مشرفي احد المنتديات مغازلجيه....

[رانسيM]

السلام عليكم ورحمه الله

طبعن قبل مأقول قصتي ....حابه اقولكم كلمه حق اقولها في هذا الصرح الرائع

اولا ...اعذروني راح اتكلم بالعاميه

انا ادرس بثاني ثانوي...وعمري 18



انطردت من احد المنتديات.....بس عشاني قلت الحقيقه امام الأعضاء!!!



السبب الطرد من الأداره: انتي شوهتي سمعت المشرفين......



بدايه القصه.......



اعجبت بكلامهم ومثاليتهم امام الاعضاء.........مو بس مشرفين الا ملائكه بالمنتدى....



جميع الاعضاء يثقون بهم...وانا ارتحت لهم.....ارسلت رساله للمراقب العام ...بخصوص موضوع بالمنتدى فأرسل لي رساله فيها رقم احد المشرفين لهذا المنتدى الظالم......




فكرت وقلت ليه ماتصل جميعهم اساتذه وكبار ويكفي من المواضيع الي ينزلونها انهم اناس ايخافون الله......



اتصلت ......وياليتني ماتصلت......



صااارت مشاكل بيني وبينهم..... اخطيت عليهم .وفي الاخير اطردوني وكانوا هاذي المره على حق...


لكن بعد ماطردوني اتصل علي واحد منهم...فأستغربت وقلت له...انتم ماتبوني اشارك بالمنتدى والحين تتصل ع جوالي ليييه؟؟ حنا الي بيننا منتدى وانتم طردتوني يعني انتهى كل شي...فقااال لي: انا ابي اتواصل معك...



ومع مرور الوقت.....اطلبوا مني اعتذر لهم عشان اشااارك بالمنتدى....فواقفت وكتبت لهم الاعتذاار





يعني اعتذرت لهم....وقال لي احد المشرفين.راح اخليك تشاركين بس....ياليت مايكون بينك وبين اي مشرف اتصال.....فقلت له ان شاء الله وانا كنت عند كلمتي...



وبالفعل رجعت للمنتدى وشاركت والتزمت بحدودي وكل ارقامهم مسحته...



لكن....المشكله ان هذا المشرف رجع يتصل ع جوالي....وانا والله مستغربه....يعني هم عند الاعضاء محترمين..ومايسون هاذي الحركات....


فكتبت شكوى بقسم المساعدات وقلت لهم ان هاذا المشرف يزعجني...وكتبت رقمه...لهم


واول مانزلت الشكوى وقرأها اتصل ع جوالي ولما رديت عليه يقعد ايهاوشني وايقول ليش كاتبه رقمي بقسم الشكاوي؟؟!! فهاوشته وقلت له اكثر من مره ياليت تلتزم بحدودك....ولاتتصل علي ولاتخليني اظطر اخلي ابوي ايكلمك.......فقالي ياليت والله امنيتي اني اكلم ابوك عشان اعلمه عليك........فخفت ان المسأله تكبر!!




واكثر من مررره قلت لهم لاتدخلون بحياتي اي شي بيننا خلوه بالمنتدى...مأحد عطاني وجهه منهم



واستمر يزعجني ويرسل لي رسايل يحاول يستفزني...........ففكرت وقلت لازم اقهرره ....وافشله امام الاعضاء






فنزلت موضوع.....وكان عنوانه...من المشرف الي قاعدن يتصل ع جوالي؟؟؟


كل الأعضاء ماصدقوا واكثرهم قالي مشرفي منتدى.... من احسن المشرفين ولا يمكن يسون هاذي الحركات!!!


فقط قليل الي وقفوا معي وصدقو السالفه...حتى بعضهم قال....اكيد من بينهم ضعاف النفوس...



اما الباقي فشتم وسب فيني...مو مصدقين...كمان حلفت لهم اكثر من مرره بس ماقتنعوا....هم منخدعين فيهم وانا اولهم لدرجت اني اخطيت وعطيتهم رقمي..من الثقه الزايده فيهم....



دخلو المشرفين ....واحذفو الموضوع....بعد ماستمر عشر دقايق والكل قراه....


احضرو اسمي.....عشان فضيحتهم الي كتبتها...وكنت عارفه انهم بيطردوني لكن انا كتبت الموضوع عشان اكثر البنات ماتنخدع فيهم.!!!



