ميري .. تصــرخ ارحموهـا !

[بنت البدائع]

السلام عليكم ورحمة الله وبركاته

هذا هو حال بعض المنازل
بخادماتهم

نسمع الكثير من القصص والجرائم التي تحصل
من الخدم لمخدوميهم
مالسبب !

بوجة نظري :
من أهم الأسباب
هو ممارسة الظغط عليهم
وإلقاء أعباء المعيشة
على عواتقهم
وتكليفهم بالأعمال جميعها على غير وجه حق
دون الإلتفات إلى إنسانيتهم
ولامرعاة لحقوقهم

يؤسفني أن أرى بعض الأمهات
والتي لاتعلم عن أطفالها شيئاً غير أسمائهم
وكأن ليس لهم عليهن حقوق في التربية
والتعليم والتنشئة الإجتماعية

مستائة من بعض المعاملات التي شاهدتها
في بعض البيوت
ماعلى رب المنزل من واجب اتجاه الخادم يتلخص في قول الرسول صلى الله عليه وسلم:
« كلكم راع .. وكلكم مسؤول عن رعيته .. والخادم في مال سيده راع وهو مسؤول عن رعيته »

ولنا في حبيبنا محمد صلى الله عليه وسلم قدوة ( فياليتنا إقتدينا )

[أبو الريش]

الله من قل السنع ببعض حريمنا

تتوقعون بوه بنت تعرف تسوي جريش

[النهى]

صدقتِ بنت البدايع الي ذكرتيه واقع وحاصل بس مو شرط يكون الضغط هو السبب احيانا تدلع الخادمه وكانها فرد من افراد الاسره ومع هذا ما يبان في عينها
الله يحفظنا وياكي

[النهى]

اقتباس: تعرف تسوي جريش

ههههههه اوف جريش عاد مره وحده
ما اتوقع

[خالد2007]

تشششش مير على ميري .. والله انتس قديمه يابنت البدائع .
هالكاريكاتير منذو مبطي قبل مايفزع القصيبي الله يكنسه عن جواد الارض للعمال والعاملات .
هالحين مافيه نظام (كفيل) . الخدامه صارت هي الكل بالكل وتتشرط على معزبتها ومعزبها ولو بس يقولون لها (أف) راحوا وطي .
هالحين يتنقلن على كيف كيفهن وتقدر تبدل معزبتها بدقايق معدوده وفيه مكاتب حكومية مهمتها تدليع الخدامه ولعن سلسفيل المعزب والمعزبه .

[خالد2007]

اقتباس:  المشاركة الأصلية كتبت بواسطة ســـاره     ههههههه اوف جريش عاد مره وحده ما اتوقع

ويقولون وراهن يطلقن بعد شهر من زواجهن لأنها مضيعة حياته بهالمنتديات وماغير (يسلمو خيو أو مشكوره على المرور غلاتي) .

[@ ابتسام @]

اقتباس: هالحين يتنقلن على كيف كيفهن وتقدر تبدل معزبتها بدقايق معدوده وفيه مكاتب حكومية مهمتها تدليع الخدامه

صحيح وحصلت لقريبتي
جاء على بال الشغاله تغير الكفيل والمعزبة بدون ما تذكر اي سبب لرفضها العمل وقامت جهه حكومية بتنفيذ طلب الخادمة
بقولهم اما تنقل كفالتها او تسفرها مو غصب تشتغل عندكم وهي مصروف عليها 11 الف عند القدوم.. وماكملت اربع شهور جاية .. صايرة الدعوى بربسة بجد

[فتاة المستقبل]

موضوع يقول ارحمونا من الشغلات وموضوع يقول ارحموا الشغالات

وع يانا مادانيهن بعيشة الله ,,,عساهن ينقرضن عن ديارنا

من زمان قايلتن ليت به رجل الي يكنس وينظف ويفك العالم من الشغالات وبلاويهن

[تيفا]

اقتباس:  المشاركة الأصلية كتبت بواسطة فتاة المستقبل     من زمان قايلتن ليت به رجل الي يكنس وينظف ويفك العالم من الشغالات وبلاويهن

ويطبخون بعد

[قلب الأسد]

ماتعرفين بعض السعوديات اذا صار تحت يده سلطه تحوم السببدد

[لمعةالألماس]

بنت البدائع

الكاريكاتير معبر ,, ماقهرني الا البسه >القطه< وش تبي وبعدين وش البلاوي اللي تحتها؟؟!!


