كليجا بالفراولة

[To Be]

اطيب كليجا لكم جميعا

انا ممن فاتهم حضور مهرجان الكليجا !!

يا للآسف كنت اتمنى ان اكون هناك !!

فحسب ما وصلني من علم ، كان الحضور للكليجا غير !!

جاءت الكليجا في المهرجان باشكال عده

بما عرفت و نكهات واشكال لم تعرف عنها !!

توفي ووالشوكلاتا و ...............

وكان لسان حال الكليجا يقول !!

مستعده للمشاركة عالمياً
فانا لست ما عرفتموني عليه

فهنيئا لنا في الكليجا

وياحظك يالعجوز السمنسي

[علشانك بس]

اقتباس: وياحظك يالعجوز السمنسي

وش ياحظه فيه .. !!!

[To Be]

اقتباس:  المشاركة الأصلية كتبت بواسطة علشانك بس     وش ياحظه فيه .. !!!

هلا علشانك بس

الحين خليت الكليجا وجيت على العجوززز السمنسي !!

لكن بما أن الجملة جزء من موضوعي فسالتزم بالاجابة :

حسب ما عرفت من موضوع العجوز السمنسي حضوره للمهرجان !!

فيا حظ اللي حضر المهرجان سوا العجوز السمنسي وغيره

واللي حظر يعلمنا وشو ازين كليجا شافه ؟

شكرا لحضورك

[علشانك بس]

اقتباس: فيا حظ اللي حضر المهرجان سوا العجوز السمنسي وغيره

علينااااااااااااااااا يامناحي .. !!!!! ,, لو انت قايل هالجملة من الأول كان ماسألتك عن السمنسي ,,
لكن يبدو لي ان مدح السمنسي هو اللي ضيّق صدرك لأنك فوّت المهرجان ,, ولا الكليجا بكل مكان خخخ ,,
المهم ,, المهرجان مافيه شي غريب ,, صافين درازن كليجا وطب وتخيّر ,,
الدائري والمستطيل ,, والنكهات بأنواعها ,,
واللي باعو بالمهرجان للحين يبيعون لكن كلن في بيته ,,
هاه توبي جازلك مدحي للكليجا .. !!! ولا مدح السمنسي احلى واحلى .. !!!!

[عجوز سمنسي]

[align=center]هلا بك ياتوبي

ياسيدي الكليجا بكل محل حنا ماغير صرنا حرامية ودخلنا وشفنا انواع الكليجا وراعيات التكليج

كليجا انواع واشكال ماعليك الا تطب وتختار

ولاتشره على علشانك وبس

يمديك تعدل بموضوعك وتقول ياحظك ياعلشانك وبس علشان ماتزعل

اعرفها عيونها حارة ترى تجدع الطير من السماء [/align]

[To Be]

اقتباس:  المشاركة الأصلية كتبت بواسطة علشانك بس     علينااااااااااااااااا يامناحي .. !!!!! ,, لو انت قايل هالجملة من الأول كان ماسألتك عن السمنسي ,, لكن يبدو لي ان مدح السمنسي هو اللي ضيّق صدرك لأنك فوّت المهرجان ,, ولا الكليجا بكل مكان خخخ ,, المهم ,, المهرجان مافيه شي غريب ,, صافين درازن كليجا وطب وتخيّر ,, الدائري والمستطيل ,, والنكهات بأنواعها ,, واللي باعو بالمهرجان للحين يبيعون لكن كلن في بيته ,, هاه توبي جازلك مدحي للكليجا .. !!! ولا مدح السمنسي احلى واحلى .. !!!!

[align=center]

هلا بك مرة اخرى علشانك بس

جل من لا يخطئ وطافت علي

عموما السمنسي ( يستاهل ) والجميع ولا يهونون

نرجع لصلب الموضوع

كل من كلمني عن المهرجان ضيق صدري ماهب بس السمنسي
وتحسفت وراي ماعنية للقصيم علشانه !!

مع ان شد الرحيل حسب ما هو مفهوم فقط ( للمساجد الحرام) !!

غريبه تقول المهرجان ما فيه شئي غريب !!

