مين من بنات المنتدى تتزوجني ؟؟؟؟

[amįЯЋ]

.
.
.
مين من بنات المنتدى تتزوجني ؟؟؟؟


السلام عليكم ورحمة الله وبركاته
*
أنا أعترف لكم بأني فتاة...
*
*
وأنا راح اعرض هالموضوع بالأدب لأني مؤدبه وما ألف وأدور مثل البعض..
أنا مستعد أرد على كل مواضيعها .. واعلق تعليقات فكاهية وظريفة لأعلى حد .. واكتب لها قصايد وخواطر ما حصلت .. وكمان يميزني عن أي عضو .. إني اقدر اصمم لها تصاميم فلاش روووعه .... و شغلات ثانيه في عالم الانترنت ما تتخيلوها .. هذه بعض صفاتي في عالم الحاسوووب والالكترونيات .. خلوني أتحدث عن الصفات اللي ما تعرفوها طالما الكلام ببلاش
وسيم .. اخجل من نظر الناس إلي
مبسوط .. رايق على حبل الوقت أنا
رجل وأنا اشهد والكل يشهد لي
رومانسي وحساس .. اعشق الشعر .. لي نصف الليل أناجي فيه محبوبتي .. ولأهل الأرض النصف
لي نصف كلام الهوى انثره عند رجول محبوبتي و لأهل الأرض النصف
أنا أتنهد مره .. وكل العشاق في الكون مره
أنا وموج البحر .. أخوان .. انا و غروب الشمس عشرة سنين
أنا يوم غدر محبوبتي أسكنت الحزن عيني

انا وانا وانا وانا ... !!!


هاه .. مين توافق بعد كل هذا تعطيني إيميلها وتضيفني على الماسنجر
أبغى صغيرة عقل تقول أنا
لو الشغله بالكلام .. انصح كل بنت تروح تحب غازي القصيبي وإلا عبدالرحمن بن مساعد .. هذول رجال وشعراء كبار
أخواتي .. خلونا نتكلم بصراحة
أنا ماأعرفكم .. ولا تعرفوني .. وما بيني وبينكم غير سطور وحروف يأتي بها الله يوم القيامة .. يعني بنثر لكم قلبي .. وأعطيكم خبرة سنيني وسنين غيري عرفتها يمكن قبل بضعكم ما ينولد .. خذوا كلامي وقلبوه ... عجبتكم بضاعتي .. خير وبركه .. ما عجبتكم .. ارموها .. واخرجوا من الحين .. قولوا فلسفة .. يمكن تقولوها الحين .. بس بكرة حتكون عندكم نفس الفلسفة .. بعد ما بعضكم .. يكتوي بنار .. يحس بحسرة تخنق قلبه .. لكن يشتكي لمين
أعجب لفتاة .. تقدم قلبها لشخص لمجرد ان كلامه رائع ورومانسي وإلا كلامه يموت ضحك ..

بس ؟؟
هل هذه كل المواصفات الي تبغينها .. تقولي أبغى رجال .. شهم .. شديد البأس .. نشمي .. مستقبله طيب . حنون .. مثقف




كل البنات يبون هذا الشخص .. ..طيب لمجرد أن شخص ادعى على الماسنجر ولا بالمنتدى انه يملك كل هالصفات نصدقه .. لمجرد أن صورته الرمزية رائعة واسمه صدى الهمس .. وإلا عبير الشوق .. ويتابع مواضيعك ..




اعز ما عندك سمعتك وقلبك وأحلام حبك ... ادري إنها صافيه وورديه وخايفة عليها .. ليه ترميها بسهوله .. ليه .. والله قلبك يستاهل تبحثي عن الأفضل
اذكر أعضاء هنا وفي مكان آخر كنت أعجب بخلقهم وأدبهم إلى أقصى حد .. ( هذا أنا ).. فكيف تأثيره على البنات ..

وما أن أحادثهم تلفونيا حتى يسقطون من عيني تماما
نعم في كل مكان هناك الرجال وأشباه الرجال
هنا في المنتدى يوجد كثير من اصحاب الخلق الرفيع .. ولكن لانعرفهم إلا بالعشرة
أذكر شخصا كان في المنتدانا السابق وتم طرده لمضايقته للعضوات بواسطة الرسائل الخاصة .. هذا الشخص منذ أول موضوع له احسسته أرقى الناس .. مؤدب بشكل غير طبيعي .. ظريف جدا ..اسمه أكثر من رائع ... رائع في ردوده على الجميع .. تأثيره عجيب .. وما أن طلبت رقم هاتفه وكلمته حتى حلفت باني لم أرى أحقر منه .. فقد كان يتحدث عن البعض بكل وقاحة .. والأعجب أنه لا يعرفني و دعاني لمنتداه وقال بالحرف ( تعال الحمام عندنا خفيف وماعندنا رقابة على الردود والمواضيع مثل عندكم ) ..
يقصد البنات ..!!




