ذاكرياتك في رمضان ..... لايفوتكم

[سلطان الاحساس]

السلام عليكم ورحمة الله وبركاته :-

ابارك لكم شهر رمضان شهر الخير والغفران والعتق من النيران

جاني مع اول ايام رمضان ذكريات عديده كنت اتذكرها في كل

سنه مع حلول هذا الشهر العظيم منها مايكون (( مفرحاً ومنها

مايكون محرناً ومنها مايكون مبكي ومضحك وغيرها من الذكريات ......الخ ) وفي هذه الاثناء

اردت ان تشاركوني ذكرياتكم مع ايام الطفوله ليومكم هذا ...

الموضوع بااختصار عشان مااطول عليكم

كل واحد يكتب ذكرياته مع رمضان

انا ابدا اول واحد

اذكر لما كنا صغار كانوا االاهل يضحكوا علينا يخلونا نصوم لين

الظهر وبعدين يقولون خلاص خلص اليووووم كل واحد ياكل ويشرب

ولما ناكل ونشرب يجلسون يمدحون فينا يقولون والله ماشاء الله

عليكم تتحملون الصيام واحنا مصدقين فرحانين على بالنا صايمين

وكل ماسالنا احد هاااه اليوم صمتوا نقول بسرعه ايييييييه

مانصدق ان احد يسالنا وبس ههههههههههههه

يالله كل واحد يسدح ذكرياته مع رمضان .....

[سلطان الاحساس]

معقوله مافيه احد عنده ذكريات ....؟؟؟؟

[عبود زمان]

حياك الله اخوي سلطان

انا بصراحة كان رمضان بالنسبة لي كله ذكريات

أولها إننا نبدأ نجمع بواجي السيارات علشان نطرطع بهن

وكان الصيام بالنسبه لي بس لا صرت بالبيت ولا طلعت ولقيت عيال الحارة علطون نفطر خخخخخ

وكنا نجتمع باليل وسعسعه بالشوارع

وكنا نلعب طائرة أرضي تسان تعرفه

وبث

مشكوووووووور اخوي

[ناااايف]

كنت وانا صغير اسهر انا واخوي الى طلوع الشمس ومازالنا ناكل ونشرب واحيانا نسوي فطور وننام واذا صحينا كملنا صيامنا طبيعي
القصه انو على بالنا ان الصيام يبدا من نومنا حتى لو الظهريه الى ان نستيقظ ههههه

[موسى العناز]

[align=center]يووه كثيره الذكرايات

لي رجعه بإذن الله

يسلمو ياأحمد[/align]

[بنت منيره]

والله كنت اصوم مع الصايمين وبـ الليل اتابع الفلام معهم

لاني كنت عند جدتي وبيتهم كله شباب كبارين >>يترجوني اكل لاني هيكل لكن مستحيل اكل لازم اصوم مع الصايمين>>>احس روحي كبيره الله يخلف
هالحين امشي واسوي لي اخواني اصغيري فطور من جميع الاشكال والاصناف علشان مايصيرون مثلي من عمر الدينا اصوم خخخخخخخخخخخخ

ما اتذكر شئ بس لو اتذكر اجيب انثره في ذا

تشكرات

[»‏جـوري«]

والله الذكريااات كثيره
بس اذكر قبل العام نايمه العصر وأهلي يقومونن قومي مابقى شي وياذن المغرب عاد انا يالله ساعتين علشان اصحصح ملوا اهلي وخلون عاد انا قلت اذا سمعت الاذان ابقوم انام ثمن اقوم شوي ابشوف اذن ولا لأ تقل حلم يعني ماركز بكل شي المهم سمعته ياذن الا وطيران اقوم واروح للغرفه كل اهلي قاعدين بس ماشوفهم ياكلون انا ماهتميت على طول بديت ابلع واشرب ماء
واسمع اهلي يصرخون علي مابعد اذن هذا اذان الرياض
هههههههههههههه
يسلموووو سلطان الاحساس

[قلب الأسد]

سلطان الأحساااااااااااس نورت ,,

انا اذكر يوم حنا صغار نصوم الى الظهر وبعدين

يجيبون لنا اهلي غداء اللي يبقى من السحووووووووور

يقالنا صايمين .