مع ان المهرجان كله غريب وحسب ما عرفت أنه اول مرة يقام للكليجا مهرجان !!

فاكيد الجديد موجود !!

والباعه الله يحفظهم ويمد في رزقهم

لننتظر ونرى ما هناك

شكرا لك

[/align]

[الأسترليني]

اقتباس: وياحظك يالعجوز السمنسي

الا علشانك بس صادقة و ش المقصود من وضع اسم السمنسي بالجملة اعلاه و التعذير السابق ما يمشي شف لنا حجة اقوى يا تو بي



حظي من الكليجا مش و لا بد اخذت لفة على ببيوت الطين و لقيت مسجل على كل بيت ام فلان و قلت بس ذولي ما عقب كليجاهن شئ و بديت اخذ من كل و حدة شوي علشان اقول ان ذقت كل الموجود لكن الله يخلف بس.. كليجا و لا بقرش يوجع الضروس و الطعم لا احساس و لا لون

اصلا من يوم شفت كل و حدة ومعها شغالتة و انا بطني مغصن

[مشقاص]

توبي

المهرجان كان له هدف معين وتحقق ولله الحمد والهدف واضح من عنوان المهرجان ..

اهلنا أولى بدعمنا

والي ما فيه خير لأهله ما فيه خير لأحد ..

والكليجا من الوروث القصيمي وعبق الماضي

والي ماله ماضي ماله حاضر

موضوعك حرك الشجون ياتوبي ....

[علشانك بس]

اقتباس: كل من كلمني عن المهرجان ضيق صدري ماهب بس السمنسي وتحسفت وراي ماعنية للقصيم علشانه !!

الفرق هنا كبير بين مدح الناس ومدح السمنسي ,,
مدح الناس كلله للكليجا وانواعها وأشكالها ,,
ومدح السمنسي كلله للناس اللي جايين يشترون الكليجا بأنواعها وأشكالها ,,

اقتباس: الا علشانك بس صادقة و ش المقصود من وضع اسم السمنسي بالجملة اعلاه و التعذير السابق ما يمشي شف لنا حجة اقوى يا تو بي

هذا الحتسي اللي مافي منّووو نبي حجة أقوى ,,

اقتباس: ولاتشره على علشانك وبس يمديك تعدل بموضوعك وتقول ياحظك ياعلشانك وبس علشان ماتزعل اعرفها عيونها حارة ترى تجدع الطير من السماء

888
وش عندوووهـ حمق علي خخخ ,, ماابيه يعدل بالموضوع ,, انت تستاهل تتربع في موضوعه ,, بما انك انت اللي مادحن له المهرجان ,,

[To Be]

اقتباس:  المشاركة الأصلية كتبت بواسطة عجوز سمنسي     [align=center]هلا بك ياتوبي [/align][align=center] ياسيدي الكليجا بكل محل حنا ماغير صرنا حرامية ودخلنا وشفنا انواع الكليجا وراعيات التكليج كليجا انواع واشكال ماعليك الا تطب وتختار ولاتشره على علشانك وبس يمديك تعدل بموضوعك وتقول ياحظك ياعلشانك وبس علشان ماتزعل اعرفها عيونها حارة ترى تجدع الطير من السماء [/align]

هلا بالعجوز السمنسي

رائع اذا فكرة المهرجان فكرة تسويقية ناجحة للكليجا !!

اكبر حضوور للكليجا في مكانا واحد


شكرا لك العجوز السمنسي

الحين عندنا علشانك بس و الاسترليني

شكلي ابحط اسماء الاعضاء كلهم

بس اغديهم يقتنعون ان حضورك هنا فقط كـ ( نموذج لزائر المهرجان )



شرفتني هنا استاذي

[To Be]

اقتباس:  المشاركة الأصلية كتبت بواسطة الأسترليني     الا علشانك بس صادقة و ش المقصود من وضع اسم السمنسي بالجملة اعلاه و التعذير السابق ما يمشي شف لنا حجة اقوى يا تو بي حظي من الكليجا مش و لا بد اخذت لفة على ببيوت الطين و لقيت مسجل على كل بيت ام فلان و قلت بس ذولي ما عقب كليجاهن شئ و بديت اخذ من كل و حدة شوي علشان اقول ان ذقت كل الموجود لكن الله يخلف بس.. كليجا و لا بقرش يوجع الضروس و الطعم لا احساس و لا لون اصلا من يوم شفت كل و حدة ومعها شغالتة و انا بطني مغصن

هلا بك الاسترليني

اذا كانت طريقة ترتيب المهرجان رائعة

صدقني لما اسمع عن بيوت الطين وجمال التجهيزات !!