اعلم ان الزمن تغير .. وأصبح الإحساس بالأنوثة يأتي في مرحلة مبكرة .. ومع كل وسائل الإعلام أصبحت الفتاة إلا من رحم ربي تتمنى الوقوع في الحب
الحب نوعين ..
نوع كالسكر .. لذيذ الطعم ولكن أضراره كثيرة
نوع كالعسل .. لذيذ الطعم لاترتوي منه الفتاة .. ليس له ضرر .. فيه شفاء




أختاآآآآآآهـ
حتى لو وجدت حبا حقيقيا في الماسنجر .. أي حياة ستكون بينكما وأي شك .. تقدري تقولي .. والله قبلك ما كلمت أحد .. ولو قلتيها .. تضحكي على نفسك لو ظنيت إنه رايح يصدقك ..



( تخيروا لنطفكم ) .. كلمة كبيرة ورائعة تشمل كل شي .. وانا اقول لك تخيري لنفسك ولقلبك ولإحلامك ولإبوك ولإهلك .. الحياة ماهي لحظات على الماسنجر .. ماهي كلمات حب وخلاص .. دوامة كبيرة .. تحتاجين الى رجل بمعنى الكلمة .. احلامك كل يوم تتغير .. اليوم تفكري بنفسك بكرة في ابوك بعده في زوجك وبعده في أطفالك .. حياة طويلة عريضة .. ليه تهدميها بكلمة حب سواء كانت صافيه او غير صافية .. طالما انها اتت في الظلام فلا خير فيها
اعطي قلبك وروعتك وأنوثتك لمن يستحق .. لمن يأتي من بابكم .. لمن لا يخجل أن يقول امام أبيك وكل الناس .. انا أحب هذه الفتاة .. اعشقها
كوني العالية .. بنت الأحرار.. كلك شموخ وعزة .. لاتكوني طير سهل صيده
كوني رقيقة وعذبة من الداخل ولكن كالصخر من الخارج




هذا درب السعادة قدمته لك .. وأنت حره .. بس فكري شويه .. والله كل أحلامك وقلبك يستاهل كثير من التفكير



سامحوني على قسوتي . فالحياة اقسى مما تتخيلوا خاصة حينما تتحطم القلوب


مما دعاني انقله لكم ..انني احبكم..فحافظو على انفسكم حبيباتي...

ولكم خالص شكري وتقديري ..

[$ جالكسي $]

اميرة مشكوره اختي
احسنتي واحسن الله إليك

لك مني خالص الشطر والمودهـ
فارس

[عبود زمان]

حياة الماسنجر ليس فيها إلا صداقة وتبادل فائده

أما غير هذا فأعتقد إنه مشبووووووه وخطر

مشكوووووووره اميره

[حكاية إحساس]

مشكـــــــــــوره على الفائده ماقصرتي
اللهم احمي بنـــــــــــات المسلمين

تقبلي مروري

[الزنون]

نعم اصبت الحقيقة
درر ماشاء الله
يابنات
اسمعوا هذا الكلام وطبقوه
مو الوحده تتميلح عندنا وتبحث عن المصايب
انتبهوا قبل ان يقع الفاس بالرس
حينها لا ينفع الندم
ومثل ما يقولون
لافات الفوت ما ينفع الصوت


شكراً يامن اصاغت اناملك هذا الكلام
تحياتي لك وللجميع

[أنثى مختلفة]

مشكور وطرح رائع كروعة صحبته,,

[ღ♥ همس الغروب ♥ღ]

موضوع رائع والبنت على تربيتها

اللهم احفظ جميع بنات المسلمين

[لمسةعطر22]

تسلم ايدك يااميره على هالكتابه الاكثر من رائه
الله يصلح الاحوال,, المشكله ان اكثر البنات عارفه هالكلام
ومتاكده من سوء النتائج لكن الاستهتار, وغياب الرقيب,وقبل كل شيئ عدم مراقبة الله سبحانه وتعالى....
تقبلي مروري

[فتاة بني خالد]

[align=center]اميره قلبي الله يعطيك العافيه..

