نساء بريده فزعتكم

[النهى]

صباح الخيرات
فزعتكم يا الاجوديات
ابي طريقة حلى يكون سهل ومجرب واهم من هذا مضمون واهم من ذا كله لذيذ وحلاه معقووووووول
وابي الطريقه مشروحه تمام او مزوده بصور عشان افهم والي ماعندها تدلني على حلى جربته في كتاب النخبه وتعطيني اسمه ورقم الصفحه وانا اسويه

وفي شغله مهمه ابيه من الحلويات الي تجمد ولا تسيح في الحر لانه بسويه لا اختي وبتاخذه معها المدرسه
وبس وسوري كثرت طلبات
واهم لا تطولون بالرد
عشان ابيه يوم السبت ان شاء الله

[aĻŖeem]

أحد يفزع لـ سآآآآره

لآهنتم يالآجاويد

[بنت منيره]

طيب عندي حلا سههههههههههههل وروعه وطعمه حلوو ولا يحتاج صوور


تعرفين بسكووت الجوزا؟؟

اكيد تعرفيه

احمسي كل من 1-جوز هند
2-سميد
3- سمسم
وتحتاجين حليب مركز (نستله بالعربي)

افتحي وبسكويت الجوزاء و اغمسي البسكووت في الحليب المركز
بعديين اغمسي البسكويت في المقادير الجافيه اللي هي جوز هند و سميد وسمسم
وصفيه وحده وفق وحده زي الورقه بسله حلوو وسهل ولذيذ

>>>>>>>>>>>ودعوتك لي وللمسلمين

[تباشير المطر]

حلى الكوب كيك بالجبن جنان

[aĻŖeem]

طيب ياليت الحلى يكون بالمقااااادير والطريقه بالتفصييييل ....لآهنتم

(:

[النهى]

بنت منيره الله يعافيس يالغلا ويجزاك خير ما عرفت بسكوت الجوزا مع الاسف بس بحاول اسأل عنه ان شاء الله احصله
ام هيوف الله يعافيس ياالغلا شفت كوب كيك الي قلتي عنه بس مدري احسه يحوس لانها بتاخذه معها وانا بغطيه لها اخاف ينعدم مع الحر والمسافه وتتفشل عند صديقاتها

ريمو فديت طلتك غلاي منوره وان شاء الله البنات ما يقصرن

[علشانك بس]

سارة وريم دايما جميع ماشاء الله ,, روح في معرفين ,, قصدي روحين في جسد خخخ ,,
ساعدو سارة يابنات ,, انا مو راعية حلا ابداا ,, ولا كان من عيوووني اعلمك ,,

[بنت منيره]

بسكويت الجوزاء عند الفراج اللي عند العطارين ببريده ياختي ساره

[تباشير المطر]

مارح يخرب
أنا سويته لأختي ولا ضره
كل صديقاتها اشكروها عليه

[النهى]

اقتباس: سارة وريم دايما جميع ماشاء الله ,, روح في معرفين ,, قصدي روحين في جسد خخخ ,, ساعدو سارة يابنات ,, انا مو راعية حلا ابداا ,, ولا كان من عيوووني اعلمك ,,

تسلم عيونك غلاي
وجودك يكفي
الله يحفظك

اقتباس: بسكويت الجوزاء عند الفراج اللي عند العطارين ببريده ياختي ساره

احاول اسال عنه واحصله
تسلمين خيتو على التوضيح
الله يجزاك خير ويحفظك

اقتباس: مارح يخرب أنا سويته لأختي ولا ضره كل صديقاتها اشكروها عليه

على كذا بسويه في المرات الجايه ان شاء الله كنت شايله هم يحوس وانتي طمنتيني
الله يجزاك خير ويحفظك

[عاشق الخير]

الموووضوع مخصص للنساااااااااااء والا وش

بس يالله بتليقف

حلى من مطبخي




يالله تفـــــــــــضلـــــــــــوا...





الطريقه ...وبختصار شديد



اولا...........نسوي كيك الزبادي.... ثلاث صياني تيفال...كبيره ووسط وصغيره ..



وبعد ماتستوي الكيكه...نخليها طبقات يعني الكبيره ثم الوسط ثم الصغيره...



نذوب شكولاته خام ونضع عليه ربع اصبع زبده....ونحركه زين وندهن الكيك الطبقات منها

نحضر الخلاط ونضع فيه 6حبات جبن ...و2فنجال قهوه حليب و2 فنجال قهوه سكر...وشوي لون طعام ازرق..ونخلطهم زين بعدين نصبه على الكيك من فوق...ونخليه ينزل على تحت...

يعدين نجمل اطراف الكيك بالبسكويت ((الجوزااء ))...وحلاو الحصى او..<<الاحجار...

ونجمله بعد بورق النعناع....

وحلوى تحصلونها في بنده على شكل ورد الوان

...

اخليكم مع الصور...............























































تحيااااتي وهناء وعافية

[عاشق الخير]

اقتباس:  المشاركة الأصلية كتبت بواسطة ســـاره     بنت منيره الله يعافيس يالغلا ويجزاك خير ما عرفت بسكوت الجوزا مع الاسف بس بحاول اسأل عنه ان شاء الله احصله

معروووووووووووووف ومووووجود باكثر البقالات ..

والا تلقينه عند العليااان وغيره

وهذي صورته للتوووضيح

[النهى]

عاشق الخير مشكور اخوي
ماشاء الله بصراحه شكله يجنن اتوقع لو اسويه ويجي نفس الي في الصوره محد حيصدق في البيت بس شنو مقادير كيك الزبادي ياليت توضح اخوي
والله يجزاك خير

[تباشير المطر]

مقادير كيكة الزبادي:
(أ)في الخلاط(2علبه زبادي صغير+3بيضات+فانيليا+ملعقه باكنج بودر صغيره+كأس سكر)
(ب)كأس دقيق
الطريقه:
نضع(أ)في الخلاط ثم يوضع (ب)تدريجيا عليها ويوضع في صينيه مدهونه بالزيت

[aĻŖeem]

مآشاء الله يهبـــل عاشق الخير ...الله يجزاك الخير

الله يحفظك