واناانسانه اخاف الله واعرف ايش هي عاقبه الظلم ولايمكن اني اتبلى اواتهم احد بالظلم....




واهم اظلموني واتهموني اني احاول اشوه سمعتهم....وانا اقسم بالله اني ماكذبت.....حتى بعد الطرد الى هاذي اللحظه يتصل ع جوالي يعني وش رايكم بهذا الظلم اسكت ولا وش اسوي؟؟؟

.{ عن طريق الخاص اقول لكم اسم المنتدى}

ملاحظه:
بعض الاعضاء ايعرفون القصه لانهم مسجلين هنا وهناك....كمان شافوا بعيونهم موضوعي الي كتبته واحذفوه المشرفين.....

[قلم صريح]

الله يصلحتس ويهديك .الخطأ من الأساس يقع عليكي وأنتي فتحتي باب المشاكل بعد أن أخذتي رقم تلفون ذلك المشرف .
أختي الكريمه إحمدي ربك إنها إنتهت هكذا ...تخيلي لو المشرف معاه صوره ليكي أو مسجل صوتك مثلا .
خذيها نصيحة : لاتثقي إلا في أبيك وأمك فقط لاغير

[عاشق الخير]

[align=center]والله اذا انتي بالسهوله هذي تعطين ارقاامك بالمنتديات ..


فارى انهم ذئااب وجدوا صيده سهله ....


المشكلة الاكبر ليست منهم بل منك انت ..[/align]

بصرااااااااحه وبس

[عبدالله الحلوه]

رانسي


مع احترامي لكِ إلا انك انتي سبب ماحدث منهم فمن فتح الباب على نفسه لايشكي مرور الرياح

سذاجه منكِ ان تثقي بأشخاص خلف معرفات مستعاره اياً كان موقعهم وأياً كان مظهرهم في النت

ولأول مره اسمع بأن هناك من يرسل رقمه بهذه البجاحه ويجد من يتجاوب معه بهذا الشكل !


من ارخص نفسه لاينتظر ان يغليه الآخرون

وفي كل مكان قد تجدي امثال هؤلائك فلاتقدسي الأماكن ولا الأشخاص فإن لم تحفظي نفسك لن يتوانى امثالهم عن استغلال الفرص للوصول إليك




تحياتي ,,,

[سحايب نجد]

استغربت قصتك يعني بعد كل اللي سمعتيه من مأساي وقصص برضو اعطيتهم رقمك!!!
الدنيا عبر والمحظوظ من اعتبر

[عشق الزعامه]

[align=center]أنا وأنا رجال ما راح أعطي رقم جوالي لأي أحد ،،

خير إن شاء الله راس ماله منتدى وش دخل رقم الجوال بالإعتذار .

لعله خيره وأنتبهي تثقين بإي أحد مهما كان .

[/align]

[رانسيM]

اقتباس:  المشاركة الأصلية كتبت بواسطة قلم صريح     الله يصلحتس ويهديك .الخطأ من الأساس يقع عليكي وأنتي فتحتي باب المشاكل بعد أن أخذتي رقم تلفون ذلك المشرف . أختي الكريمه إحمدي ربك إنها إنتهت هكذا ...تخيلي لو المشرف معاه صوره ليكي أو مسجل صوتك مثلا . خذيها نصيحة : لاتثقي إلا في أبيك وأمك فقط لاغير

انا عارفه انكم تبون تقولون الخطا مني...


بس حتى هم الي أخطوا...علي....ثانكس لك

[ツ • بسْـطـَويِـسـْي]

انتي اخطأتي واتمنى غيرك مايقع بالخطأ الي وقعتي فيه .

والسعيد من وعظ بغيرهـ .

احترامي

[رانسيM]

رجأن لاحد يفهمني غلط انا مأكلم احد....

