لكل مشفوحه عالزواج .إليك الآتي‎ ....

[مهـــــآآوي]

يابناااااااااااات ياعازبااااااات وش سر موتكم عالزواج والعرس

أنا بشرح لكم الزواج

أولا نظرية يبدأ الزواج بالهموم منذ اللحظة الأولى

وهذي النظرية يندرج تحتها الكثير من المفاهيم المهمة أبرزها قبل لاتنخطبين وانتي تفكرين وتقلقين وإذ حصل وانخطبتي تفكرين توافقين ولا ترفضين وإذا وافقتي تبدين تخططين لعرسك لخطوبتك ملكتك شقتك و يعني هواجيس وغثى من أولها

النظرية الثانية
الخطوبة حلوة وياليتها ماتنتهي
هالنظرية مهمة

إذا تمم ربي وتملكتي تبدين أولا خجولة وخايفة لكن أنا أعطيك 12 ساعة وبعدها انتي فاصخة للحياء من اللهفه ويييي لو تدري يالعريس بغيت أموت على مالقيتك
المهم ويأخذ رقمك ويدق على جوالك وتسولفون سالفة بايخه بعدين يبدأ يصير رومنسي ويدق الليل ويسأل تعشيتي نمتي و و وناسسه
بعدها يتدرج ممكن أزوركم ويزوركم ويجيب العشى والهدية والورد وتكرر الزيارات وكل زياره بهدية وكل زيارة تتمادون أكثر
أول شي انتي بكنب وهو بكنب خلال 3 أيام انتو في أصغر كنب بمجلسكم متفاعصيين
ههههههه
المهم ولازم ماتصير خناقه عاد خلال هالزيارت وأبشركم هذا أول الغيث يكوون قطرة
يظنون كل الزواج عسل ووناسة وانه بيستمر على هالمنوال

النظرية الثالثة : لقد انعميت على عيني وتزوجت

صار عرسكم
وطبعا كحال كل سعودي وسعودية حاجزين لماليزيا
لازم تتخانقون اذا مو في طريق المطار في الانتظار واذا مو في الانتظار في الطيارة
واذا مو في الطيارة في الفندق أهم شي تتخانقون
والصلح عاد أحلى شييي

المهم هنا تكون البنت تخطت شوط كبير وينتظرها شوط تعيس

المهم في السفر هذا بتصير أشياء تقودنا للنظرية الرابعة

النظرية الرابعه:كل منا اكتشف الآخر

هنا عاد نقطة الحسم
يا تتطلقون لا سمح الله
ياتصبرين وتنطمين وتواصلين الحياة

لأن مافي انسان بدون عيوب وبتكتشفون بعض هنا

المهم في بنات يمكن ينصدمون
وتتزوج واحد لاسمح الله مدمن أو مريض أو سيء الخلق
وتندم على الزواج من هالمرحلة المبكرة وزي ماقلت ياتنفصل ولا تكمل

وبنات تكتشف عيوب زوجها انه حنان زنان يحب الطعام سخيف متذمر متطلب كثير النوم أو كثير السهر يدقق
ثقيل دم ..كريه.مغازلجي,غبي.فيلسوف.يتميلح,ممل,وغيرها من العيوب
والله يعين كل وحده فيكم

النظرية الخامسة:وتستمر المناورات

خناقات تالي الليل
ودني لأهلي
النوم بغرف منفصله
السفهان والحقران
اعطاء كل منكما ظهره للآخر وغيرها

النظرية السادسة:لقد فعلناها بنجاح وها نحن ننتظر مقروداً أقصد مولوداً

هنا عاد ان كثرت كثرت تقعد الفتاه السعودية 3 أشهر بلا حمل من غبائها وبعدها تشتغل الغيرة
وش معنى فلانه حملت وأنا لا
أو هو يبدأ يحن
يلا نبي بزر يملى الحياه
وهو لا والله بعد غيران من غيره وخايف من كلام أهله وزملائة

وهنا عاد يبتدي أكبر هم

النظرية السابعة:مولودي العزيز لقد دمرتني

نفس البنت بخشمها
تتوحم تسهر تطرش تتخانق كله خياس في خياس
استغفرالله بسس
ويبدى عاد نكد منفرد من نوعه
خناقات على اتفه شي
ريحة عطرك وع
أشم فيك خياس
كارهتك بالعربي وغيرهااا وماخفي أعظم

وبعد يندرج تحت هالنظرية الخوف من المسؤولية القادمة والولادة وتفكير ويمكن بكاء من غير سبب

النظرية الثامنة:انهيااار تااام

ولدتي يابنت مبررروووك

وابتدى مشورا الصياح المرض السهر التفكير تحمل الهم والغم والصبر والتضحية و و و

الله يعين الأمهات
والله يأجر امهاتنا اللي مروا بهذا كله وصبروا
مصاريف ومشتريات وتفكير وقلق وتعب وتضحيات
والله تبدين تحسين الحياة صعبة

وقتها

بتكتشف البنت ان العزوبية أحلى وأزين
ويممكن تقص على نفسها وتتحمل وتقول سنة الحياه وتصبر

وبتقول صدقوا صديقاتي يوم قالو الزواج هم وغم

تنويه: مهم

كلامي هذا لايعني بأن البنات لا يتزوجون
لا بالعكس تزوجوا أساسا كان أموت لو ماتجربون اللي جربناه وتندقون على روسكم من الحنه عالعرس