ويا أبو الريش والله إنك صادق البنت ماتعرف تطبخ حدها بيض مقلي!!

وبعد الزواج يتبهذل زوجها يوم مسلوق ويوم محروق!!!!!!

وبعد ماتجيب طفل أو طفلين >> أبي شغاله

وإذا جت الشغاله يزين الطبخ ويستانس الرجال

ويقول لزوجته: أثرنا ضايعين وينك يا ميري من زمان!!

عاد الحرمه تطقها الغيره وتحط الحرة بالشغاله كرف كرف كرف........
تطفش المسكينه وتهج والا تضرب!!
تبدأ المرة تسولف بين الحريم: والله إني مدلعتها بس جاحده حسبي الله عليها؟؟؟

>>>>>>>>>>>>>>>>>>>>>>>>>>>>>>حلوة القصة

[جبل السكر]

الله يكون بالعون
مش معقول هالحريم
والله لو ماعملت الشغله بايدي مااحس اني عايشه
احب الاعتماد على النفس
بصراحه ماأيد وجودها نهائيا سوى بحالة وحده
لو كانت الزوجه مريضه
غير كدا احسو دلع بلا شغل البيت متعب
بلا اطفالي مااقدر عليهم لوحدي




تحيتي

[جلوي العتيبي]

المشكله إن مثل أم اصبع يقال لها :مدرسة تعد الأجيال

لكن يقولون الطاجاكستانيات جايات بالطريق والله تشوفون طركعة الأصابع من الركض والشغل السنع (كلش ولا الشغاله )

الله يصلح حال أخواتنا ربات البيوت ومدارس الأبناء

[كفاني عذاب]

[align=center]اختي بنت البدائع احييك على الطرح الرائع
ولو لأحظتي ان الدنيا ما هي زي اول تغيرت بشي كثير
تحصلين الأم مدرسه والأب ما يجي للبيت الا حول المغرب
يعني تحصلينه لاهي بأشغاله
وماهي على الشغالات انتي ابي اسألك هل عائلتكم مثل الأول
بالأجتماعات ولم الأقارب بالبيوت تحصلينهم بالأستراحات
والشغله قطيه بين الحريم يعني الرجال صارو مالهم اهميه
ودمــــــــــــــــــــــــتي بـــــــــــــــــــــــود[/align]

[" TWIX "]

اللي ماهي قد التربية لا تتزوج ولا تنجب ..!!
شباب الوقت يفوقون غيرهم ممن سبقهم باللعانة والسبب هالأمهات اللي تاركات الحبل على الغارب
للشغالات يربن على كيفهن والتربية إذا ماجت معها حنية وخوف على الطفل فاكتبوا ع التربية السلام
..
الله يجيب الطاجاكيات ..
لأني ضامن إن ولا وحدة بتجيب شغالة وتجار الفيز بيهشون الذبان...!!
واللي تبي تجيب اكتبوا عليها أنها " توهقت " وحفرت قبرها بيدها
لأن وجود الطاجكية بتبين عيوب ست الحسن اللي ماخذه في نفسها مقلب والمكاييج لاعبها دورها
وأتوقع إن الزوجة مع جيت الخادمات بيصير نصف راتب زوجها مكاييج ونصف وقتها بالحمام تستحم
ويبدأ التنافس وكأنك في سباق مارثوني والزوج جالس في البيت كأنه في عرض أزياء الزوجة كل دقيقة لبس وكل ثانية ميوعة
والله تتعبن ..
ولكن يبقى الجمال الطبيعي لأن الزوج لا قام من النوم وشاف زوجته شاف الحقيقة التي سترها
المكاييج الباريسية ...!!