السلام عليكم ورحمه الله وبركاته .
انا عندي مشكله . وتعبت منها لابعد درجه . مليت زهقت . كرهت شي اسمه
دائره حكوميـه والسبب اقولكم :
انا ياشباب ابتليت بالسرقه .. كسر السياره . وسرقه المحفظه . ( وفيها بطاقه الاحوال ) ثم سرقه مره ثانيه ( من المحفظه برضو ) وفيها بطاقه الاحوال .
وسرقه مره ثالثه .. ( وفيها بطاقه الاحوال ) ..
بدأت معناتي قبل شهر الحج اللي راح تخيلو والحين احنا في شهر 7
طلبو مني الاحوال ورقه من الشرطه ان بطاقتي مسروقه ع اني اجيبها بعد الاجازه
وجبتها لهم . روح جيب ورقه جبنا روح وقع مع المكتب الثاني رحنا روح سوي كذا
رحننا والله ياشباب اتردد يمكن 20 مره من مكتب لمكتب .. جبت شاهدين شاهد اخوي
والشاهد الثاني حصلته وهو من خارج بريده .. لما خلصت المعالمه قالو انتظر اسبوعين وتعال انتظرت اسبوعين عطاني المعامله اوقعها عند نائب المدير رحت اوقعها فتش بالامر حصل ورقه الشاهد الثاني ( اللي من خارج بريده ) ماهي موجوده قال ارجع وقولهم وين الشاهد الثاني اجي اقوله وش اسوي يقول جيب شاهد
قلت وش دخلني انا قال وش اسوي لك مكتب ( 9 ) بالتحديد وجبنا شاهد ثاني وقعنها عند المدير رجعنا لمكتب ( 9 ) وقعها وقال روح للتصوير وعطيتها التصوير وقالي انتظر مع السراء انتظرت يوم جاء دوري قال انت ضيعتها 3 مرات روح لمكتب التحقيق رحت لمكتب التحقيق بالدور الثالث قال خلاص بنرفعها للاماره وتعال بعد اسبوعين رحت وجيت بعد اسبوعين قال توها المعامله وخليتها عندهم ورجعت لهم بعد فتره وحصلتها موجوده عند مكتب بالدور الارضي قلت وينها قال ادفع 400 ريال دفعت لهم 400 ريال غرامه بعدين قال روح لحق التصوير وانا جاي لهم الساعه 8 الصباح وشوي تخيلو ماسك سرا الى الساعه 1 الظهر .. يوم صورت قالو تعال السبت تاخذ ايصال وانتظر اسبوعين حتى تجي بطاقتك هذا نظام جديد ..
مكاتب الاحوال اعمارهم فوق الـ 50 .. سوء معامله تأخير
ولا عندهم اي شغل رافعين رجل ع رجل . ويضحكون جيت لواحد وانا واقف لي
نص ساعه وهو يسولف مع واحد بجنبه قلت ياخوي لي ساعه هنا قال عادي اصبر ساعتين ...؟؟؟؟؟؟؟؟؟؟؟؟
صلاه الظهر حدث ولا حرج اطول صلاه بالعالم
يطلعون الساعه 12 الا10 دقايق بالظبط ويجون الساعه وحده وعليها ؟؟؟
تعال شوف الواسطه اقسم بالله قدام عيني انا راص الين 1 الظهر وجاي الساعه
8 اول مافتحت الاحوال ويجي واحد بعدي بساعه ويصور ويمشي زي السلام عليكم
وفلان جارن معه ولد عمه والثاني ولد خالته والرابع ولد ابوه ومدري من بعد
يمشي اموره واحنا نرص ساعات .. ؟؟
تخيلو ياشباب انا ضاع علي بس بسبب بطاقه الاحوال تقريبا حوالي 60 الف ريال
اخذت محل ع ان البطاقه بتطلع ولا طلعت وراحت 6 شهور ماستفدت منه اي شي
وبتروح برضو الـ 6 شهور الثانيه بسبب الرخصه ومماطله البلديه ..
وخسرت باقي الفلوس بسبب طلب احد الاشخاص البطاقه لاعطائي المبلغ وهو حقي
حتى ابدأ بشغلي ولا جبت البطاقه له كـ اجراء رسمي وراحت الفلوس علي
والله اعلم بترجع لي ولا ماهي راجعه اذا جبت البطاقه ...
راحت علي سفريات كثيره بسبب ذي البطاقه
والحين تعبت حتى احصل حجز وحصلت 3 العيد وحجزت مبدئ والجوازات تبي
البطاقه حتى استلم جوازي وهم يبون الجواز حتى يتأكد الحجز والله اعلم انها بتروح .
ياناس خافو الله فينا ..
ارحمونا . يعني هم لو قالو لي ادفع 400 ريال وتمشي امورك من قبل
كان دفعنا اللي يبون ويمشونا بس توصل الامور لذي الدرجه اقسم بالله حرام عليهم
وياليتها صفت ع ذي وبس الله لايوريكم كيف التعب والمطامر من مكتب لمكتب
والحين بنتظر اسبوعين حتى تطلع البطاقه
والله يستر مايجيبون نظام جديد ..
اتمنى من المسؤولين يشوفون الامور .. ذي لنا ياناس والله تعبنا ..
اغلب اللي في الاحوال شيبان اهم شي ينزل راتبه والباقي طز مالي دخل فيه
اسوأ معامله تعرضت لها وشفت لها في ذي الدائررره ...
مصيبه اذا كل الاشخاص يتعاملون معهم بذي الطريقه
لا اقول للأخ ليش اسبوعين يقول روح للأماره واشكي عليهم الحال شين نفس
وذل ماشفنها ..
العرض الشجري