عادي..طاح الحطب..والحيـــــــــاة حلــــــــوه..!

[عاشق التحدي]

موضوع رائع..جمع العديد من ظواهر المجتمع السيئه..اتمنى قراءته كاملا..وبارك الله بالكاتب..

المشهد الاول:

وحدة مزيونة بالحيل.......و حبيبة......
بس تخون!!!!
وش اسوي بجمالها؟؟
بياخذها الزمان و تبقى عجوز.....
عادي........طاح الحطب.......... و حلوة الحياة



المشهد الثاني:

سيارة مسرعة........
و تدعس لها واحد........
مسكين هندي..........
و العسكري صديق الطايش.......
والخطا نصه على الهندي......
والباقي على أبو الطايش..........
و في الليل.....الطايش يلعب بلوت
عادي........طاح الحطب.......... و حلوة الحياة



المشهد الثالث:

غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر.......
كلن يبهر له........
و مع ذلك يجمع حسنات.......من كثر اللي يسبونه
عادي........طاح الحطب.......... و حلوة الحياة


المشهد الرابع

يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي........طاح الحطب.......... و حلوة الحياة


المشهد الخامس

تغازل و تاخذ ارقام...........
و تطلع مع هذا.....و تواعد هذاك........
و يوم طاح الفاس في الراس.......
بكت........
و راحت تشكي لامها غدر الزمان.......
طبطبت عليها امها وقالت:
ولا يهمك ......سفرة لمصر.... وشوية سيولة
و ترجعين بنت......
عادي........طاح الحطب.......... و حلوة الحياة


المشهد السادس

مرفوع الكفن أبيض .......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب.......... و حلوة الحياة


المشهد السابع
ملتزم .......
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر......
و عنده دش.......و يكذب كثير
و اذا صحى الصبح .....مشط اللحية
عادي........طاح الحطب.......... و حلوة الحياه



الثامن
قارورة مويه .......
ما تضره .......طايحة في السيارة
يناظرها بغضب.......زعلان منها
و يفتح الشباك ......و رماها وسط الطريق
و اذا اجتمع مع الشباب قال:
متى بنتحضر؟؟؟؟؟؟
عادي........طاح الحطب.......... و حلوة الحياة


التاسع
اهم شي الثوب نظيف.......و الشماغ مكوي......
و القلم ماركة......والساعة تضوي......
و الجزمة جلد.......والسيارة عجب......
و تلفونه ما يسكت......
إما بنات.....
أو البنوك تبي فلوسها.......
عادي........طاح الحطب.......... و حلوة الحياة


العاشر

سطحية .......و مغرورة
غبية......و متكبرة......و يا ريتها حلوة
تبي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
عادي........طاح الحطب.......... و حلوة الحياة


الحادي عشر

فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع .......
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز...........
عادي........طاح الحطب.......... و حلوة الحياة


المشهد الاخير

الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا.........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف إن:
ذاك اليوم مهوب عادي
وانت الحطب
و ما به حياة







تحياتي لكم

منقول

[الداحوس العمى]

السلام عليكم:1:

مشكور عاشق التحدي

نعيب زماننا والعيب فينا وما لزماننا عيب سوانا

اللهم اصلحنا بهداك ولا تكلنا الي انفسنا فنضل آآآآآآآآآمين:3: :3:

[ياخلـ(بريدة)فهم]

بسم الله الرحمن الرحيم





السلام عليكم ورحمة الله وبركاته ............
.






الف شكر والف تحيه لك ياعاشق التحدي على نقلك للموضوع والله روعه بصراحه وش اقول وش اضيف ماقول الا صدقت ............





وتقبل تحياتي ....................

[عاشق التحدي]

الداحوس العمى ، ياخلـ(بريدة)فهم ..... أشكركم على تفاعلكم مع الموضوع ..... أتمنى لكم التوفيق