فضيلة الشيخ يجيز للمرأة قيادة السيارة . وأخـــــــيرا .

[سمر العبدالله]

عبد الله الداني ـ جدة
أكد لـ«عكاظ» عضو الاتحاد العالمي لعلماء المسلمين، عضو مجمع البحوث التابع للأزهر، وعضو المجلس العلمي في جامعة الإمام محمد بن سعود الاسلامية سابقا، الدكتور محمد بن أحمد بن صالح الصالح أن للمرأة دورا كبيرا في المجتمع أكده الإسلام، فقد حفظ حقوقها وأكرمها وصانها، ومنحها فرصا كثيرة لتملك المال، لافتا إلى أنها نصف المجتمع. وعن ممارستها للرياضة قال: إن الأحاديث التي تدعو إلى ضرورة أن يكون المسلم قويا وقادرا على الدفاع عن نفسه وعن عرضه كثيرة، فللمرأة حق في أن تمارس الرياضة، لكن بأدب وحشمة وبعيدا عن أعين الأجانب، وينبغي ألا تكشف زينتها، وتكون في متناول أيدي الرجال، وكل ما كانت المرأة منيعة مستترة ومتحجبة يكون ذلك أرقى لها في نفوس الجميع، مستدلا بمسابقة الرسول صلى الله عليه وسلم لأم المؤمنين عائشة رضي الله عنها، ومضى يقول كما أنه ليس هناك مانع في قيادتها للسيارة بشرط توفر الأمن والآمان والقدرة الفائقة للتصرف بحكمة، فليس هناك مانع شرعي يمنع من هذا، مشددا على ضرورة أن تحتشم المرأة وتنأى بنفسها عن كل ما لا يليق بها. وقال: إن العلماء فسروا حديث «النساء ناقصات عقل ودين» أن ليس المقصود به قصور المرأة وانتقاصها وتحطيم شخصيتها، بل هو مقصور على التكاليف الشرعية؛ بسبب إعفائها من الصلاة والصيام حين النفاس والدورة الشهرية التي فطرها الله عليها، وأضاف أن التسلط على المرأة وإهانتها وإيذاءها سواء بالضرب والاضطهاد هو من صفات من سلبوا رجولتهم وإنسانيتهم، مشددا على أنه لا ينبغي الخلط بين التقاليد وشرع الله، ومن يقول بذلك فهو أحمق جاهل قاصر النظر عديم الفهم. وبين أن عددا من الصحابيات كن يتولين علاج الجرحى والمرضى، ويتبعن الجيوش، إضافة إلى أن بعضهن كن يتولين الفتيا، ويتميزن في التعليم ويتفوقن على الرجال، بدليل أنه لم يعرف من إحداهن الكذب أو الوضع في الحديث، مما كان يطرأ على بعض الرجال آنذاك، ومنهن أم المؤمنين خديجة بنت خويلد وأم الدرداء وأم سليم والربيع بنت معوذ وأم عمارة وأسماء بنت مسعود بن عبد الأشهل (خطيبة النساء)، وغيرهن من الصحابيات رضي الله عنهن. وأضاف من هذا الجانب كان من المتعين أن تشارك المرأة في كل عمل إيجابي يخدم الشريعة، ويبصر الناس بأحكام الدين، وإذا كان من النساء من لا تستطيع الوصول إلى المتفقهين من الرجال، فإنها تلجأ إلى سؤال إحدى الفقيهات من بنات جنسها، ولاسيما أن لدينا مجموعة من الفقيهات. (منقول)
التعليق :مع احترامي لكلام فضيلته إلا أن الشيخ ربما لايعرف طبيعة ابناء البلد في المملكة.
بصراحه الشباب هنا متوحشين وماسلمنا منهم وحنا متحشمات مو وحنا نسوق سيارات .
وبعدين الشروط اللي ذكرها الشيخ مستحيل تكون موجوده بالسعوديه ...يعني يابنات لاتفرحن كثير .
وعن نفسي اموت انشاءالله وانا ما سقت السياره . تقبلوا تحيات اختكم /سمر العبدالله.