بس كل شي صاار صدفه....يعني هم شيبان....واسلوبهم محترم بس بعدين تفاجأت منهم

ياليت الي ماعنده رد لايجرح

[مشقاص]

الحمد لله عمري في حياتي ما صرت مشرف ولا سوبر فايزر

يقول المثل
الباب الي يجيك منه ريح سدو وأستريح..... والي فيه ريح ما يستريح

[عجوز سمنسي]

[align=center]ياحليلها رانسي

اثاري البنات دلوح على طول ينهك عليهم ويوزعون اراقامهم

راس ماله منتدى لو يقفل المنتدى بوجهك المفترض ماتدقين ولاتتصلين

انا ما ادري ليه البنات يهمهم امر المنتديات وتثيرهم اشياء تافهة جدا

الاحظ كثير ان البنت يهمها فلان وعلان ويهمها تجمع اخبار وتعرف وش شكل هذا والاقي حساسية بينهم ليش هذي ترد على هذا وهذا يرد على هذي وتثير في انفسهم امو تافة لابعد حد

ياصغيرتي انت لازلتي في عمر المراهقة ويجب ان تدركي ان هذا العالم عالم غابة كل كبير يريد ان يأكل الصغير فاذا لم تنتبهي لنفسك فلن يرحمك احد

وبعدين استغرب انا من غفلة الاباء عن اولادهم
وين اهلك انتي عنك ؟ تاركينك تسولفين براحتك وتكلمين ولارقيب عليك ؟
هذا جزاء ثقتهم فيك ؟ معطينك جوال وتقرقين مع رجال ؟

الجوال للاشياء الضرورية ولا اجد ان المنتديات ضرورية علشان تكلمين اصحابه

بصراحة اللي عطاك فهلوي صاير بمعرفين عطاك الرقم على اساس انه مشرف اخر وتلاقينه هو نفسه ذلك المشرف يلعب على الحبلين الداشر

الله يستر عليك [/align]

[عاشق الخير]

اقتباس:  المشاركة الأصلية كتبت بواسطة رانسيm     رجأن لاحد يفهمني غلط انا مأكلم احد.... بس كل شي صاار صدفه....يعني هم شيبان....واسلوبهم محترم بس بعدين تفاجأت منهم ياليت الي ماعنده رد لايجرح

الله يستر لا يشوف هالرد العجوز السمنسي ويقوول انا شاايب عطين رقمك ..

يا بنت المسلمين ..

يا اختي الفاضله ..

يا حشاشة جووف امك وابووك ...

ندري ان هذولاك مخطين ..

بس البيت اللي باابه مخلووع وش يرد البس يدخل فيه ...


انت تساهلتي بخصوصياات كان اولى ان تخفيها حتى مع العضوااات المشاركات بالنت ..

فمن يجد بنت بسهوله ترسل رقمها ...

يقووول ماااااااااااشاء الله ما اسهلها ....

[رانسيM]

اقتباس:  المشاركة الأصلية كتبت بواسطة عاشق الخير     [align=center]والله اذا انتي بالسهوله هذي تعطين ارقاامك بالمنتديات .. فارى انهم ذئااب وجدوا صيده سهله .... المشكلة الاكبر ليست منهم بل منك انت ..[/align] بصرااااااااحه وبس

مو عشان عطيته رقمي صرت ا اوزع رقمي بكل المنتديات...ياليت تفهمون السالفه اول شي....

[عجوز سمنسي]

اقتباس:  المشاركة الأصلية كتبت بواسطة عاشق الخير     الله يستر لا يشوف هالرد العجوز السمنسي ويقوول انا شاايب عطين رقمك .. يا بنت المسلمين .. يا اختي الفاضله .. يا حشاشة جووف امك وابووك ... ندري ان هذولاك مخطين .. بس البيت اللي باابه مخلووع وش يرد البس يدخل فيه ... انت تساهلتي بخصوصياات كان اولى ان تخفيها حتى مع العضوااات المشاركات بالنت .. فمن يجد بنت بسهوله ترسل رقمها ... يقووول ماااااااااااشاء الله ما اسهلها ....

ياويلي يالسمنسي

وش ابي برقمها ياشيف عاشق الخير << جايزة له كيكة الشلال

انا شايب وابي وحده طال عمرك تخدمني باقي عمري ما ابي صغيرة ابلش فيها

[عجوز سمنسي]

اقتباس:  المشاركة الأصلية كتبت بواسطة رانسيm     مو عشان عطيته رقمي صرت ا اوزع رقمي بكل المنتديات...ياليت تفهمون السالفه اول شي....

فاهمين السالفة وماتبي فهم

انتي بسذاجة صدقتي ناس مجهولين ياصغيرتي

الله يستر عليك ويصلحك

هذي ماتبي فهم