لا اعلم لماذا ؟

فهل كان هناك مؤثر اكبر سرق الاقلام والعيون عنها ؟

رائع ما قمت به في الدعم الغير مباشر للاسر المنتجة و هذا املنا في كل فرد من افراد المجتمع احيي فيك هذه الروح !!

وكما ذكرت كان لخادمات المنازل تأثير في افساد نكهة الكليجا !!

فكم نحن بشوق لكليجا زمان !!

اما لماذا السمنسي

فلا تلومني انت وعلشانك بس بذلك !!

بصراحة

لان العجوز السمنسي كان متواجد هناك على طول لاعب على الحراس وكل يوم يدخل ومسنتر عند الكليجا

عاد وشو الكليجا اللي مسنتر عنده السمنسي ؟ ما ادري اسالوه هو

اطيب تحية لحضوركم الكريم

[To Be]

اقتباس:  المشاركة الأصلية كتبت بواسطة مشقاص     توبي المهرجان كان له هدف معين وتحقق ولله الحمد والهدف واضح من عنوان المهرجان .. اهلنا أولى بدعمنا والي ما فيه خير لأهله ما فيه خير لأحد .. والكليجا من الوروث القصيمي وعبق الماضي والي ماله ماضي ماله حاضر موضوعك حرك الشجون ياتوبي ....

هلا بك مشقاص

نعم نحن في حاجة الي دعم الاسر المنتجه في كل المنتجات وذلك في تنظيم مثل هذه المهرجانات بل على مستوى المملكة والتي ستلاقي حضورا اكبر اضافة الي نقل ثقافة !!

فلو كانت في الرياض او الشرقية او الغربية اعتقد ستلاقي نجاحا اكبر
وستتناقل المنتديات والصحف هناك تاريخ الكليجا وطريقة عمله وانواعه وافضل المنتجين !!

باختصار ستصب كل المواضيع في الكليجا ومكوناته وتاريخه !!

اطيب تحية لحضوركم الكريم

[عجوز سمنسي]

اقتباس: بصراحة لان العجوز السمنسي كان متواجد هناك على طول لاعب على الحراس وكل يوم يدخل ومسنتر عند الكليجا عاد وشو الكليجا اللي مسنتر عنده السمنسي ؟ ما ادري اسالوه هو اطيب تحية لحضوركم الكريم

وهـ بس

ياتوبي لو تشوفه
شيبي ماني بشايب

لابسات البراقع

ياتوبي شيبن بي

[To Be]

[align=center]

[align=center]الغريب [/align][align=center]

ان الكليجا الهولندية اخذت بالانتشار سريعا على مستوى عالمي !!

في عكس (كليجا ) القصيم التي لم تتجاوز التسويق المحلي !!

فما الذي اعطى تلك الثقافة سرعة الانتشار والقبول ؟[/align][/align]

[To Be]

اقتباس:  المشاركة الأصلية كتبت بواسطة علشانك بس     الفرق هنا كبير بين مدح الناس ومدح السمنسي ,, مدح الناس كلله للكليجا وانواعها وأشكالها ,, ومدح السمنسي كلله للناس اللي جايين يشترون الكليجا بأنواعها وأشكالها ,, هذا الحتسي اللي مافي منّووو نبي حجة أقوى ,, ,,

!!
!!!
!!!!
عفوا علشانك بس

انا اتكلم عن اللي سمعته انا !!!

ولا اعتقد تستطيعين الحكم بينه وبين كلام العجوز السمنسي !!

رجاءً لا تقولين وش سمعت انت

لعل ردي على الاسترليني حجة وافيه

شكرا لك