,, وجميع الطرق الملتوية ) ..
هههههه اعوذ بالله وش هاالطرق 
ابشرك اجل عنسنا لاصآرت هذي السوآيا 
العرض العادي