لكن ليس قبل
ان تتمتعي وتفليها وتسهري وتطلعي وتخرجي وتفرعي وتسوين كل مايخطر على بالك
وأهم شي تنااااميييين زي ماتبين
وتشوفين كل الأفلام قبل النكد

يعني من جد خل نحسبها صح
انا أعرف بنت تزوجت واحد وصحت من نومها لقت اخوه المراهق يبوس رجولها وانصدمت
ووحده زوجها يخونها
ووحده تزوجت واكتشفت زوجها انه شاذ جنسيا ومستمر بشذوذه
ووحده زوجها مدمن
ووحده زوجها مريض نفسيا
وااللي عصبي ويطقها ويحرمها من اهلها

يعني مو كل الأزواج جنه ولا كلهم نار

فأنتي لو من البدايه خيروك بواحد زي كذا ولا العزوبية وش بتختارين

أكييييييييييييييد العزوبية

وفوق هذا انتي تجيك الدورة الشهرية وتتألمين وتولدين وانتي لازم بعد في عز ألمك تبتسمين وتضحكين وتكشخين وتتمكيجين وتلبسين)))))))))))))عاد ولازم تزورين أهله وتحترمين أمه وتقدسين أخته
وياويلك هذول أهلي و و و
والرجل هناااا مجرد متفرج ومستمتع

ما يستفاد من الأيميل
أولا كتب هالايميل خصيصا بمناسبة قدوم موسم الأعراس والبنات ينقهرون لو ماانخطبو
ويبذلون كل الجهود في سبيل الخطبه

فهذا الأيميل إليكي أنتي يامن تنامين وتقومين على حلم بايخ اسمه الآرتباط

أختاه تـــريـــثي
ترى العجلة شيــــــــــــــــــــنة
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷ه
اقوووووول لاتدعـــــــــون علي الا بتعرس الله يوفقها ويسعــــــدها
هذا كلام جاني على ايميـــــــــلي ونقلتـــــــه لكم

[بريدتكم]

هههههههههههههههههههههههــــــــــــــــــــــآآآآآ آآآآآآآآي..

الله يوفقك..فعلا كلام صحيح واكثر شي ينطبق على السعو....

[عزة ماتهاوت]

اي والله انتس صادقه وكل هذا صاير وملموس والله يعين ويعظم الاجر ..
والله يوفق كل عروسينويبعد عنهم المشاكل والزنة والرنة ..اختي موهته ..
طرح ممتاز ورائع كروعتكـ ..
الله يعطيكـ العاااافيه . ودمتي بود الرحمن ~

[عاشق الـرائــد]

الحمدالله اني مابعد أعرست

شكلي عقب هالكلام

ما راح اعرس أبد

هههههههههههه

[{ آإلبدر }]

آصـآبعكـم مـآهي وحدهـ ...!!

يـآمـآ بنـآت تهــنوآ بزوآجـآتهم وصـآروآ آميـــرآت زمـآنهم ..

::

بـعد آكيــد الرجـل يبي الزوجـه الحنــونـه ...

[غلا بريدة]

ههههههههههههههههه

والله اني كثير اشتاااااق للعزوبيه بذات اذا تهوشنا او اذا ولدي صار تعبان وصرت مانام زين

بس يالله هذي الدنيا وحنا بعد نبي كل شي زين يالله العافيه

وانا بعد اقول للبنات الي ماتزوجو تمتعو في نومكم زين <<<<<كل يوم تسهر من البزر هههههه

مشكوووووووووره عزيزتي على هالموضوع الممتع

[ابونواف2009]

هههههه

كلام سليم .. وانا مع اخوي هلالي

[فهدابوعزوز الفتك]

[align=center]اقول هونها وتهون وعلى ما قيل في المشاركة السابقة اصبعك مهيب واحــــــــــــــــــــــــد[/align]

[ام الزعيم]

نحن نبحث عن حل للعنوسه وانت هداك الله

فى موضوعك هذاتشجعين على العنوسه

[الفراشه النائمه]

[align=center]صح لسانك اصابعك ماهي سوا بنات تحس بجنةالدنيا وبنات تودع السعاده ان كانت سعيده وان كانت مو سعيده تصير تعيسه زياده والله ان الزواج مرض ( وبعض )الرجال مـــــــــــرررررض[/align][align=center]
وبعضهم ينسيك الهم لكن قليل وبعضهم يقول لك يا نفس وش تشتهين
وبعضهم ان حبتك عيني ما ضامك الدهر لكن اذا كان زوجك يحب اهله بجنون فعلى السعاده السلام
هذا من واقع التجربه لانهم صح وانتي دايم غلط وتحياتي لكم والله يوفق كل البنات يارب[/align]

[إياد الموسى]

[align=center]شـكــ وبارك الله فيك ـــرا لك ... لك مني أجمل تحية .[/align]

[ملاك الصمت]

اجل ماني متزوجه من الكلام الي شفته ههههه
وانا مع كلام عاشق الرئد ..........
ياعطيك الف عافيه موهته..
اختكم "ملاك الصمت

[عبآدي]

من زينكن الحين يآ أجمل بنات الكون شكلا وخلقا وع

الوحده شوشته تقل رمثه

[مهـــــآآوي]

عبااااادي اعصابك وشوله تحمق عااااااااد هههههههههههههه

اجل من زيننا هاه ؟ ولا انتم عاد يالله من فضلك الواحد اشهب املح تسنه طالع من قبر

شيـــــــــــــن وقواية عيـــــــــــــن .....