موضوعك روعه وكلامك صح..[/align]

[ابواذان]

الحقيقه اني مافهمت شي لكن
الواحد مايبي من هالدنيا الا الستر والعافيه
ومشكورة اختي اميرة

[شًِْـِِّـِِّبٌَِل]

أحسنت أسلوب رائع جدا ماشاء الله عليك

[نـــNAــونا]

اقتباس:  المشاركة الأصلية كتبت بواسطة ****     بنات ابيكم بموضوع جداً مهم الموضوع ومافيه . . إني تعرفت على شخص عن طريق النت فـ كملنا عالمسن وعلاقتنا ما تعدت المسن ابداً يعني لأني ما احب اتعدى الخطوط الحمرا لا مكالمات ولا مقابلات الحمدلله هالإنسان كان يحكي لي انه يحشش وو راعي بنات وسوابق كل شي شين انا عادي كملت معه على اساس اني انصحه واغير فيه واكسب اجره وربي هذا اللي ببالي بس مع الوقت ومع الأسئله . . طلع يعرف اهلي زين مازين ويعرف كل شي عني فـ قال يبي يتزوجني وانه صادق وجاد ومايبي لي الشر ابداً وعارف إني إنسانه محترمه وماني راعية خرابيط لأنه حاول فيني واختبرني كثييير بس انا عند كلامي وقناعاتي ماتغيررت ولا راح تتغير بإذن لله ! فـ انا من يوم عرفت انه تبع حشيش كنت انصحه علشان صحته وعلشان آخرته وكل شي ووعدني انه يتركه وحلف لي انه تركه علشاني وفكرة البنات والخرابيط قلت له بعد قلي وربي خلاااص علشانك بترك كل خرابيطي بس شاريك وانا ودي اتوب يعني انسان وده يصير تمام بس ماعطى نفسه فرصه ولا احد اخذ بيده ! بس اللي محببني فيه انه جد يحبنييييي ومتمسك فيني وشاريني من قلب وغير أشياء بحياته علشاني ولسى يحاول وبعد اسلوبه حلووو حنووون طيب اشياء كثير حلوه بس مشكلته الماضي الأسود و الخراابيط الله يتوب عليه وعلى شباب المسلمين يارب عطوني رأيكم اواافق على الزواج منه ولا لأ اوقات اقول ماراح القى مثله بحنانه وحبه لي وخوفه عليييييي واوقات اقول استااهل احسن منههههههه متردده رغم اني صغيره عمري 21 وجميله ومتعلمه وخلوقه وكل شي تماااام بس مدرري وش تنصحوني وهل اللي يحشش يقدر يتركه بسهوله !! انتظر ردكم

ما سبق هو إستشاره تطلبها إحدى البنات من منتدى آخر أشارك فيه

والله على كثر ما سمعنا وقرينا عن المصائب اللي تصير من مثل هؤلاء الذئاب

نرى الكثير تضيع نفسها بنفسها والمشكله تقول بنت ناس أنا ما أدري وين أهلها وكيف يرضون بهذا الشيء

والله إني أرى مثل هذه المشاهد بكثره على الرغم مما نقرأه ونسمعه ونراه من قضايا الإبتزاز وفقدان العرض لكن فتياتنا ما يتوبن ولا يتعظن ( والسعيد من وعظ بغيره )

والمشكله باللي تجي ترد وتأيدها على الغلط وإذا قبلك يبيه لا توقفين أمام قلبك ومن هذه الخرابيط

وكمااان بكثره نرى قصص الحب التي يحادثننا صاحباتها وإذا نصحن البعض تثور أو يثور غيرها بأنه يحبها ولا يريد له الشر

الله يصلح شباب وشابات المسلمين ويحفظ أعراضنا ويستر علينا وعليهن

وكل الشكر والتقدير لصاحبة الموضوع

[صـاحي و رايـق]

أممممممممممممم يا طوله بعد
أخذت رؤوس أقلام منه بسرعه بس لا تسأليني تكفين
شاكر لك ومقدر على ما خطته أناملك
لعلى وعسى أن يكون فيه النفع لكل من يقراءه!!

[بورش]

موضوع رائع ...
اللهم احفظ شبااب وبناات المسلمين من كل شر

[كيان طفله]

الله يحفظ بنات المسلمين ,

يسلمو حبيبتي على النقل الرائع

هيك نقل ولا بلآ