[رهينة الاحساس]

[align=center]خخخخخخخخخخخخخخخخخخخخ
آحلى شيء يوم آنآ صغيره صيآمي فلله
لآصآر مآبوه آحد شربت مآء وآكلت آللي آبي
ولآجآء وقت الفطور بعدوآ عني آبلش آبوي
يبه ترآي صآيمه همن يقول يآحبيله بنيتي
مره مآشآء الله خخخخخ مآدرى آني صيآمي صيآم دجآج هع هع
هآذآ اللي آذكره الحين
ثآنكيو ولد الاحسآس[/align]

[شقاوهـ بدلع]

أتذكر يوم كنت صغيره كان عمري 6 تقريبا وأمي الله يحفظه كانت بتعودني على الصيام أتذكر لما أشوفهم كلهم نائمين الظهر أرووح للثلاجه وبسسسرعه أشرب وأكل ميته جوع وعطش من اللعب المشكله إنهم ماغصبوني بس يبوني أصوم فتره..

[حكاية إحساس]

[align=center]العالم صار لي انا واخوي موقف مضحك

ابوي مايشتري اغراض رمضان الا اول يوم برمضان والظهر بعد
طبعا رحت معاه انا اوخوي لجيان ويوم رجعنا موووت حــر وعطش

طيران انا واخوي نشرب مويه من البراده>>نسينا اننا صايمين
شربت انا الاولى كأس كامل كنت عشااااااانه
ويوم بداء اخوي يشرب مويه تذكرت اننا صايمين.. قلت هييه وووقف ترانا صايمين هههه

طبعا هو للحين ماشرب المويه بس انا اللي شربت ..وبداء يلعن علي وماخلى شي ماقاله لي>يقول وشوله تذكريني ههههههههههههههههههههههاي



مشكوووور سلطـــان ....
[/align]

[رواسي]

أفتكر وأنآ صغيرهـ أمي مآتخليني أصوم أبدآً
تجبرني على الأكل مع إني مآأبغى أكل

وذآك اليوم قلت بآصوم يعني بصوم
وفي فهمي إن ألي يصوم يصلي وألي مآيصوم مآيصلي خخ

فدخلت الغرفهـ وقفلت البآب عشآن أمي مآتشوفني أصلي فتعرف إني صآيمهـ

وأنآ فرحآنهـ صليت يعني صآيمهـ
وبس أخرج من الغرفهـ ولآأمي تمسكني عشآن أكل وأنآ أبكي
يآآآخسآرة الرّكّعهـ خخخ
فطرتني خخ

وسلآآآمتكم

وكــل عآم وأنتـ بخيــر

[بسومة بريده]

الله ياعبود ذكريات البواجي وناسه....بس مدري وشوله كنا نحط فوقها ريشه...كنت اقلد وبس..

وذكريات المدفع وايامه يرمي للفطور والسحوركان له طعم وخبه بس نتسمع ...ليتهم يرجعونه...

ووك يارب ينرفع ردي طفى الكهرب...

[سلطان الاحساس]

اقتباس:  المشاركة الأصلية كتبت بواسطة عبوووود زمان     حياك الله اخوي سلطان انا بصراحة كان رمضان بالنسبة لي كله ذكريات أولها إننا نبدأ نجمع بواجي السيارات علشان نطرطع بهن وكان الصيام بالنسبه لي بس لا صرت بالبيت ولا طلعت ولقيت عيال الحارة علطون نفطر خخخخخ وكنا نجتمع باليل وسعسعه بالشوارع وكنا نلعب طائرة أرضي تسان تعرفه وبث مشكوووووووور اخوي

[align=center]
تحي وتدووم يالغالي عبوودي

صدقت ياهي لها لذة ذيك الايام مااجملها من مع البوجي ههههههههههههههه

شكراً يالغالي على تشريفك
[/align]

[سلطان الاحساس]

اقتباس:  المشاركة الأصلية كتبت بواسطة ناااايف     كنت وانا صغير اسهر انا واخوي الى طلوع الشمس ومازالنا ناكل ونشرب واحيانا نسوي فطور وننام واذا صحينا كملنا صيامنا طبيعي القصه انو على بالنا ان الصيام يبدا من نومنا حتى لو الظهريه الى ان نستيقظ ههههه

هههههههههههههه تصير كثير

بس حلووه نستيقظ ههههه

شرفت يالغالي بطلتك الحلووه