[سموه بديني]

والله يالناس ماراح يصدقون خبر
....
الله يجيب الموت قبل المكروه

[مياسة]

اقتباس:  المشاركة الأصلية كتبت بواسطة سموه بديني     الله يجيب الموت قبل المكروه

موتي بلحالك يا سموه .. احنا نبي نسوق قبل,, هه
اولاه متى بس.. اقول لابوي تو قوة نتمشى قبل لا يجي الليل.. يقول تولمي

قلت له ايه اجل لا تلومننا اذا انهبلنا نبي نسوق..
لا تحرمني نشوف بديع الله في السماء بعد المطر
حتى القوس قوس عجزت اشوفه من بيت جيراننا .. اووف !

الله يبشرك بالجنة يابنت العبدالله
السلام عليكم ,’,

[استراحة محارب]

اقتباس:  المشاركة الأصلية كتبت بواسطة مياسة     موتي بلحالك يا سموه .. احنا نبي نسوق قبل,, هه اولاه متى بس.. اقول لابوي تو قوة نتمشى قبل لا يجي الليل.. يقول تولمي قلت له ايه اجل لا تلومننا اذا انهبلنا نبي نسوق.. لا تحرمني نشوف بديع الله في السماء بعد المطر حتى القوس قوس عجزت اشوفه من بيت جيراننا .. اووف ! الله يبشرك بالجنة يابنت العبدالله السلام عليكم ,’,

كلام على ورق , واذا جاء الجد أول من بيتوحش من الواقع انتي وأمثالك
مشكلة بعض البنات انهم ياخذون كل الامور بحسن نية وطيبة قلب

ياميااسة شكلك من النوع اللي تحوم كبده من سماع قصة النعجة والذئب
أنا ماأفترض انك متأثرة بالفكر العلماني أو الليبرالي , لكن نحسن النية ونقول انك من النوع البريء ولا راح تصحين الا بمرورك بتجربة شخصية مريرة

ربي يحفظك يالحالمة

[كفاني عذاب]

اقتباس:  المشاركة الأصلية كتبت بواسطة مياسة     موتي بلحالك يا سموه .. احنا نبي نسوق قبل,, هه

استغرب منك هالكلام يامياسه

[مياسة]

^^^^
وليه احنا ضعيفين لـ درجة اننا نتمنى الموت.. ولا نسوق سيارة ...؟؟؟؟
ليتك تعرف كم احزنني رد سموه.. لكن الحزن يظهر كـ سخرية في بعض مرات المحك!

ايش اللي خلى أمتنا ضعيفة أمام نظرالأمم الاخرى.. إلا احنا
بـ أسباب دفن رؤوسنا بالتراب كالنعامة ,,!
وخوفنا من كل شي !!
من كل شي
من كل شي !!

ليه ما نواجه اي متغير يحدث على الكره الارضية.. مدام عندنا نبراس واساس ودستور واضح كامل صالح لكل زمان ومكان إلى يوم القيامة ... وهو الشريعة الإسلامية ؟؟

ليه نخلي الليبراليه شماعة.. اي شي نحطه على راسها ..؟

- تذكرون اول من طلعت الدشوش..
صار كافر من يشوفون قرص في سطح بيته.. ويجب مقاطعته !!
* والحين اتحداك تلاقي بيت ما فيه قرص فضائي!!

- تذكرون لما طلعت جوالات البلوتوث والكاميرة..
حرااااام.. ولو بنت تشتريه صار من الكبائر !!
* الحين اتحداك تلاقي احد ما معها مثل هالجولاات.. حتى الاطفال والعجز!

- تذكرون اول دخول النت في الجزيرة العربية..
البيت اللي فيه نت بيت فاسد ,,!
و البنت اللي تدخل نت ادشر بنت.. واصيع انثى على الارض !!
ومستحيل تُخطب !!
* والحين اتحداك تلاقي بيت ما فيه نت..!

تدري ليه ؟؟؟
لان استخداماتنا احنا غلط بغلط ..
جهل بجهل ..!
مغثة بمغثة !!

بعطيك ابسط مثال.. والامثلة تزدحم بذاكرتي ,,!
يحكي علي خالي قبل كم سنة.. لما كان ببريطانيا
وجمعته طاولة ببريطاني وسعودي..
يقولي كنا نتصفح جوال البريطاني.. ويورينا مخططات هندسية.. واشياء اخرى تبع شغلنا..
ولما راح البريطاني.. قال زميله (السعودي) تعال بوريك شي بجوالي..
واثاريها فيفي عبده تهز الوسط .. !!!

بالله شفت اردى من كماختنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
(انا لا تخذ العرب قدوة.. معاذ الله,, لكني ابحث عن العقل الضائع) !

يا اخي كفاني عذاب لا تستغرب مني هالكلام.. إيه نعم أنا غيورة على نفسي !
وابوي واخوي وزوجي بعد غيورين عليّ ,,
والله اشد واشد واشد منا ومنك غيرة على محارمه..

لكن لا هكذا تورد الابل ..
ولا هكذا تؤكل الكتف ,,

كل شي بلا حدود ولا قيود.. اصبح استخدامه سيء..
حتى النوم والاكل والشرب له ميزان بالشريعة الاسلامية

كل شي له شروط مستمدة من ديننا السمح فهو ناجح..
كعقود الزواج.. البيع والشراء.. وغيرها
فلا شك ان قيادة المرأة سيكون لها ميزان وشروط مأخوذة من الاسلام لا من العشوائية
وإلا ---> لكانت وبال على المجتمع !!

هذه وجه نظري.. والمشايخ ابخص مني ومنكم
اقول قولي هذا,, واستغفرالله لي ولكم ولفيصل ,,

عذراً طولت.. يا شين الحماس

[قلم صريح]

الله يردك لصوابك ياأخت مياسه (قولي خيرا أو أصمتي) . في أمان الله

[لمعةالألماس]

,قد تضطر المرأة للخروج وترغمها الحاجة لذلك..
وربما لم يكن عندها رجل ,
ماذا تفعل؟؟

1/ أن تركب المرأة مع سائق العائلة لوحدها

2/ تركب مع سائق أجرة لوحدها ,

3/ تقود سيارتها بنفسها وتقضي حاجاتها..

برأيكم أيهما الحلال؟؟؟ وأي أمر أهون من الآخر؟؟؟

[صـاحي و رايـق]

أنا بصراحه لم أقتنع بهذا الشبيخ
سوى أمر بهذا الشيء أو صرح بالرفض
السبب أول مره أسمع فيه

وغير هذا ... ودي اليوم قبل بكرا البنات يسوقن
وش اللي يمنع طيب

وغير هذا
وراك يا سارة على الشباب
ليش حاطه شباب هذا الوقت يأجوج ومأجوج
هل حصل لكِ موقف معاهم ؟؟
أو هل حصل لأحد أخوانك الذكور موقف مع إمرأة بطريقة متوحشه
ترا ما يذكر هذا الكلام من فراغ
ما يردده إلا من وقع في مصيده له أو لمن هم حوله


لا تتعودين لها بترديد هذه الكلمات كالببغوات
عشان ما أزعل منك

[أولمـي بـليز..{]

مع اني بنت اتمنننننننننننننننننننننى مايسووقون البناات
والله تحسبينه تسوقين وخلااص لا شوفي وش راااح يصير فكككري حبيبتي شوي مو كذا من البااب لطااقه
وانا بصراحه ماقول مااودي اسوق بس انا عاارف وش رااح يصير للبناات لما يسووقون
مع احتراامي

[دمي ولا دمعة امي]

ولله من واحد واحد تبي تشوفونه واقفن يساع الحريم

وبعدين اذا ساقت الحريم وش فيها

[أولمـي بـليز..{]

وبعدين اذا ساقت الحريم وش فيها


ابد ماافيها شي
دمي انت من جد تتكلم؟؟؟

[دمي ولا دمعة امي]

8888888
خلاص طالما مافيه شي ليش ماودك يسقون

انتي من جدك يبي يسوقون اثيرمثل هذه المواضيع عشر الاف مره ولله ماورهم لا الضعوي

[النهى]

حنا كذا ويالله خالصين من غثا الرجال واذاهم تبينا نسوق عز الله رحنا فيها
الله يستر علينا دنيا واخره
الله يحفظنا وياك ياسمر

[أولمـي بـليز..{]

اقتباس:  المشاركة الأصلية كتبت بواسطة دمي ولا دمعة امي     8888888 خلاص طالما مافيه شي ليش ماودك يسقون انتي من جدك يبي يسوقون اثيرمثل هذه المواضيع عشر الاف مره ولله ماورهم لا الضعوي

لا انا كتبت ابد ماافي شي يعني مو قصدي انه مافي شي
قصد العكس مستغرربه